ଚୀନ ସରକାରଙ୍କୁ ନାରାଜ କରିବା ପଡିଲା ମହଙ୍ଗା; ଗାଏବ ହୋଇଗଲେ Chinese Billionaire Jack Ma

ଦେଶରେ କ୍ଷମତାସୀନ କମ୍ୟୁନିଷ୍ଟ ସରକାରଙ୍କୁ ସମାଲୋଚନା କରିବା ପରେ ରହସ୍ୟମୟ ଢଙ୍ଗରେ ଗାଏବ ହୋଇଛନ୍ତି ଚୀନୀ ଅରବପତି ଜ୍ୟାକ ମା।

ବେଜିଂ: ଦେଶର କମ୍ୟୁନିଷ୍ଟ ସରକାରଙ୍କ ବାବଦରେ ଆଲୋଚନା କରିବା ଜଣେ ଜଣାଶୁଣା ଚୀନୀ ଅରବପତିଙ୍କୁ ମହଙ୍ଗା ପଡିଛି। ଏପରିକି ଗତ ୨ ମାସ ହେବ ତାଙ୍କର କୌଣସି ଖୋଜଖବର ମିଳୁନାହିଁ। ଚୀନ ରାଷ୍ଟ୍ରପତି  ଜିନପିଙ୍ଗଙ୍କ ସହ ବିବାଦ ହେବା ପରେ ରହସ୍ୟମୟ ଢଙ୍ଗରେ ଗାଏବ ହୋଇଯାଇଛନ୍ତି ଆଲିବାବା କମ୍ପାନୀ ସମୂହ ସଂସ୍ଥାପକ ଜ୍ୟାକ ମା। ଏହି ଚୀନୀ ଶିଳ୍ପପତି ଜଣଙ୍କ ଦେଶର 'ଡ୍ୟାଡି ମା' ନାମରେ ମଧ୍ୟ ଜଣାଶୁଣା। 

ରାଷ୍ଟ୍ରପତି ଜିନପିଙ୍ଗଙ୍କ ସହ ବିବାଦ ପରେ ଜ୍ୟାକ ମା (Jack Ma) ଅଚାନକ ଗାଏବ ହୋଇଯିବା ଘଟଣା ବର୍ତ୍ତମାନ ସନ୍ଦେହ ଘେରରେ ରହିଛି। ଗତ ବର୍ଷ ଅକ୍ଟୋବରରେ ସରକାରୀ ନୀତିକୁ ସମାଲୋଚନା କରିବା ପରେ ସେ ଜିନପିଙ୍ଗ ସରକାରଙ୍କ ଟାର୍ଗେଟକୁ ଆସିଯାଇଥିଲେ। ଏପରିତି ତାଙ୍କ କମ୍ପାନୀ ଆଲିବାବା (Alibaba) ଉପରେ ଚୀନ ସରକାର ସତର୍କ ନଜର ରଖିବା ଆରମ୍ଭ କରିଦେଇଥିଲେ।      

ବ୍ରିଟିଶ ଗଣମାଧ୍ୟମ ଡେଲି ମେଲ ଅନୁସାରେ ଗତ ବର୍ଷ ସଂଘାଇ ଠାରେ ଆୟୋଜିତ ହୋଇଥିବା ଏକ କାର୍ଯ୍ୟକ୍ରମରେ ଯୋଗ ଦେବା ଅବସରରେ ସେ ଚୀନ ସରକାରଙ୍କୁ ସମାଲୋଚନା କରିଥିଲେ। ସେ ଦେଶର 'ସୁଧ ବହନ କରୁଥିବା' ଆର୍ଥିକ ନିୟାମକ ଏବଂ ସାର୍ବଜନୀନ କ୍ଷେତ୍ର ବ୍ୟାଙ୍କକୁ ଟାର୍ଗେଟ କରିଥିଲେ। ଜ୍ୟାକ୍ ମା ସରକାରଙ୍କ ଠାରୁ ଦାବି କରିଛନ୍ତି ଯେ ଏଭଳି ବ୍ୟବସ୍ଥାରେ ପରିବର୍ତ୍ତନ କରାଯିବା ଆବଶ୍ୟକ ଯାହା ବ୍ୟବସାୟରେ ନୂତନ ଜିନିଷ ଆରମ୍ଭ କରିବାକୁ ପ୍ରୟାସକୁ ଦମନ କରିବାକୁ ଚେଷ୍ଟା କରୁଛି। ସେ ବିଶ୍ୱବ୍ୟାପୀ ବ୍ୟାଙ୍କିଂ ନିୟମକୁ ବୃଦ୍ଧ ଲୋକଙ୍କ କ୍ଲବ୍ ବୋଲି ଦର୍ଶାଇଥିଲେ।

