James Webb Space Telescope: ఖగోళ రహస్యాలను ఛేదించేందుకు... నింగిలోకి దూసుకెళ్లిన జేమ్స్ వెబ్ టెలిస్కోప్

James Webb Space Telescope Launch: ఖగోళ రహస్యాలను ఛేదించడానికి సిద్ధమైంది జేమ్స్ వెబ్ టెలిస్కోప్ (James Webb Space Telescope Launch). విశ్వం గుట్టును విప్పేందుకు నింగిలోకి దూసుకెళ్లింది. ఈ అరుదైన ఘట్టానికి శ్రీకారం చుట్టింది అమెరికా అంతరిక్ష పరిశోధనా సంస్థ నాసా (NASA). గయానా ( French Guiana) స్పేస్ సెంటర్ నుంచి జేమ్స్ వెబ్ స్పేస్ టెలిస్కోప్(JWST)‎ను విజయవంతంగా ప్రయోగించారు శాస్త్రవేత్తలు. డిసెంబర్ 25 ఉదయం 07:20 (భారత కాలమానం ప్రకారం సాయంత్రం 5.50) దీనిని లాంచ్ చేశారు. 

ఐరోపా అంతరిక్ష సంస్థకు చెందిన ఎరియాన్-5 రాకెట్ (Ariane 5 Rocket) ద్వారా దీన్ని ప్రయోగించారు. అమెరికా అంతరిక్ష సంస్థ నాసా, యూరోపియన్‌ స్పేస్‌ అకాడమీ, కెనడియన్‌ స్పేస్‌ ఏజెన్సీలు సంయుక్తంగా ఈ ప్రాజెక్టును చేపట్టాయి. కాలంలో వెనక్కి వెళ్లి..విశ్వం పుట్టుక తొలినాళ్లలో ఏర్పడిన గెలాక్సీలను శోధించటం దీని ప్రత్యేకత. క్రిస్మస్ సందర్భంగా ఖగోళ శాస్త్రవేత్తలు, స్కైవాచర్లకు నాసా ప్రత్యేక కానుకను ఇచ్చింది. 

1990లో రోదసీలోకి ప్రవేశపెట్టిన 'హబుల్ స్పేస్ టెలిస్కోప్‌'(Hubble Space Telescope)నకు కొనసాగింపుగా దీనిని ప్రవేశపెట్టారు. స్పేస్ లో ప్రయోగించిన అతి పెద్ద టెలిస్కోప్‌ ఇదే. హబుల్‌ కంటే 100 రెట్ల స్పష్టతతో ఈ టెలిస్కోప్‌ చిత్రాలను తీస్తుంది. ఈ వెబ్ టెలిస్కోప్ తయారీకి సుమారు 73 వేల కోట్లు ఖర్చు చేశారు. ఈ టెలిస్కోపు ప్రైమరీ మిర్రర్‌ను.. బంగారం పూతతో తయారు చేశారు. 5 నుంచి 10 ఏళ్ల పాటు ఈ టెలిస్కోప్‌ సేవలందించనుంది. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.

Android Link - https://bit.ly/3hDyh4G

Apple Link - https://apple.co/3loQYe