ನವದೆಹಲಿ: Top 5 Most Expensive Houses In India: ಸುಂದರವಾದ, ದೊಡ್ಡದಾದ ಮನೆಯಲ್ಲಿ ವಾಸಿಸುವುದು ಪ್ರತಿಯೊಬ್ಬರ ಕನಸು. ಇದಕ್ಕಾಗಿ ನಾವೆಲ್ಲರೂ ಜೀವನವಿಡೀ ಕಷ್ಟ ಪಟ್ಟು ದುಡಿಯುತ್ತೇವೆ. ಪೈಸೆ-ಪೈಸೆ ಕೂಡಿಟ್ಟು ಪ್ರೀತಿಯಿಂದ ಮನೆಯನ್ನು ನಿರ್ಮಿಸುತ್ತೇವೆ. ನಮ್ಮ ದೇಶದಲ್ಲಿ ಹಲವು ಅತ್ಯಂತ ದುಬಾರಿ ಮನೆಗಳಿವೆ. ಜನ ಸಾಮಾನ್ಯರು ಅಂತಹ ಮನೆಯನ್ನು ಕಟ್ಟಲು ಸಾಧ್ಯವಾಗದೇ ಇದ್ದರೂ ಆ ಕನಸಿನ ಮನೆಯನ್ನು ನೋಡಿ ಒಮ್ಮೆಯಾದರೂ ಇಂತಹ ಮನೆಯಲ್ಲಿರಬೇಕು ಎಂದು ಆಸೆ ಪಡದೇ ಇರುವವರು ತೀರಾ ವಿರಳ ಎಂದೇ ಹೇಳಬಹುದು. ಜೊತೆಗೆ ಆ ಬಂಗಲೆಗೆ ಎಷ್ಟು ಖರ್ಚಾಗಿರಬಹುದು ಎಂದು ನಮ್ಮ ಮನಸ್ಸಿನಲ್ಲಿಯೇ ಲೆಕ್ಕಾಚಾರ ಮಾಡುತ್ತೇವೆ. ಇಂದು ನಾವು ನಿಮಗೆ ದೇಶದಲ್ಲಿರುವ ಅತ್ಯಂತ 5 ದುಬಾರಿ ಮನೆಗಳ ಬಗ್ಗೆ ಮಾಹಿತಿ ನೀಡಲಿದ್ದೇವೆ. ಅದರ ಬೆಲೆ ಕೇಳಿದರೆ ನಿಜಕ್ಕೂ ಅಚ್ಚರಿಗೊಳ್ಳುವಿರಿ.
ಕನ್ನಡ ಭಾಷೆಯಲ್ಲಿ ಮತ್ತಷ್ಟು ಸ್ವಾರಸ್ಯಕರ ಸುದ್ದಿಗಳನ್ನು ಓದಲು ನಮ್ಮ ಝೀ ಹಿಂದೂಸ್ತಾನ್ ಕನ್ನಡ ಮೊಬೈಲ್ ಆಪ್ಲಿಕೇಶನ್ ಡೌನ್ಲೋಡ್ ಮಾಡಿ...
Android Link - https://bit.ly/3hDyh4G
Apple Link - https://apple.co/3hEw2hy
ನಮ್ಮ ಸೋಶಿಯಲ್ ಮೀಡಿಯಾ ಪುಟಗಳಿಗೆ ಸಬ್ ಸ್ಕ್ರೈಬ್ ಆಗಲು Twitter, Facebook ಲಿಂಕ್ ಗಳ ಮೇಲೆ ಕ್ಲಿಕ್ಕಿಸಿ.
ರಿಲಯನ್ಸ್ ಇಂಡಸ್ಟ್ರೀಸ್ ಮಾಲೀಕ ಮುಖೇಶ್ ಅಂಬಾನಿಯವರ ಮನೆ ಆಂಟಿಲಾ (Antilla) ಭಾರತದಲ್ಲಿರುವ ಅತ್ಯಂತ ದುಬಾರಿ ಬಂಗಲೆಗಳ ಪಟ್ಟಿಯಲ್ಲಿ ಮೊದಲ ಸ್ಥಾನದಲ್ಲಿದೆ. ಆಂಟಿಲಾ (Antilla) ಭಾರತದಲ್ಲಿ ಮಾತ್ರವಲ್ಲ ವಿಶ್ವದ ಅತ್ಯಂತ ದುಬಾರಿ ಮನೆಗಳಲ್ಲಿ ಒಂದಾಗಿದೆ. ಆಂಟಿಲಾವನ್ನು 400000Sq.ft ನಲ್ಲಿ ನಿರ್ಮಿಸಲಾಗಿದೆ. ಫೋರ್ಬ್ಸ್ ವರದಿಯ ಪ್ರಕಾರ ಇದರ ಬೆಲೆ 7337 ಕೋಟಿ. ಆಂಟಿಲಾ 27 ಮಹಡಿಗಳನ್ನು ಹೊಂದಿದ್ದು, ಅದರಲ್ಲಿ 6 ಮಹಡಿಗಳಲ್ಲಿ ಪಾರ್ಕಿಂಗ್ ಮತ್ತು ಮೂರರಲ್ಲಿ ಹೆಲಿಪ್ಯಾಡ್ ಅನ್ನು ನಿರ್ಮಿಸಲಾಗಿದೆ. ಈ ಮನೆಯಲ್ಲಿ ಎಲ್ಲಾ ಐಷಾರಾಮಿ ಸೌಲಭ್ಯಗಳು ಲಭ್ಯವಿದೆ.
