ಅಯೋಧ್ಯೆ ರೈಲು ನಿಲ್ದಾಣವನ್ನು 104.77 ಕೋಟಿ ವೆಚ್ಚದಲ್ಲಿ ಅಭಿವೃದ್ಧಿಪಡಿಸಲಾಗುತ್ತಿದೆ.
ನವದೆಹಲಿ: ಅಯೋಧ್ಯೆಯ ಮಹತ್ವವನ್ನು ಗಮನದಲ್ಲಿಟ್ಟುಕೊಂಡು ಅಯೋಧ್ಯೆ ರೈಲ್ವೆ ನಿಲ್ದಾಣದ ರಚನಾತ್ಮಕ ಸ್ವರೂಪ, ಪ್ರಯಾಣಿಕರ ಸೌಲಭ್ಯಗಳು, ಸ್ವಚ್ಚತೆ, ಸೌಂದರ್ಯ ಮತ್ತು ಇತರೆ ಸೌಲಭ್ಯಗಳನ್ನು ಉತ್ತಮ ಗುಣಮಟ್ಟದ ಮಾನದಂಡಗಳೊಂದಿಗೆ ಒದಗಿಸುವ ದಿಕ್ಕಿನಲ್ಲಿ ನವೀಕರಿಸಲಾಗುತ್ತಿದೆ. ಇತ್ತೀಚಿನ ಮತ್ತು ಆಧುನಿಕ ಪ್ರಯಾಣಿಕರ ಸೌಕರ್ಯಗಳೊಂದಿಗೆ ಸುಸಜ್ಜಿತ ಕಟ್ಟಡದ ನಿರ್ಮಾಣ ಪ್ರಗತಿಯಲ್ಲಿದೆ. ಅಯೋಧ್ಯೆ ರೈಲು ನಿಲ್ದಾಣವನ್ನು 104.77 ಕೋಟಿ ವೆಚ್ಚದಲ್ಲಿ ಅಭಿವೃದ್ಧಿಪಡಿಸಲಾಗುತ್ತಿದೆ.
ಇದಕ್ಕಾಗಿ, 2017-18ರ ಹಣಕಾಸು ವರ್ಷದಲ್ಲಿ 80 ಕೋಟಿ ರೂ.ಗಳನ್ನು ಅನುಮೋದಿಸಲಾಗಿದೆ, ಇದನ್ನು ಪ್ರಸ್ತುತ 104.77 ಕೋಟಿ ರೂ.ಗೆ ಹೆಚ್ಚಿಸಲಾಗಿದೆ. ಈ ನಿಲ್ದಾಣದ ಕಟ್ಟಡದ ನಿರ್ಮಾಣವನ್ನು ರೈಲ್ವೆಯ ರೈಟ್ಸ್ ಎಂಟರ್‌ಪ್ರೈಸ್ ಮಾಡುತ್ತಿದೆ.
ಈ ಕಟ್ಟಡದ ನಿರ್ಮಾಣವನ್ನು ಎರಡು ಹಂತಗಳಲ್ಲಿ ಮಾಡಲಾಗುವುದು, ಮೊದಲ ಹಂತದಲ್ಲಿ, ಪ್ಲಾಟ್‌ಫಾರ್ಮ್ ಸಂಖ್ಯೆ 1 ಮತ್ತು 2/3 ರಲ್ಲಿ ಅಭಿವೃದ್ಧಿ ಕಾರ್ಯ, ಅಸ್ತಿತ್ವದಲ್ಲಿರುವ ಸರ್ಕ್ಯುಲೇಟಿಂಗ್ ಪ್ರದೇಶದ ಅಭಿವೃದ್ಧಿ ಮತ್ತು ಹಿಡುವಳಿ ಪ್ರದೇಶದ ಅಭಿವೃದ್ಧಿ ನಡೆಸಲಾಗುತ್ತಿದೆ.
