ಕೊರೆಯುವ ಚಳಿಗೆ ತತ್ತರಿಸಲಿದೆ ರಾಜ್ಯ !ಡಿಸೆಂಬರ್, ಜನವರಿಯಲ್ಲಿ ದಾಖಲಾಗಲಿದೆ 8 ರಿಂದ 10 ಡಿಗ್ರಿ ಉಷ್ಣಾಂಶ !ಆವರಿಸಲಿದೆ ಶೀತ ವಾತಾವರಣ

1 /6

ಈ ವರ್ಷದ ಹವಾಮಾನವೇ ವಿಚಿತ್ರವಾಗಿದೆ. ಬೇಸಿಗೆಯಲ್ಲಿ  ಬಿಸಿಲ ತಾಪ ತಡೆಯುವುದೇ ಸಾಧ್ಯವಾಗದೇ ಹೋಗಿತ್ತು. ಹಿಂದೆಂದೂ ಕಾಣದ ಉರಿ ಬಿಸಿಲು ರಾಜ್ಯವನ್ನು ಬಾಧಿಸಿತ್ತು. ಮಳೆಗಾಲದಲ್ಲಿಯೂ ಹಾಗೆಯೇ. ಸಾಕು ಸಾಕು ಎನ್ನುವಷ್ಟು ಮಳೆಯಾಗಿದೆ. ಮಳೆಗಾಲ ಮುಗಿದರೂ ಇನ್ನೂ ಕೂಡಾ ಅಲ್ಲಲ್ಲಿ ಮಳೆ ಸುರಿಯುತ್ತಲೇ ಇದೆ.   

2 /6

ಇದೀಗ ಚಳಿಗಾಲದಲ್ಲಿ ಕೂಡಾ ಉತ್ತರಭಾರತದ ಹಾಗೆ ರಾಜ್ಯದಲ್ಲಿಯೂ ಕೊರೆಯುವ ಚಳಿ ಕಾಡಲಿದೆ ಎಂದು ಹವಾಮಾನ ಇಲಾಖೆ ಸೂಚಿಸಿದೆ.    

3 /6

ಫೆಸಿಫಿಕ್ ಮಹಾಸಾಗರದ ಮೇಲ್ಮೈ ಉಷ್ಣಾಂಶದಲ್ಲಿ ಭಾರೀ ಇಳಿಕೆಯಾಗುವ ಸಾಧ್ಯತೆ ಎನ್ನಲಾಗಿದೆ. ಹೀಗಾಗಿ ಡಿಸೆಂಬರ್ ನಿಂದ ಮಾರ್ಚ್ ವರೆಗೂ ಉಷ್ಣಾಂಶದಲ್ಲಿ ಇಳಿಕೆ ಆಗಲಿದೆ ಎಂದು ಭಾರತೀಯ ಹವಾಮಾನ ಇಲಾಖೆ ಹೇಳಿದೆ. 

4 /6

ಈ ಬಾರಿ ಚಳಿಗಾಲದಲ್ಲಿ ಹವಾಮಾನ ಇಲಾಖೆಯ ಭಾಷೆಯಲ್ಲಿ ಲಾ-ನಿನೋ ಎಂದು ಕರೆಯಲ್ಪಡುವ ಕನಿಷ್ಠ ಉಷ್ಣಾಂಶ ಈ ಬಾರಿ ದಾಖಲಾಗಲಿದೆ. ನವೆಂಬರ್ ಅಂತ್ಯದಿಂದ ಡಿಸೆಂಬರ್‌ವರೆಗೂ ತಡೆಯಲಾಗದ ಚಳಿ ಇರಲಿದೆಯಂತೆ. ಜನವರಿಯಿಂದ ಮಾರ್ಚ್‌ವರೆಗೂ ಇದೇ ಉಷ್ಣಾಂಶ ಮುಂದುವರೆಯುವ ಸಾಧ್ಯತೆ ಇದೆ ಎನ್ನಲಾಗಿದೆ.

5 /6

ಉತ್ತರಭಾರತದಿಂದ ರಾಜ್ಯಕ್ಕೆ  ತಂಪು ಹವೆ ಬೀಸಲಿರುವ ಕಾರಣ, ಉಷ್ಣಾಂಶವು ಕನಿಷ್ಠ ಮಟ್ಟಕ್ಕೆ ಇಳಿಯುವ ಸಾಧ್ಯತೆಇದೆ. ಹಾಗಾಗಿ ಡಿಸೆಂಬರ್ ಹಾಗೂ ಜನವರಿಯಲ್ಲಿ ಉಷ್ಣಾಂಶ 8ರಿಂದ 10 ಡಿಗ್ರಿ ಇಳಿಯುವ ಸಾಧ್ಯತೆ ಎನ್ನಲಾಗಿದೆ.   

6 /6

ಬೆಂಗಳೂರಿನಲ್ಲಿ ಡಿಸೆಂಬರ್ ಹಾಗೂ ಜನವರಿಯಲ್ಲಿ 12ರಿಂದ 14ಡಿಗ್ರಿ ಸೆಲ್ಸಿಯಸ್ ಇಳಿಯುವ ಸಾಧ್ಯತೆ ಇದೆಯಂತೆ. ಬೆಳಗ್ಗೆ 4 ಗಂಟೆಯಿಂದ 8ಗಂಟೆಯವರೆಗೂ ಶೀತ ವಾತಾವರಣ ಸೃಷ್ಟಿಯಾಗಲಿದೆಯಂತೆ. ಇದರಿಂದಾಗಿ ಆರೋಗ್ಯದ ಮೇಲೆ ಪರಿಣಾಮ ಬೀರುವ ಸಾಧ್ಯತೆ ಹೆಚ್ಚು.