ಮುಂಬೈನ ಬಾಂದ್ರಾದಲ್ಲಿರುವ ಅನಿಲ್ ಅಂಬಾನಿಯವರ ಮನೆ ಅಬೋಡ್ (Abode) ದೇಶದ ಎರಡನೇ ದುಬಾರಿ ಮನೆ ಎಂದು ಪರಿಗಣಿಸಲಾಗಿದೆ. ಬಿಸಿನೆಸ್ ಇನ್ಸೈಡರ್ ವರದಿಯ ಪ್ರಕಾರ, ಈ ಮನೆಯ ಬೆಲೆ ಸುಮಾರು 5000 ಕೋಟಿ ರೂ. ಈ ಮನೆ 66 ಮಹಡಿಗಳಷ್ಟು ಎತ್ತರವಾಗಿದ್ದು, ಈಜುಕೊಳ ಮತ್ತು ಹೆಲಿಪ್ಯಾಡ್ ಸೇರಿದಂತೆ ಎಲ್ಲಾ ಸೌಲಭ್ಯಗಳನ್ನು ಹೊಂದಿದೆ.
ಪೂನವಲ್ಲಾ ಗ್ರೂಪ್ ನ ಅಧ್ಯಕ್ಷರಾದ ಸೈರಸ್ ಪೂನವಲ್ಲ, ಮುಂಬೈನ ಬ್ರೀಚ್ ಕ್ಯಾಂಡಿಯಲ್ಲಿರುವ ಲಿಂಕನ್ ಹೌಸ್ ದೂತಾವಾಸಕ್ಕೆ ಬಿಡ್ ಮಾಡಿದ್ದರು. ಪಿಟಿಐ ವರದಿಯ ಪ್ರಕಾರ, ಈ ಬಿಡ್ 750 ಕೋಟಿ ರೂ. ಈ ಬಿಡ್ ಅನ್ನು 2015 ರಲ್ಲಿ ಮಾಡಲಾಯಿತು. ಇದು ದೇಶದ ಬಂಗಲೆಗೆ ಅತ್ಯಂತ ದುಬಾರಿ ವ್ಯವಹಾರವಾಗಿದೆ. ಇದನ್ನೂ ಓದಿ- Vastu Tips: ಅಂಗಡಿ-ಕಛೇರಿಯಲ್ಲಿ ಮಿಸ್ ಆಗಿ ಕೂಡ ದೇವರ ಇಂತಹ ಫೋಟೋ ಹಾಕಬೇಡಿ, ಲಾಭದ ಬದಲಿಗೆ ದೊಡ್ಡ ನಷ್ಟವಾದೀತು, ಎಚ್ಚರ!
ಆದಿತ್ಯ ಬಿರ್ಲಾ ಸಮೂಹದ ಅಧ್ಯಕ್ಷ ಕುಮಾರ್ ಮಂಗಳಂ ಬಿರ್ಲಾ ಅವರು 2015 ರಲ್ಲಿ ಮಲಬಾರ್ ಬೆಟ್ಟದಲ್ಲಿ 30,000 ಚದರ ಅಡಿ ವಿಸ್ತೀರ್ಣದಲ್ಲಿ ಜಟಿಯಾ ಹೌಸ್ ಗಾಗಿ 425 ಕೋಟಿ ರೂ. ವೆಚ್ಚ ಮಾಡಿದ್ದರು. 2012 ರಲ್ಲಿ 400 ಕೋಟಿಗೆ ಮಾರಾಟವಾದ ಮಹೇಶ್ವರಿ ಮನೆಯ ದಾಖಲೆಯನ್ನು ಅವರು ಮುರಿದಿದ್ದರು. ಇದನ್ನೂ ಓದಿ- IRCTC Tickets Booking: ರೈಲು ಟಿಕೆಟ್ ಕಾಯ್ದಿರಿಸುವ ಪ್ರಕ್ರಿಯೆಯಲ್ಲಿ ಬದಲಾವಣೆ, ಈಗ ಟಿಕೆಟ್ ಬುಕಿಂಗ್‌ಗೆ ಈ ದಾಖಲೆಗಳು ಅತ್ಯಗತ್ಯ
ವಿಶ್ವದ ಎರಡನೇ ಶ್ರೀಮಂತ ನಟ ಶಾರುಖ್ ಖಾನ್ ಅವರ ಮನೆ ಕೂಡ ಈ ಪಟ್ಟಿಯಲ್ಲಿ ಬರುತ್ತದೆ. ಶಾರುಖ್ ಅವರ ಮನೆ ಮನ್ನತ್ (Mannat) ಮುಂಬೈನ ಬಾಂದ್ರಾದಲ್ಲಿದೆ, ಇದು ವಿಶ್ವದ 10 ಅತ್ಯಂತ ದುಬಾರಿ ಮನೆಗಳ ಪಟ್ಟಿಯಲ್ಲಿ ಬರುತ್ತದೆ. ಫೈನಾನ್ಶಿಯಲ್ ಎಕ್ಸ್ ಪ್ರೆಸ್ ನ ವರದಿಯ ಪ್ರಕಾರ, ಈ ಮನೆಯ ಅಂದಾಜು ಬೆಲೆ ಸುಮಾರು 200 ಕೋಟಿ ರೂ. ಆಗಿದೆ.
