ಬೆಂಗಳೂರು: 'ಟೈಟಾನಿಕ್' ದಾಖಲೆಗಳನ್ನ ಉಡೀಸ್ ಮಾಡಿ ಜಗತ್ತಿನ ಸಿನಿಮಾ ಲೋಕದಲ್ಲಿ ಹೊಸ ಇತಿಹಾಸ ಬರೆದಿದ್ದ 'ಅವತಾರ್' ಸಿನಿಮಾದ ಸೀಕ್ವೆಲ್‌ 'ಅವತಾರ್-2' ಜಗತ್ತಿನಾದ್ಯಂತ 160ಕ್ಕೂ ಹೆಚ್ಚು ಭಾಷೆಗಳಲ್ಲಿ ರಿಲೀಸ್ ಆಗಲು ಸಿದ್ಧವಾಗಿದೆ. ಈ ಮೂಲಕ ಮಿಂಚಿನ ಸಂಚಲನ ಸೃಷ್ಟಿಸುತ್ತಿದೆ 'ಅವತಾರ್-2'.
'ಟೈಟಾನಿಕ್'.. ಬಹುಶಃ ಈ ಸಿನಿಮಾದ ಹೆಸರು ಕೇಳದೆ ಇರುವವರೆ ವಿರಳ. ಆ ಸಿನಿಮಾ ನೋಡಿರದೇ ಇದ್ರೂ 'ಟೈಟಾನಿಕ್' ಹೆಸರು ಜಗತ್ತಿನ ಬಹುತೇಕರಿಗೆ ಗೊತ್ತು. ಯಾಕಂದ್ರೆ ಬಾಕ್ಸ್‌ ಆಫಿಸ್‌ನಲ್ಲಿ 'ಟೈಟಾನಿಕ್' ಗಳಿಸಿದ ಮೊತ್ತ ಅಷ್ಟು ದೊಡ್ಡದು. ಹೀಗೆ ಜೇಮ್ಸ್‌ ಕ್ಯಾಮರೂನ್‌ ಡೈರೆಕ್ಷನ್‌ನಲ್ಲಿ 1997ರಲ್ಲಿ ರಿಲೀಸ್ ಆಗಿದ್ದ 'ಟೈಟಾನಿಕ್' ಇತಿಹಾಸ ಸೃಷ್ಟಿಸಿತ್ತು. ಇದಾದ 12 ವರ್ಷಗಳ ನಂತರ, ಅಂದರೆ 2009ರಲ್ಲಿ ರಿಲೀಸ್ ಆಗಿದ್ದ 'ಅವತಾರ್' ಸಿನಿಮಾ 'ಟೈಟಾನಿಕ್' ಸೃಷ್ಟಿಸಿದ್ದ ದಾಖಲೆಗಳನ್ನ ಪುಡಿ ಪುಡಿ ಮಾಡಿತ್ತು.
ಇದನ್ನೂ ಓದಿ: ಭರ್ಜರಿಯಾಗಿ 50 ದಿನ ಕಂಪ್ಲೀಟ್‌ ಮಾಡಿದ KGF Chapter 2
ತಮ್ಮದೇ ದಾಖಲೆ ಉಡೀಸ್...
ಕಾಕತಾಳಿಯ ಎಂಬಂತೆ 'ಟೈಟಾನಿಕ್' ಸಿನಿಮಾ ನಿರ್ದೇಶಿಸಿದ್ದ ಜೇಮ್ಸ್‌ ಕ್ಯಾಮರೂನ್‌ ಅವರೇ 'ಅವತಾರ್' ಸಿನಿಮಾಗೂ ಆಕ್ಷನ್‌, ಕಟ್‌ ಹೇಳಿದ್ದರು. ಈ ಮೂಲಕ ತಮ್ಮದೇ ಸಿನಿಮಾ ದಾಖಲೆಗಳನ್ನ ಧೂಳ್‌ ಧೂಳ್‌ ಮಾಡಿದ್ದರು ಕ್ಯಾಮರೂನ್‌. ಈಗ ಮತ್ತೆ 13 ವರ್ಷಗಳ ನಂತರ 'ಅವತಾರ್-2' ಮೂಲಕ ರೀ ಎಂಟ್ರಿ ಆಗುತ್ತಿದ್ದಾರೆ ಜೇಮ್ಸ್‌ ಕ್ಯಾಮರೂನ್‌. ಮತ್ತೊಮ್ಮೆ ತಮ್ಮದೇ ಸಿನಿಮಾ ನಿರ್ಮಿಸಿದ್ದ ದಾಖಲೆ ಮುರಿಯುತ್ತಾರಾ ಕ್ಯಾಮರೂನ್‌ ಎಂಬ ಕುತೂಹಲ ಜಗತ್ತಿನಾದ್ಯಂತ ಮನೆಮಾಡಿದೆ.
'ಅವತಾರ್-2' ಇದೇ ಡಿಸೆಂಬರ್‌ನಲ್ಲಿ 160ಕ್ಕೂ ಹೆಚ್ಚು ಭಾಷೆಗಳಲ್ಲಿ ರಿಲೀಸ್ ಆಗುತ್ತಿದೆ. ಜೊತೆಗೆ ಮತ್ತೆ ಒಂದಷ್ಟು ಬಿಗ್‌ ಅಪ್‌ಡೇಟ್‌ಗಳು ಸಿಕ್ಕಿವೆ. ಅಷ್ಟಕ್ಕೂ ಅವತಾರ್ ಒಟ್ಟು 5 ಪಾರ್ಟ್ ಹೊಂದಿರಲಿದೆಯಂತೆ. ಈ ಪೈಕಿ ಅವತಾರ್-3, 2024ರ ಡಿಸೆಂಬರ್ 20ರಂದು ರಿಲೀಸ್ ಆದ್ರೆ, 2026ರ ಡಿಸೆಂಬರ್ 18ಕ್ಕೆ ಅವತಾರ್-4 ಹಾಗೂ 2028ರ ಡಿಸೆಂಬರ್ 22ರಂದು ಅವತಾರ್ ಪಾರ್ಟ್ 5 ರಿಲೀಸ್ ಆಗಲಿದೆ. ಒಟ್ಟಾರೆ 'ಅವತಾರ್-2' ಸಿನಿಮಾ ಹತ್ತಾರು ದಾಖಲೆಗಳನ್ನ ಸೃಷ್ಟಿಸೋದಕ್ಕೆ ರೆಡಿಯಾಗಿದ್ದು, ಇದಕ್ಕೆ ತಕ್ಕ ವೇದಿಕೆ ಕೂಡ ಸಿದ್ಧವಾಗಿದೆ.
ಇದನ್ನೂ ಓದಿ: ಬಾಲಿವುಡ್ ನಟ ಅಕ್ಷಯ್ ಕುಮಾರ್ ಸಿನಿಮಾಗಳ ಬಗ್ಗೆ ಅಮಿತ್ ಶಾ ಮೆಚ್ಚುಗೆ
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ತಾಜಾ ಸುದ್ದಿಗಳನ್ನು ಓದಲು ನಮ್ಮ ಜೀ ಕನ್ನಡ ನ್ಯೂಸ್ ಮೊಬೈಲ್ ಅಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook, Youtube ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
