shutdown: అలా చేస్తే దేశం నాశనమే.. బిల్ గేట్స్

న్యూఢిల్లీ: ప్రపంచ వ్యాప్తంగా ఆందోళన కలిగిస్తున్న కరోనా మహమ్మారి అమెరికాలో మరణ మృదంగం సృష్టిస్తోంది. కాగా మైక్రోసాఫ్ట్ సహా వ్యవస్థాపకుడు బిల్ గేట్స్ కరోనా వ్యాప్తిపై మాట్లాడుతూ.. పది వారాల పాటు అన్నీ రకాల సముదాయాలను కఠినంగా అమలు చేయాలని, లేకపోతే తీవ్ర ఆర్థిక సంక్షోభం తప్పదని సూచించారు. అమెరికా వ్యాప్తంగా కరోనా కేసులు 2 లక్షలకు చేరిన నేపథ్యంలో ది వాషింగ్టన్ పోస్ట్ ద్వారా పేర్కొన్నారు. భయంకరంగా విజృంభిస్తున్న కరోనా మహమ్మారి సంక్రమణపై వాదోపవాదాలు సరికాదని దేశవ్యాప్త షట్ డౌన్ ను కఠినంగా అమలు చేయాలని, చాలా ప్రాంతాల్లో బీచ్ లు, రెస్టారెంట్లు అందుబాటులోనే ఉన్నాయని, ప్రజలు స్వేచ్ఛగా ప్రయాణిస్తున్నారని అన్నారు.  

ఇప్పటికైనా తగు ముందు జాగ్రత్తలు తీసుకోవాలని, కరోనా పాజిటివ్ కేసుల సంఖ్య తగ్గుముఖం పట్టేంత వరకూ షట్ డౌన్ చేయాలని, తద్వారా సంక్రమణను అదుపులో ఉంచవచ్చని ఆయన పేర్కొన్నారు. కనిష్టంగా 10 వారాల పాటు షట్ డౌన్ ను అమలు చేయాలని దేశాక్షుడు ట్రంప్ కు బిల్ గేట్స్ కు సూచించారు.