2024 Upcoming movies : 2023 ಬಾಲಿವುಡ್‌ಗೆ ಬಹಳ ವಿಶೇಷವಾಗಿತ್ತು, ಆದರೆ ಮುಂದಿನ ಬಹುತೇಕ ಸಿನಿಮಾಗಳು ಸೌತ್ ಇಂಡಸ್ಟ್ರಿ ಯಿಂದ ಬರಲಿವೆ. 2024 ರ ವೇಳೆ ತೆರೆಮೇಲೆ ಆರ್ಭಟಿಸಲು ಸಿದ್ಧವಾಗಿರುವ ಭಾರತೀಯ ಸಿನಿಮಾಗಳ ಸಂಪೂರ್ಣ ವಿವರ ಈ ಕೆಳಗಿನಂತಿದೆ.
ಸಿದ್ಧಾರ್ಥ್ ಮಲ್ಹೋತ್ರಾ ತಮ್ಮ ಮುಂಬರುವ ಚಿತ್ರ ʼಯೋಧʼಗಾಗಿ ಸುದ್ದಿಯಲ್ಲಿದ್ದಾರೆ. ಈ ಚಿತ್ರವು ಮಾರ್ಚ್ 15, 2024 ರಂದು ಬಿಡುಗಡೆಯಾಗಲಿದೆ. ಇದರಲ್ಲಿ ಸಿದ್ಧಾರ್ಥ್ ಮತ್ತೊಮ್ಮೆ ಶೇರ್ ಷಾ ನಂತರ ಸೈನಿಕನ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ದಿಶಾ ಪಟಾನಿ ನಟಿಸಿದ್ದಾರೆ.
ದೇವರ ಸೌತ್ ಚಿತ್ರವಾದರೂ ಭಾರತದಾದ್ಯಂತ ಸಖತ್‌ ಸದ್ದು ಮಾಡುತ್ತಿದೆ. ಚಿತ್ರದ ತಾರಾಬಳಗದ ಫಸ್ಟ್ ಲುಕ್ ಮಾತ್ರ ಹೊರಬಿದ್ದಿದ್ದು, ಕುತೂಹಲ ಮೂಡಿಸುತ್ತಿದೆ. ಇದು ಪ್ಯಾನ್ ಇಂಡಿಯಾ ಚಿತ್ರವಾಗಿದ್ದು, ಜಾನ್ವಿ ಕಪೂರ್ ದಕ್ಷಿಣಕ್ಕೆ ಪಾದಾರ್ಪಣೆ ಮಾಡಲಿದ್ದಾರೆ.
ʼಉಲಜ್‌ʼನಲ್ಲಿ ಜಾನ್ವಿ ಕಪೂರ್ ವಿಭಿನ್ನ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ಈ ಚಿತ್ರದ ಶೂಟಿಂಗ್ ಮುಗಿದಿದ್ದು, ಈ ಬಗ್ಗೆ ಸ್ವತಃ ನಟಿಯೇ ಸಾಮಾಜಿಕ ಜಾಲತಾಣದಲ್ಲಿ ಮಾಹಿತಿ ಹಂಚಿಕೊಂಡಿದ್ದರು. ಚಿತ್ರದಲ್ಲಿ ಗುಲ್ಶನ್ ದೇವಯ್ಯ, ರೋಷನ್ ಮ್ಯಾಥ್ಯೂ ಮುಂತಾದ ತಾರೆಯರು ಇರಲಿದ್ದಾರೆ.
2024 ರ ಬಹು ನಿರೀಕ್ಷಿತ ಚಲನಚಿತ್ರಗಳಲ್ಲಿ ಮೆರ್ರಿ ಕ್ರಿಸ್‌ಮಸ್ ಒಂದು. ಇದರಲ್ಲಿ ಕತ್ರೀನಾ ಕೈಫ್ ಮುಖ್ಯ ಭೂಮಿಕೆಯಲ್ಲಿದ್ದಾರೆ. ಮೊದಲ ಬಾರಿಗೆ ಕೈಫ್ ಜೊತೆ ಸೌತ್ ಸ್ಟಾರ್ ವಿಜಯ್ ಸೇತುಪತಿ ನಟಿಸುತ್ತಿದ್ದಾರೆ. ಚಿತ್ರ ಜನವರಿ 12 ರಂದು ಬಿಡುಗಡೆಯಾಗಲಿದ್ದು, ಟ್ರೇಲರ್ ಸಸ್ಪೆನ್ಸ್ ಮತ್ತು ಥ್ರಿಲ್ಲರ್‌ನಿಂದ ಕೂಡಿದೆ.
