SBI च्या शेअरमध्ये मोठी घसरण ; 'या' कारणामुळे गुंतवणूकदारांना कोटींचा फटका

SBI Share Price: देशातील सर्वात मोठी बँक 'स्टेट बँक ऑफ इंडिया'ला नुकताच मोठा धक्का बसला आहे. SBI ने नुकताच आपला तिमाही निकाल जाहीर केला आहे. बँकेच्या चालू आर्थिक वर्षाच्या पहिल्या तिमाहीत निव्वळ नफ्यात सात टक्क्यांची घट झाल्याचे दिसून आले आहे.  सोमवार 8 ऑगस्ट 2022 रोजी, SBI शेअरमध्ये घसरण झाली. एसबीआयच्या शेअरबाबत काय करायचे याबाबत गुंतवणूकदारांमध्ये संभ्रम आहे.

'स्टेट बँक ऑफ इंडिया'चे उत्पन्नही घटले असून त्यामुळे बँकेच्या नफ्यात घट झाल्याचे निकालात दिसून आले.  सोमवारी एसबीआयच्या शेअरमध्ये घसरण पाहायला मिळाली. आज एसबीआयचा शेअर तीन टक्क्यांहून अधिक घसरला आहे. बहुतेक ब्रोकरेज कंपन्यांनी 'स्टेट बँक ऑफ इंडिया'वर त्यांचे रेटिंग कायम ठेवले आहे. SBI चे शेअर्स 5 ऑगस्ट 2022 रोजी NSE वर रु. 531.05 वर बंद झाले.

सोमवारी 8 ऑगस्ट रोजी दुपारी 12 वाजेपर्यंत एसबीआय सुमारे 15 रुपयांच्या घसरणीसह 516 रुपयांवर व्यवहार करत होता. आज शेअर 524 रुपयांच्या घसरणीसह उघडला आणि घसरत राहिला. SBI ने 513.85 रुपयांचा नीचांक नोंदवला आहे.

सोबतच गुंतवणूकदारांचे कोट्यवधी रुपयेही मोठ्या प्रमाणात पडल्याने बुडाले. तर गुंतवणूकदारांना दीर्घ काळासाठी एसबीआयच्या शेअरमध्ये टिकून राहयचे  आहे आणि पुढील 12 महिन्यांत 600-650 रुपयांपेक्षा जास्त संभाव्य लक्ष्यासाठी स्टॉक खरेदी करण्याचा सल्ला देत आहेत.

ब्रोकरेज फर्म शेअरखानने एसबीआयच्या शेअरची खरेदी करण्याचा सल्ला दिला आहे. आणि 600 रुपयांचे लक्ष्य दिले आहे. 

याशिवाय जेफरीज आणि एचएसबीसी या दोघांनीही एसबीआयमध्ये गुंतवणूक करण्याचा सल्ला दिला आहे आणि 630 रुपयांचे लक्ष्य दिले आहे. 

मोतीलाल ओसवाल यांनी एसबीआयला खरेदी करण्याचा सल्ला देताना 625 रुपयांचे लक्ष्य दिले आहे आणि जेपी मॉर्गन एसबीआयवर उत्साही आहे आणि खरेदी करण्याचा सल्ला देताना त्यांनी 650 रुपयांचे लक्ष्य दिले आहे.