ଜ୍ୟାକ ମା ଙ୍କ ଏପରି ଭାଷଣ କ୍ଷମତାସୀନ ଚୀନ କମ୍ୟୁନିଷ୍ଟ ସରକାର (Chinese Communist Govt) ପସନ୍ଦ କରିନଥିଲେ। ଏହା ପରେ ତାଙ୍କ କମ୍ପାନୀ ଉପରେ ସତର୍କ ନଜର ରଖିବା ଆରମ୍ଭ କରି ଦେଇଥିଲେ। ଏପରିକି କମ୍ପାନୀ ସରକାର ମଧ୍ୟ ବିଭିନ୍ନ ପ୍ରତିବନ୍ଧକ ଲଗାଇଥିଲେ। ଏପରି ନିର୍ଦ୍ଦେଶ ସିଧାସଳଖ ଚୀନ୍ ରାଷ୍ଟ୍ରପତି ସି ଜିନପିଙ୍ଗଙ୍କ (President Jinping) ଠାରୁ ଆସିଥିଲା।

କ୍ରିସମାସ ଅବସରରେ ଜ୍ୟାକ୍ ମାଙ୍କୁ ତାଙ୍କ ଆଲିବାବା ଗ୍ରୁପ୍ ବିରୋଧରେ ଚାଲିଥିବା ତଦନ୍ତ ଶେଷ ନହେବା ପର୍ଯ୍ୟନ୍ତ ଚୀନ୍ ନଛାଡିବାକୁ ଦେଶରେ କ୍ଷମତାସୀନ କମ୍ୟୁନିଷ୍ଟ ସରକାର ଜଣାଇ ଦେଇଥିଲେ। ଏହା ପରେ, ନଭେମ୍ବରରେ ତାଙ୍କ ଟିଭି ସୋ 'ଆଫ୍ରିକା ବିଜନେସ୍ ହିରୋ' ଫାଇନାଲ୍ ପୂର୍ବରୁ ଜ୍ୟାକ୍ ମା ରହସ୍ୟମୟ ଭାବେ ଅଦୃଶ୍ୟ ହୋଇଯାଇଥିଲେ। କେବଳ ଏତିକି ନୁହେଁ ନିଜ କାର୍ଯ୍ୟକ୍ରମରୁ ମଧ୍ୟ ତାଙ୍କ ଫୋଟ ହଟାଯାଇଥିଲା। ଆଲିବାବା ଗ୍ରୁପ୍‌ର ମୁଖପାତ୍ର କହିଛନ୍ତି କାର୍ଯ୍ୟସୂଚୀ ବିବାଦ କାରଣରୁ ଜ୍ୟାକ୍ ମା ବିଚାରପତିଙ୍କ ପ୍ୟାନେଲର ଅଂଶ ନୁହଁନ୍ତି। ଫାଇନାଲ ଶୋ ପୂର୍ବରୁ ଜ୍ୟାକ୍ ମା ଟ୍ୱିଟ୍ କରି କହିଥିଲେ ଯେ ସେ ସମସ୍ତ ପ୍ରତିଯୋଗୀଙ୍କୁ ଭେଟିବାକୁ ଆଗ୍ରହୀ।

ଜ୍ୟାକ୍ ମା ତାଙ୍କ ସୋସିଆଲ୍ ମିଡିଆ ଆକାଉଣ୍ଟରେ ମଧ୍ୟ ସେତେମାତ୍ରାରେ ସକ୍ରିୟ ନାହାଁନ୍ତି। ହେଲେ ସେ  ପୂର୍ବରୁ ସେ ଲଗାତାର ଟ୍ୱିଟ୍ କରୁଥିଲେ। ଏହା ପ୍ରଥମ ଘଟଣା ନୁହେଁ ଯେଉଁମାନେ ଚୀନ ସରକାରଙ୍କ ବିରୁଦ୍ଧରେ ସ୍ୱର ଉତ୍ତୋଳନ କରିଥିଲେ ସେମାନେ ଏହିପରି ଅଦୃଶ୍ୟ ହୋଇଯାଇଛନ୍ତି। ଏହାପୂର୍ବରୁ ରାଷ୍ଟ୍ରପତି ସି ଜିନପିଙ୍ଗଙ୍କୁ ସମାଲୋଚନା କରିଥିବା ବ୍ୟବସାୟୀ ରେନ୍ ଜିକିଆଙ୍ଗ ନିଖୋଜ ହୋଇଯାଇଥିଲେ। ସେ କୋରୋନା ମହାମାରୀ ପ୍ରସଙ୍ଗରେ ଜିନପିଙ୍ଗଙ୍କୁ ଏକ 'ପ୍ରାଙ୍କଷ୍ଟର' ଅର୍ଥାତ ମଜାକ କରୁଥିବା ଲୋକ ବୋଲି କହିଥିଲେ। ଏହା ପରେ ତାଙ୍କୁ ୧୮ ବର୍ଷ ଲାଗି ଜେଲ ପଠାଯାଇଥିଲା। ୨୦୧୭ରୁ ଆଉ ଜଣେ ଚୀନୀ ଆରବପତି ଜିଆନ ଜିଆନହୁଆ ନଜରବନ୍ଦୀ ଅଛନ୍ତି।