ಇತ್ತೀಚೆಗಷ್ಟೇ ʼಆಪರೇಷನ್ ವ್ಯಾಲೆಂಟೈನ್‌ʼ ಚಿತ್ರದ ಟೀಸರ್ ಬಿಡುಗಡೆಯಾಗಿ ಕುತೂಹಲ ಮೂಡಿಸಿತ್ತು. ಈ ಸಿನಿಮಾ 16 ಫೆಬ್ರವರಿ 2024 ರಂದು ಬಿಡುಗಡೆಯಾಗಲಿದೆ. ವರುಣ್ ತೇಜ್, ಮಾನುಷಿ ಚಿಲ್ಲರ್ ಪ್ರಮುಖ ಪಾತ್ರಗಳಲ್ಲಿ ಕಾಣಿಸಿಕೊಳ್ಳಲಿದ್ದಾರೆ. ವರುಣ್ ಏರ್ ಫೋರ್ಸ್ ಅಧಿಕಾರಿಯ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.
ಪುಷ್ಪಾ 2 ಸಿನಿಮಾಗೆ ಸುಕುಮಾರ್‌ ನಿರ್ದೇಶನವಿದೆ. ಈ ಸಿನಿಮಾದಲ್ಲಿ ಅಲ್ಲು ಅರ್ಜುನ್‌, ರಶ್ಮಿಕಾ ಮಂದಣ್ಣ, ಸುನೀಲ್‌, ಫಹಾದ್ ಫಾಸಿಲ್ ಸೇರಿದಂತೆ ಹಲವು ಸ್ಟಾರ್ ನಟರಿದ್ದಾರೆ. ಈ ಸಿನಿಮಾ ಅಗಸ್ಟ್‌ 15 ರಂದು ತೆರೆಕಾಣಲಿದೆ. ಪುಷ್ಪಾ ಮೊದಲ ಭಾಗ ಉತ್ತಮ ಪ್ರದರ್ಶನ ಕಂಡಿತ್ತು.
ಫೈಟರ್‌ ಸಿನಿಮಾ ಜನವರಿ 25 ರಂದು ಬಿಡುಗಡೆಯಾಗಲಿದೆ. ಈ ಸಿನಿಮಾದಲ್ಲಿ ಹೃತಿಕ್ ರೋಷನ್, ದೀಪಿಕಾ ಪಡುಕೋಣೆ, ಅನಿಲ್‌ ಕಪೂರ್, ಕರಣ್‌ ಸಿಂಗ್‌ ನಟಿಸಿದ್ದಾರೆ. 250 ಕೋಟಿ ಬಜೆಟ್‌ನಲ್ಲಿ ಈ ಸಿನಿಮಾ ನಿರ್ಮಾಣವಾಗುತ್ತಿದೆ.
ಪ್ಯಾನ್ ಇಂಡಿಯಾ ಸ್ಟಾರ್ ಪ್ರಭಾಸ್ ನಟನೆಯ ಬಹುನಿರೀಕ್ಷಿತ ಸಿನಿಮಾ ಕಲ್ಕಿ 2898 AD. ಈ ಸಿನಿಮಾಗೆ ನಾಗ್ ಅಶ್ವಿನ್ ಆಕ್ಷನ್‌ ಕಟ್‌ ಹೇಳಿದ್ದಾರೆ. ದೀಪಿಕಾ ಪಡುಕೋಣೆ, ಅಮಿತಾಬ್‌ ಬಚ್ಚನ್‌ ಸೇರಿದಂತೆ ಹಲವು ದಿಗ್ಗಜ ನಟರು ಈ ಸಿನಿಮಾದಲ್ಲಿದ್ದಾರೆ. ಚಿತ್ರ ಜನವರಿ 12 ರಂದು ತೆರೆ ಕಾಣಲಿದೆ.
