ରାଜ୍ୟସଭା ନିର୍ବାଚନ ପୂର୍ବରୁ କଂଗ୍ରେସର ଟେନସନ୍ ବଢ଼ାଇଲା ୧୦ ବିଧାୟକ, ୩ଟି ଆସନ ଜିତିବା ପାଇଁ ଆବଶ୍ୟକ ପ୍ରତ୍ୟେକ ବିଧାୟକଙ୍କ ଭୋଟ୍

Rajya Sabha Election 2022: କିଛି ବିଧାୟକ ମଧ୍ୟ ଏପରି ଅଛନ୍ତି ଯେଉଁମାନେ ବର୍ତ୍ତମାନ ପର୍ଯ୍ୟନ୍ତ ଖୋଲାଖୋଲି ଭାବେ ନିଜର ଅସନ୍ତୋଷ ବ୍ୟକ୍ତ କରିନାହାଁନ୍ତି । ସେମାନଙ୍କ ମଧ୍ୟରେ ବେଙ୍ଗୁ ବିଧାୟକ ରାଜେନ୍ଦ୍ର ବିଧୁରୀ, ବାରୀ ବିଧାୟକ ଗିର୍ରାଜ ସିଂ ମାଲିଙ୍ଗା ମଧ୍ୟ ସାମିଲ ଅଛନ୍ତି । ନିଜ ବିରୋଧରେ ମାମଲା ରୁଜୁ ହୋଇଥିବାରୁ ମାଲିଙ୍ଗା ଅସନ୍ତୁଷ୍ଟ ଅଛନ୍ତି ଓ ଡିଜିପିଙ୍କ ବିରୋଧରେ ଖୋଲାଖୋଲି ଭାବେ କହିଛନ୍ତି ।

ନୂଆଦିଲ୍ଲୀ: Rajya Sabha Election 2022: ରାଜ୍ୟସଭା ନିର୍ବାଚନ ପୂର୍ବରୁ ରାଜସ୍ଥାନ ରାଜନୀତି (Rajasthan Politics) ର ପାରା ବଢ଼ିବାରେ ଲାଗିଛି । ଏହାସହ କଂଗ୍ରେସ (Congress) ର ଆଭ୍ୟନ୍ତରୀଣ ରାଜନୀତିରେ ମଧ୍ୟ ହଇଚଇ ସୃଷ୍ଟି ହୋଇଛି । କଂଗ୍ରେସର ୧୦ରୁ ଅଧିକ ବିଧାୟକ (Congress MLAs) ବିଭିନ୍ନ ପ୍ରସଙ୍ଗରେ ଅସନ୍ତୁଷ୍ଟ ଅଛନ୍ତି ବୋଲି ଜଣାପଡ଼ିଛି । କଂଗ୍ରେସ ଚିନ୍ତା କରୁଛି ଯେ ଏହି ବିଧାୟକଙ୍କ ଅସନ୍ତୋଷ ରାଜ୍ୟସଭା ନିର୍ବାଚନରେ ଭାରି ପଡ଼ିପାରେ, କାରଣ ୩ଟି ରାଜ୍ୟ ସଭା ଆସନ ଜିତିବା ପାଇଁ ପ୍ରତ୍ୟେକ ବିଧାୟକ (Congress MLA) ଙ୍କ ଭୋଟ୍ ଆବଶ୍ୟକ ।

ଏଭଳି ପରିସ୍ଥିତିରେ ବିଧାୟକଙ୍କ ଅସନ୍ତୋଷକୁ ଦୃଷ୍ଟିରେ ରଖି ଆଭ୍ୟନ୍ତରୀଣ ଡେମେଜ୍ କଣ୍ଟ୍ରୋଲ ପାଇଁ ରଣନୀତି ପ୍ରସ୍ତୁତ କରାଯାଇଛି । ରାଜ୍ୟର ମୁଖ୍ୟମନ୍ତ୍ରୀ ଅଶୋକ ଗେହଲୋଟ୍ (Rajasthan CM Ashok Gehlot) ଓ ରାଜସ୍ଥାନ କଂଗ୍ରେସ ସଭାପତି ଗୋବିନ୍ଦ ସିଂ ଡୋଟାସରା (Congress State President Govind Singh Dotasara) ମଧ୍ୟ ଅନେକ ବିଧାୟକଙ୍କ ସହ କଥା ହୋଇଛନ୍ତି, କିନ୍ତୁ ଅସନ୍ତୋଷ ଦୂର ହୋଇ ନାହିଁ । ଅନେକ ବିଧାୟକ ଖୋଲାଖୋଲି ଭାବେ ନିଜର ଅସନ୍ତୋଷ ବ୍ୟକ୍ତ କରିଥିବାବେଳେ ଅନେକ ଭିତରେ ଭିତରେ ଅସନ୍ତୁଷ୍ଟ ଅଛନ୍ତି । ଆଦିବାସୀ ଅଞ୍ଚଳର ବିଧାୟକ ଗଣେଶ ଘୋଗ୍ରା ଏବଂ ରାମଲାଲ ମୀନା ଖୋଲାଖୋଲି ଭାବେ ଅସନ୍ତୋଷ ବ୍ୟକ୍ତ କରିଛନ୍ତି । ଭାରତ ସିଂ କୁନ୍ଦନପୁର, ଅମିନ ଖାନ, ଦିବ୍ୟା ମଦେରନା ମଧ୍ୟ ସେମାନଙ୍କ ପ୍ରସଙ୍ଗରେ ଦୃଢ଼ ମନୋଭାବ ପ୍ରଦର୍ଶନ କରିଛନ୍ତି ।

