Radhika Merchant : ಮುಖೇಶ್ ಅಂಬಾನಿ ಹೆಸರು ಯಾರಿಗೆ ತಾನೆ ಗೊತ್ತಿಲ್ಲ ಹೇಳಿ. ಪ್ರಪಂಚದ ಆಗರ್ಭ ಶ್ರೀಮಂತರಲ್ಲಿ ಒಬ್ಬರು. ಇತ್ತೀಚಿಗೆ ಇವರ ಕಿರಿಯ ಪುತ್ರ ಅನಂತ್ ಅಂಬಾನಿ ನಿಶ್ಚಿತಾರ್ಥ ರಾಧಿಕಾ ಮರ್ಚೆಂಟ್ ಅವರ ಜೊತೆ ಅದ್ಧೂರಿಯಾಗಿ ನಡೆಯಿತು. ಅಂದಿನಿಂದ ಎಲ್ಲರ ಕಣ್ಣು ರಾಧಿಕಾ ಅವರ ಮೇಲಿದೆ. ಯಾರು ಈ ರಾಧಿಕಾ.. ಅಸಲಿಗೆ ಆಗರ್ಭ ಶ್ರೀಮಂತನ ಮನೆ ಸೊಸೆಯಾಗುತ್ತಿರುವ ರಾಧಿಕಾ ಹಿನ್ನೆಲೆ ಏನು..? ಎನ್ನುವ ಎಲ್ಲರ ಪ್ರಶ್ನೆಗಳಿಗೆ ಇಲ್ಲಿದೆ ಉತ್ತರ.
ಮುಖೇಶ್ ಅಂಬಾನಿ ಹೆಸರು ಯಾರಿಗೆ ತಾನೆ ಗೊತ್ತಿಲ್ಲ ಹೇಳಿ. ಪ್ರಪಂಚದ ಆಗರ್ಭ ಶ್ರೀಮಂತರಲ್ಲಿ ಒಬ್ಬರು. ಇತ್ತೀಚಿಗೆ ಇವರ ಕಿರಿಯ ಪುತ್ರ ಅನಂತ್ ಅಂಬಾನಿ ನಿಶ್ಚಿತಾರ್ಥ ರಾಧಿಕಾ ಮರ್ಚೆಂಟ್ ಅವರ ಜೊತೆ ಅದ್ಧೂರಿಯಾಗಿ ನಡೆಯಿತು. ಅಂದಿನಿಂದ ಎಲ್ಲರ ಕಣ್ಣು ರಾಧಿಕಾ ಅವರ ಮೇಲಿದೆ. ಯಾರು ಈ ರಾಧಿಕಾ.. ಅಸಲಿಗೆ ಆಗರ್ಭ ಶ್ರೀಮಂತನ ಮನೆ ಸೊಸೆಯಾಗುತ್ತಿರುವ ರಾಧಿಕಾ ಹಿನ್ನೆಲೆ ಏನು..? ಎನ್ನುವ ಎಲ್ಲರ ಪ್ರಶ್ನೆಗಳಿಗೆ ಇಲ್ಲಿದೆ ಉತ್ತರ.
ರಾಧಿಕಾ ಮರ್ಚೆಂಟ್ ಎನ್‌ಕೋರ್ ಹೆಲ್ತ್‌ಕೇರ್ ಸಿಇಒ ವಿರೇನ್ ಮರ್ಚೆಂಟ್ ಅವರ ಸುಪುತ್ರಿ. ಇದೀಗ ಮುಖೇಶ್ ಮತ್ತು ನೀತಾ ಅಂಬಾನಿಯವರ ಕಿರಿಯ ಪುತ್ರ ಅನಂತ್ ಅಂಬಾನಿ ಅವರೊಂದಿಗೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದಾರೆ.
