Actors who Ditched Social Media : ಇಂದಿನ ಜಮಾನದಲ್ಲಿ ಸೋಷಿಯಲ್ ಮೀಡಿಯಾ ಬಳಕೆ ಮಾಡದೇ ಇರುವವರು ಯಾರು ಹೇಳಿ, ಹಳ್ಳಿಯಲ್ಲಿ ದನ ಕಾಯುವ ಯುವಕನಿಂದ ಹಿಡಿದರು ಕಂಪ್ಯೂಟರ್‌ ಮುಂದೆ ಕುಳಿತು ಕಿಬೋರ್ಟ್‌ ಕುಟ್ಟುವ ವ್ಯಕ್ತಿಯ ವರೆಗೆ ಎಲ್ಲರೂ ಸೋಷಿಯಲ್ ಮೀಡಿಯಾದಲ್ಲಿ ಖಾತೆ ಹೊಂದಿದ್ದಾರೆ. ಆದ್ರೆ ಕೆಲವು ನಟ ನಟಿಯರು ಮಾತ್ರ ಯಾಕೋ ಸಾಮಾಜಿಕ ಜಾಲತಾಣದ ಗೋಜಿಗೆ ಹೋಗಿಲ್ಲ. ಅವರು ಯಾರ್ಯಾರು ಅನ್ನೋದನ್ನ ಈ ಕೇಳಗೆ ನೀಡಲಾಗಿದೆ ಒಮ್ಮೆ ಗಮನಿಸಿ..
ಸೈಫ್ ಅಲಿ ಖಾನ್ ಅವರು ಕೂಡಾ ಸೋಷಿಯಲ್ ಮೀಡಿಯಾದಿಂದ ದೂರವಿದ್ದಾರೆ. ಈ ಕುರಿತು ಅವರು ಪ್ರತಿಕ್ರಿಯೆ ನೀಡಿದ್ದರು. ನಾನು ಸಾಕಷ್ಟು ಫೋಟೋಗ್ರಾಫಿಕ್ ವ್ಯಕ್ತಿ, ನನ್ನ ಬಳಿ ಟನ್‌ಗಟ್ಟಲೆ ಚಿತ್ರಗಳಿವೆ, ನಾನು ಅವುಗಳನ್ನು ಹಂಚಿಕೊಳ್ಳಬಹುದು, ಆದರೆ ಜನ ಇದನ್ನು ಹಂಚಿಕೊಳ್ಳಬೇಡಿ, ಅದನ್ನು ಹಂಚಿಕೊಳ್ಳಬೇಡಿ ಎಂದು ಹೇಳುತ್ತಾರೆ. ಅಲ್ಲದೆ, ಇದು ರಾಜಕೀಯವಾಗಿ ಸರಿಯಲ್ಲ ಎಂದು ಕೆಲವರು ಹೇಳುತ್ತಾರೆ. ನಂತರ ನಾನು 100000 ಜನರನ್ನು ಕೇಳಬೇಕು, ಅಂತ ಈ ರೀತಿಯ ಅರ್ಥ ವಿಲ್ಲದ ವಿಚಾರದಲ್ಲಿ ನಾನು ಸಿಕ್ಕಿಹಾಕಿಕೊಳ್ಳಲು ಬಯಸುವುದಿಲ್ಲ ಎಂದಿದ್ದರು.
ನಟಿ ರೇಖಾ ಅವರ ಅಭಿಮಾನಿಗಳು ಅವರ ಹೆಸರಿನಲ್ಲಿ ಖಾತೆಗಳನ್ನು ತೆರೆದಿದ್ದಾರೆ. ಅದ್ರೆ, ಹಿರಿಯ ನಟಿ ರೇಖಾ ಮಾತ್ರ ಇನ್‌ಸ್ಟಾಗ್ರಾಮ್‌ ಅನ್ನು ಬಳಸುವುದಿಲ್ಲ. ಮನಮೋಹಕ ನಟ ತನ್ನ ಸಮಕಾಲೀನರಾದ ಅಮಿತಾಭ್ ಬಚ್ಚನ್, ಧರ್ಮೇಂದ್ರ, ಹೇಮಾ ಮಾಲಿನಿ, ನೀನಾ ಗುಪ್ತಾ ಮುಂತಾದವರಂತೆ ಭಿನ್ನವಾಗಿದ್ದು, ಸಾಮಾಜಿಕ ಮಾಧ್ಯಮದಿಂದ ದೂರ ಉಳಿದಿದ್ದಾರೆ.