କିଛି ବିଧାୟକ ମଧ୍ୟ ଏପରି ଅଛନ୍ତି ଯେଉଁମାନେ ବର୍ତ୍ତମାନ ପର୍ଯ୍ୟନ୍ତ ଖୋଲାଖୋଲି ଭାବେ ନିଜର ଅସନ୍ତୋଷ ବ୍ୟକ୍ତ କରିନାହାଁନ୍ତି । ସେମାନଙ୍କ ମଧ୍ୟରେ ବେଙ୍ଗୁ ବିଧାୟକ ରାଜେନ୍ଦ୍ର ବିଧୁରୀ, ବାରୀ ବିଧାୟକ ଗିର୍ରାଜ ସିଂ ମାଲିଙ୍ଗା ମଧ୍ୟ ସାମିଲ ଅଛନ୍ତି । ନିଜ ବିରୋଧରେ ମାମଲା ରୁଜୁ ହୋଇଥିବାରୁ ମାଲିଙ୍ଗା ଅସନ୍ତୁଷ୍ଟ ଅଛନ୍ତି ଓ ଡିଜିପିଙ୍କ ବିରୋଧରେ ଖୋଲାଖୋଲି ଭାବେ କହିଛନ୍ତି ।

ଏହା ବି ପଢ଼ନ୍ତୁ:-'ଶିବଲିଙ୍ଗ ନୁହେଁ ଭିତରେ ଅଛି ଫୱାରା, ପିଲାଦିନରୁ ଦେଖି ଆସୁଛି', ମସଜିଦ ପଛରେ ଥିବା ମନ୍ଦିରର ପୂଜାରୀଙ୍କ ବଡ଼ ଦାବି

ଏହା ବି ପଢ଼ନ୍ତୁ:-ପେଟ୍ରୋଲ-ଡିଜେଲ ଦର ଶସ୍ତା ହେବା ପରେ ଆସିଲା ଆଉ ଏକ ଖୁସି ଖବର, ହ୍ରାସ ପାଇଲା ସୋରିଷ ତେଲ ସମେତ ସମସ୍ତ ତେଲ ଦର

ଏହା ବି ପଢ଼ନ୍ତୁ:-ଶରତ ପଟ୍ଟନାୟକ ହେଲେ ଓଡ଼ିଶା କଂଗ୍ରେସର ନୂଆ ମୁଖିଆ, ଜାଣନ୍ତୁ ତାଙ୍କ ବିଷୟରେ...

ଅସନ୍ତୁଷ୍ଟ କଂଗ୍ରେସ ବିଧାୟକମାନେ ସରକାର ଓ ଦଳକୁ କ୍ଷତି ପହଞ୍ଚାଇବା ପୂର୍ବରୁ ଚାପ ରାଜନୀତି ଆରମ୍ଭ କରିଦେଇଛନ୍ତି । ଅସନ୍ତୁଷ୍ଟ ଥିବା ବିଧାୟକମାନେ କ୍ରସ୍ ଭୋଟି ନ କରିପାରନ୍ତି କିନ୍ତୁ ନିଜର ଅସନ୍ତୋଷ ଦେଖାଇ ସେମାନେ ବର୍ତ୍ତମାନ ଅଟକି ରହିଥିବା କାର୍ଯ୍ୟ ଏବଂ ବିଚାରାଧୀନ ସମସ୍ୟାର ସମାଧାନ କରିନେବାକୁ ଚାହୁଁଛନ୍ତି । ବିଧାୟକଙ୍କ ପାଇଁ ସରକାରଙ୍କ ଉପରେ ଚାପ୍ ପକାଇବା ବର୍ତ୍ତମାନ ସଠିକ୍ ସମୟ, କାରଣ ରାଜ୍ୟସଭା ନିର୍ବାଚନ ଅପେକ୍ଷା ବିଧାୟକମାନଙ୍କ ପାଖରେ ସରକାରଙ୍କୁ ଚାପରେ ପକାଇବାର ଅଧିକ ପ୍ରଭାବଶାଳୀ ସୁଯୋଗ ମିଳିବ ନାହିଁ । ସେପଟେ ଗେହଲୋଟ ସରକାରଙ୍କ କାର୍ଯ୍ୟକାଳ ମଧ୍ୟରେ ଏହା ହେଉଛି ଶେଷ ରାଜ୍ୟସଭା ନିର୍ବାଚନ । ବର୍ତ୍ତମାନ ପରବର୍ତ୍ତୀ ରାଜ୍ୟସଭା ନିର୍ବାଚନ ମାର୍ଚ୍ଚ ୨୦୨୪ରେ ହେବ, ଏହା ପୂର୍ବରୁ ବିଧାନସଭା ନିର୍ବାଚନ ହେବାର ଅଛି ।