ರಾಧಿಕಾ ವೀರೇನ್ ಮರ್ಚೆಂಟ್ ಗುಜರಾತ್‌ನ ಕಚ್‌ ಮೂಲದವರು. ಆದ್ರೆ ಅವರು ಬೆಳೆದಿದ್ದು ಮಾತ್ರ ಮಹಾರಾಷ್ಟ್ರದ ಮುಂಬೈನಲ್ಲಿ. ರಾಧಿಕಾ ಅವರು ತಮ್ಮ ಶಾಲಾ ಶಿಕ್ಷಣವನ್ನು ಎಕೋಲ್ ಮೊಂಡಿಯಾಲ್ ವರ್ಲ್ಡ್ ಸ್ಕೂಲ್, ಬಿಡಿ ಸೋಮಾನಿ ಇಂಟರ್‌ನ್ಯಾಶನಲ್ ಸ್ಕೂಲ್ ಮುಂಬೈನಲ್ಲಿ ಮುಗಿಸಿದರು.
ರಾಧಿಕಾ ಅವರು ಭರತನಾಟ್ಯ ನರ್ತಕಿ. ಶ್ರೀ ನಿಭಾ ಆರ್ಟ್ಸ್‌ನಲ್ಲಿ ಗುರು ಭಾವನಾ ಠಾಕರ್ ಅವರಿಂದ ಕಲಾ ಪ್ರಕಾರಗಳನ್ನು ಕಲಿತಿದ್ದಾರೆ ಎಂದು ತಿಳಿದರೆ ನಿಮಗೆ ಆಶ್ಚರ್ಯವಾಗುತ್ತದೆ.
ಬಿಡಿ ಸೋಮಾನಿ ಇಂಟರ್‌ನ್ಯಾಶನಲ್ ಸ್ಕೂಲ್‌ನಿಂದ ಅಂತರಾಷ್ಟ್ರೀಯ ಬ್ಯಾಕಲೌರಿಯೇಟ್ ಡಿಪ್ಲೊಮಾವನ್ನು ಸಹ ಪಡೆದಿದ್ದಾರೆ. ಅಲ್ಲದೆ, ನ್ಯೂಯಾರ್ಕ್ ವಿಶ್ವವಿದ್ಯಾಲಯದಿಂದ ರಾಜಕೀಯ ಮತ್ತು ಅರ್ಥಶಾಸ್ತ್ರದಲ್ಲಿ ಸ್ನಾತಕೋತ್ತರ ಪದವಿ ಮುಗಿಸಿದ್ದಾರೆ.
ರಾಧಿಕಾ ಅವರ ತಂದೆ ವಿರೇನ್ ಮರ್ಚೆಂಟ್ ಒಬ್ಬ ಖ್ಯಾತ ಉದ್ಯ, ತಾಯಿ ಶೈಲಾ ಮತ್ತು ಸಹೋದರಿ ಅಂಜಲಿಯೂ ಸಹ ಉದ್ಯೋಮಿಗಳು.
27ರ ಹರೆಯದ ಅನಂತ್, 28ರ ಹರೆಯದ ರಾಧಿಕಾ ಅವರೊಂದಿಗೆ ನಿಶ್ಚಿತಾರ್ಥ ಮಾಡಿಕೊಂಡಿದ್ದು, ಇನ್ನು ಕೆಲವೇ ದಿನಗಳಲ್ಲಿ ವೈವಾಹಿಕ ಜೀವನಕ್ಕೆ ಕಾಲಿಡಲಿದ್ದಾರೆ.
ಅಲ್ಲದೆ, ರಾಧಿಕಾ ಅವರಿಗೆ ಐಷಾರಾಮಿ ಮನೆ ಡೆವಲಪರ್‌ಗಳಾದ ನಾದಿರ್ ಗೋದ್ರೇಜ್, ಆನಂದ್ ಪಿರಾಮಲ್ ಮತ್ತು ಡಾಬರ್‌ನ ಬರ್ಮನ್ ಕುಟುಂಬದ ನೇತೃತ್ವದ ಇಸ್ಪ್ರವಾ ಗ್ರೂಪ್‌ನೊಂದಿಗೆ ಕೆಲಸ ಮಾಡಿದ ಅನುಭವ ಇದೆ.