ರಾಣಿ ಮುಖರ್ಜಿ ಅವರು ಇಂದಿಗೂ ತಮ್ಮ ಜನಪ್ರಿಯತೆ ಉಳಿಸಿಕೊಂಡಿದ್ದಾರೆ. ಆದ್ರೆ, ಸಂಪೂರ್ಣವಾಗಿ ಸಾಮಾಜಿಕ ಮಾಧ್ಯಮದಿಂದ ದೂರ ಉಳಿದಿದ್ದಾರೆ. 2019 ರ ಡೆಕ್ಕನ್ ಕ್ರಾನಿಕಲ್‌ಗೆ ನೀಡಿದ ಸಂದರ್ಶನದಲ್ಲಿ ತಾನು ವಾಟ್ಸಾಪ್‌ನಲ್ಲಿಲ್ಲ ಎಂದು ಒಪ್ಪಿಕೊಂಡಿದ್ದರು. ಅಲ್ಲದೆ, ತಾವು ಜುರಾಸಿಕ್ ಯುಗದಲ್ಲಿ ವಾಸಿಸುತ್ತಿರುವುದಾಗಿ ಹೇಳಿಕೊಂಡಿದ್ದಾಳೆ. "ನಾನು ಸಾಮಾಜಿಕ ಮಾಧ್ಯಮದಲ್ಲಿಲ್ಲ, ಇದರಿಂದಾಗಿ ನನ್ನ ಜಾಗದಲ್ಲಿ ನಾನು ಸಂತೋಷವಾಗಿದ್ದೇನೆ. ನೀವು ನನ್ನ ಫೋನ್ ಅನ್ನು ನೋಡಿದರೆ, ನನ್ನ ಬಳಿ ಯಾವುದೇ ಸಾಮಾಜಿಕ ಮಾಧ್ಯಮ ಅಪ್ಲಿಕೇಶನ್‌ಗಳಿಲ್ಲ. ಸಂದೇಶ ಮತ್ತು ಫೋನ್ ಕರೆಗಳಿಗಾಗಿ ಮಾತ್ರ ಫೋನ್ ಬಳಸುತ್ತೇನೆ.. ನಾನು ವಾಟ್ಸಾಪ್‌ನಲ್ಲಿಯೂ ಸಹ ಇಲ್ಲ ಎಂದು ಅವರು ಹೇಳಿಕೊಂಡಿದ್ದರು.
ಕಪಿಲ್ ಶರ್ಮಾ ಶೋನಲ್ಲಿ ಇತ್ತೀಚೆಗೆ ಕಾಣಿಸಿಕೊಂಡಿದ್ದ ರಣಬೀರ್‌, ಸಾಮಾಜಿಕ ಮಾಧ್ಯಮವನ್ನು ಏಕೆ ಬಳಸುವುದಿಲ್ಲ ಎಂದು ಬಹಿರಂಗಪಡಿಸಿದರು. ವೈಯಕ್ತಿಕ ವಿಚಾರ, ಸಂಗತಿಗಳನ್ನು ಸೋಷಿಯಲ್ ಮೀಡಿಯಾದಲ್ಲಿ ತೋರಿಸಲು ಅವರಿಗೆ ಇಷ್ಟವಿಲ್ಲವಂತೆ, ಅಲ್ಲದೆ, ಅವರ ಅಭಿಮಾನಿಗಳು ಅವರನ್ನು ತೆರೆಯ ಮೇಲೆ ವೀಕ್ಷಿಸಲು ಹೆಚ್ಚು ಆಸಕ್ತಿ ವಹಿಸುತ್ತಾರೆ ಎಂದು ಅವರು ಹೇಳಿದರು.
ತಮ್ಮ 56 ನೇ ಹುಟ್ಟುಹಬ್ಬದ ನಂತರ, ಅಮೀರ್ ಖಾನ್ ಅವರು ಸಾಮಾಜಿಕ ಮಾಧ್ಯಮವನ್ನು ಬಳಸುವುದನ್ನು ನಿಲ್ಲಿಸುವುದಾಗಿ ಘೋಷಿಸಿದರು. ಮಾರ್ಚ್ 2021 ರಲ್ಲಿ ಅಂತಿಮವಾಗಿ ಸಾಮಾಜಿಕ ಮಾಧ್ಯಮ ಖಾತೆಯನ್ನು ನಿಷ್ಕ್ರಿಯ ಗೊಳಿಸಿದ್ದರು. ಅಲ್ಲದೆ ಅವರು, ʼಹೇ ಬಾಯ್ಸ್‌, ನನ್ನ ಜನ್ಮದಿನದಂದು ಶುಭ ಕೋರಿದ್ದಕ್ಕಾಗಿ ತುಂಬಾ ಧನ್ಯವಾದಗಳು. ನನ್ನ ಹೃದಯ ತುಂಬಿದೆ. ಇದು ಸಾಮಾಜಿಕ ಮಾಧ್ಯಮದಲ್ಲಿ ನನ್ನ ಕೊನೆಯ ಪೋಸ್ಟ್. ನಾನು ಹೇಗಾದರೂ ಸಕ್ರಿಯವಾಗಿದ್ದೇನೆ ಎಂದು ಪರಿಗಣಿಸಿ, ನಾನು ತೋರ್ಪಡಿಕೆಯನ್ನು ಕೈಬಿಡಲು ನಿರ್ಧರಿಸಿದ್ದೇನೆ, ಮೊದಲಿನಂತೆ ಮಾತನಾಡಲು ಮುಂದುವರೆಸುತ್ತೇನೆ. ಜೊತೆಗೆ, ಅಮೀರ್ ಖಾನ್ ಪ್ರೊಡಕ್ಷನ್ಸ್ (AKP) ತನ್ನ ಅಧಿಕೃತ ಚಾನಲ್ ಅನ್ನು ರಚಿಸಿದೆ. ಹಾಗಾಗಿ, ನನ್ನ ಮತ್ತು ನನ್ನ ಚಲನಚಿತ್ರಗಳ ಭವಿಷ್ಯದ ನವೀಕರಣಗಳನ್ನು ಅಲ್ಲಿ ಕಾಣಬಹುದುʼ ಎಂದು ಹೇಳಿಕೊಂಡು ಸಾಮಾಜಿಕ ಜಾಲತಾಣದಿಂದ ಹೊರ ಹೋಗಿದ್ದರು.
