Kannada serials: ಜೂನ್ 16 ರಿಂದ ಜೂನ್ 23 ರ ವರೆಗಿನ ಟಿಆರ್ಪಿ ಪಟ್ಟಿ ಹೊರಬಿದ್ದಿದೆ. ಈ ವಾರ ಯಾವ ಸೀರಿಯಲ್‌ ಜನರ ಮನಗೆದ್ದಿದೆ ಎಂದು ನೋಡೋಣ.
Kannada serials TRP Race: ಟಿಆರ್ಪಿ ರೇಸ್‌ನಲ್ಲಿ ಈ ಬಾರಿ ಪುಟ್ಟಕ್ಕನ ಮಕ್ಕಳು ರೆಕಾರ್ಡ್‌ ಸೃಷ್ಟಿಸಿದೆ. ಇತ್ತೀಚೆಗೆ ಶುರುವಾದ ಅಮೃತಧಾರೆ ವೀಕ್ಷಕರ ಸಂಖ್ಯೆ ಹೆಚ್ಚಿದ್ದು, ಮೂರನೇ ಸ್ಥಾನದಲ್ಲಿದೆ. ಜೂನ್ 16 ರಿಂದ ಜೂನ್ 23 ರ ವರೆಗೆ ಯಾವ ಧಾರಾವಾಹಿ ಟಾಪ್ 7 ರ ಪಟ್ಟಿಯಲ್ಲಿ ಸ್ಥಾನ ಪಡೆದಿದೆ ತಿಳಿಯೋಣ.
ಪುಟ್ಟಕ್ಕನ ಮಕ್ಕಳು ಧಾರಾವಾಹಿಯ ವೀಕ್ಷಕರ ಸಂಖ್ಯೆ ಹೆಚ್ಚಿದೆ. ಡಬಲ್ ಡಿಜಿಟ್ ಟಿಆರ್ಪಿ ಪಡೆದಿದ್ದು, ನಂಬರ್‌ 1 ಸ್ಥಾನದಲ್ಲಿದೆ.
ಗಟ್ಟಿಮೇಳ ಧಾರಾವಾಹಿ 2ನೇ ಸ್ಥಾನ ಕಾಯ್ದುಕೊಂಡಿದೆ.
ಇತ್ತೀಚೆಗೆ ಶುರುವಾದ ಛಾಯಾ ಸಿಂಗ್, ಸಿಹಿ ಕಹಿ ಚಂದ್ರು, ರಾಜೇಶ್ ನಟರಂಗ ಪ್ರಮುಖ ಪಾತ್ರದಲ್ಲಿರುವ ಅಮೃತಧಾರೆ ಧಾರಾವಾಹಿ 3 ನೇ ಸ್ಥಾನದಲ್ಲಿದೆ.
ಸುಧಾರಾಣಿ ನಟನೆಯ ಶ್ರೀರಸ್ತು ಶುಭಮಸ್ತು ಧಾರಾವಾಹಿ ನಾಲ್ಕನೇ ಸ್ಥಾನದಲ್ಲಿದೆ.
ನಮ್ಮ ಲಚ್ಚಿ ಧಾರಾವಾಹಿ ಈ ವಾರ ಜನರ ಮನಗೆದ್ದಿದ್ದು, ಐದನೇ ಸ್ಥಾನದಲ್ಲಿದೆ.
ಮೂರು ಅಥವಾ ನಾಲ್ಕನೇ ಸ್ಥಾನದಲ್ಲಿ ಇರುತ್ತಿದ್ದ ಭಾಗ್ಯಲಕ್ಷ್ಮೀ 7 ನೇ ಸ್ಥಾನಕ್ಕೆ ಇಳಿದಿದೆ. ಟಾಪ್ ಐದರಲ್ಲಿ ಇರುತ್ತಿದ್ದ ಲಕ್ಷ್ಮೀ ಬಾರಮ್ಮ 6 ನೇ ಸ್ಥಾನಕ್ಕೆ ಇಳಿದಿದೆ.