ಎರಡನೇ ಹಂತದಲ್ಲಿ ಹೊಸ ನಿಲ್ದಾಣ ಕಟ್ಟಡ ಮತ್ತು ಇತರ ಸೌಲಭ್ಯಗಳ ನಿರ್ಮಾಣ ನಡೆಯಲಿದೆ. ಈ ಸೌಲಭ್ಯಗಳು ನಿಲ್ದಾಣದ ಆಂತರಿಕ ಮತ್ತು ಬಾಹ್ಯ ಆವರಣಗಳನ್ನು ನವೀಕರಿಸುವ ಮೂಲಕ ನಿಲ್ದಾಣದಲ್ಲಿ ಲಭ್ಯವಿರುವ ಸೌಲಭ್ಯಗಳನ್ನು ಹೆಚ್ಚಿಸುವುದು, ಉದಾಹರಣೆಗೆ ಟಿಕೆಟ್ ಕೌಂಟರ್‌ಗಳ ಸಂಖ್ಯೆ ವಿಸ್ತರಣೆ, ಕಾಯುವ ಕೋಣೆ ಸೌಲಭ್ಯ ವಿಸ್ತರಣೆ, ಹವಾನಿಯಂತ್ರಿತ 03 ರೆಸ್ಟ್ ರೂಂ, 17 ಹಾಸಿಗೆಗಳ ಪುರುಷ ವಸತಿ ನಿಲಯ ಶೌಚಾಲಯ ಸಹಿತ, 10 ಹಾಸಿಗೆಗಳ ಮಹಿಳಾ ನಿಲಯದ ಶೌಚಾಲಯ ಸಹಿತ, ಹೆಚ್ಚುವರಿ ಫುಟ್ ಓವರ್ ಬ್ರಿಡ್ಜ್, ಫುಡ್ ಪ್ಲಾಜಾ, ಅಂಗಡಿಗಳು, ಹೆಚ್ಚುವರಿ ಶೌಚಾಲಯಗಳು ಮತ್ತು ಇತರ ಅಪೇಕ್ಷಿತ ಸೌಲಭ್ಯಗಳನ್ನು ಒದಗಿಸುವ ಕೆಲಸವನ್ನು ಮಾಡಲಾಗುತ್ತಿದೆ.
ಇದಲ್ಲದೆ ಇತರೆ ನಿರ್ಮಾಣ ಮತ್ತು ಅಭಿವೃದ್ಧಿ ಕಾರ್ಯಗಳು ಪ್ರಗತಿಯಲ್ಲಿವೆ, ಪ್ರವಾಸಿ ಕೇಂದ್ರ, ಟ್ಯಾಕ್ಸಿ ಬೂತ್, ಶಿಶು ವಿಹಾರ್, ವಿಐಪಿ ಲೌಂಜ್, ಸಭಾಂಗಣ ಮತ್ತು ನಿಲ್ದಾಣದಲ್ಲಿ ವಿಶೇಷ ಅತಿಥಿ ಗೃಹ ಸೇರಿದಂತೆ ಅನೇಕ ಅಪೇಕ್ಷಿತ ಸೌಲಭ್ಯಗಳ ಲಭ್ಯತೆಯನ್ನು ಖಾತ್ರಿಪದಡಿಸಲಾಗುತ್ತಿದೆ.. ಈ ನಗರದ ಮಹತ್ವವನ್ನು ಗಮನದಲ್ಲಿಟ್ಟುಕೊಂಡು, ಅಯೋಧ್ಯೆ ರೈಲ್ವೆ ನಿಲ್ದಾಣವನ್ನು ಆಧುನೀಕರಿಸುವ ಮೂಲಕ ಹೊಸ ನೋಟವನ್ನು ನೀಡಲು ಮಂಡಳಿಯು ನಿರಂತರವಾಗಿ ಪ್ರಯತ್ನಿಸುತ್ತಿದೆ ಎಂದು ಉತ್ತರ ಮತ್ತು ಉತ್ತರ-ಮಧ್ಯ ರೈಲ್ವೆಯ ಜನರಲ್ ಮ್ಯಾನೇಜರ್ ರಾಜೀವ್ ಚೌಧರಿ ತಿಳಿಸಿದ್ದಾರೆ. ಕಾಲಾನಂತರದಲ್ಲಿ, ಈ ನಿಲ್ದಾಣಕ್ಕೆ ಭೇಟಿ ನೀಡುವ ಭಕ್ತರಿಗೆ ಮತ್ತು ಪ್ರವಾಸಿಗರಿಗೆ ಉನ್ನತ ಗುಣಮಟ್ಟದ ಆಧುನಿಕ ಸೌಲಭ್ಯಗಳನ್ನು ನೀಡಲಾಗುತ್ತಿದೆ.
