मुख्यमंत्र्यांच्या मुलावर आरोप करणं राहुल गांधींना पडलं भारी

भोपाल : काँग्रेसला विजयी करण्यासाठी निवडणुकीच्या मैदानात उतरलेले पक्षाचे अध्यक्ष राहुल गांधी यांना एक कन्फ्यूजनमुळे कोर्टात जाण्य़ाची वेळ येऊ शकते. मध्यप्रदेशचे मुख्यमंत्री शिवराज सिंह चौहान यांचा मुलगा कार्तिकेय चौहानने पनामा घोटाळ्यात त्याचं नाव घेतल्याने राहुल गांधींवर अब्रुनुकसानीचा दावा केला आहे.

सोमवारी झाबुआ येथील रॅलीमध्ये राहुल गांधी यांनी पनामा आणि व्यापमंवर टीका करताना मुख्यमंत्री शिवराज सिंह यांचा मुलगा कार्तिकेयवर देखील आरोप केले होते. राहुल गांधी यांच्या आरोपानंतर लगेचच प्रतिक्रिया देत मुख्यमंत्री शिवराज सिंह चौहान यांनी कोर्टात जाणार असल्याचं ट्विट केलं. राहुल गांधी यांनी त्यांच्याकडून झालेल्या चुकीवर स्पष्टीकरण देताना म्हटलं की, भाजपमध्ये इतका भ्रष्टाचार आहे की, मी कन्फ्यूज झालो. 

पिछले कई वर्षों से कांग्रेस मेरे और मेरे परिवार के ऊपर अनर्गल आरोप लगा रही हैं। हम सबका सम्मान करते हुए मर्यादा रखते हैं, लेकिन आज तो @RahulGandhi जी ने मेरे बेटे @yuva_kartikey का नाम पनामा पेपर्स में आया है कहा कर, सारी हदें पार कर दी! कल ही हम उन पर मानहानि का दावा कर रहे है।

— ShivrajSingh Chouhan (@ChouhanShivraj) October 29, 2018

राहुल गांधींनी म्हटलं की, मध्य प्रदेशच्या मुख्यमंत्र्यांनी पनामा नाही केला. त्यांनी ई-टेंडरिंग आणि व्यापमं घोटाळा केला आहे. राहुल यांच्या वक्तव्यानंतर शिवराज सिंह चौहान यांचा मुलगा कार्तिकेयने 48 तासाच्या आत माफी मागा अन्यथा कायदेशीर कारवाई करण्याचा इशारा दिला.

आज @RahulGandhi जी ने मुझे ‘पनामा पपेर्स’ में संलिप्त होने का झूठा बयान दिया है।मैं व्यथित हूँ कि बचपने की आड़ में सार्वजनिक मंच से मेरी व मेरे परिवार की प्रतिष्ठा खंडित की गई है।
यदि 48 घंटे में उन्होंने माफी नहीं मांगी तो मैं उनपर कठोरतम कानूनी कार्यवाही के लिए बाध्य हो जाऊँगा

— Kartikey Singh Chauhan (@yuva_kartikey) October 29, 2018

राहुल गांधी यांनी आपली चूक मान्य केल्यानंतर ही कार्तिकेयने राहुल गांधींविरोधात तक्रार दाखल केली आहे. न्यायाधीश सुरेश सिंह यांच्या कोर्टात कार्तिकेयने राहुल गांधींविरोधात अब्रुनुकसानीचा दावा केला आहे. 3 नोव्हेंबरला सकाळी 11 वाजता यावर सुनावणी होणार आहे. पुरावा म्हणून कार्तिकेय चौहान यांच्या वकिलाने कोर्टात वृत्तपत्राची कात्रणं आणि टीव्ही न्यूज चॅनेलचं फुटेज सादर केलं आहे.