पेट्रोलनंतर डिझेल महागले

www.24taas.com,झी मीडिया, नवी दिल्ली
पुन्हा एकदा महागाईचा भडका उडण्याची शक्यता आहे. महागाईच्या आगीत पेट्रोलपाठोपाठ आता डिझेलच्या दरात ५० पैशानी वाढ करण्याचा निर्णय तेलकंपन्यांनी घेतलाय. ही दरवाढ मध्यरात्रीपासून लागूही झाली आहे.
या वर्षातील ही सहावी वाढ आहे. मुंबईमध्ये ही दरवाढ ६२ पैसे आहे. याठिकाणी डिझेलचा प्रतिलिटर ५७.५१ असा दर असणार आहे. तर राजधानी दिल्लीमध्ये डिझेलचा दर प्रतिलिटर ५०.२६ वरून ५०.८४ रुपये झाला आहे.