Parliament Attack Photos: ಶೂಗಳಲ್ಲಿ ಸ್ಮೋಕ್ ಕ್ರ್ಯಾಕರ್, ಕೈಯಲ್ಲಿ ಗ್ಯಾಸ್ ಸ್ಪ್ರೇ.. ಲೋಕಸಭೆಯ ದಾಳಿಯ ಚಿತ್ರಣ ಇಲ್ಲಿದೆ!

1 /6

ಇಂದು ಲೋಕಸಭೆಯಲ್ಲಿ ಭಾರೀ ಭದ್ರತಾ ಲೋಪವಾಗಿದ್ದು, ಕಲಾಪ ನಡೆಯುತ್ತಿದ್ದ ವೇಳೆಯೇ ಇಬ್ಬರು ಅಪರಿಚಿತ ವ್ಯಕ್ತಿಗಳು ಸದನಕ್ಕೆ ನುಗ್ಗಿದ್ದಾರೆ.   

2 /6

ಕಾಂಗ್ರೆಸ್ ಸಂಸದ ಕಾರ್ತಿ ಚಿದಂಬರಂ, ಸುಮಾರು 20 ವರ್ಷ ವಯಸ್ಸಿನ ಇಬ್ಬರು ಯುವಕರು ಇದ್ದಕ್ಕಿದ್ದಂತೆ ಪ್ರೇಕ್ಷಕರ ಗ್ಯಾಲರಿಯಿಂದ ಸದನಕ್ಕೆ ಹಾರಿದರು ಮತ್ತು ಅವರ ಕೈಯಲ್ಲಿ ಸ್ಮೋಕ್ ಕ್ರ್ಯಾಕರ್ ಹೊಂದಿದ್ದರು. ಈ ಸ್ಮೋಕ್ ಕ್ರ್ಯಾಕರ್ ಗಳಿಂದ ಹಳದಿ ಹೊಗೆ ಹೊರಬರುತ್ತಿತ್ತು. ಅವರಲ್ಲಿ ಒಬ್ಬರು ಸ್ಪೀಕರ್ ಪೀಠದ ಕಡೆಗೆ ಓಡಲು ಪ್ರಯತ್ನಿಸುತ್ತಿದ್ದರು. ಕೆಲವು ಘೋಷಣೆಗಳನ್ನು ಕೂಗಿದರು. ಇದು ಭದ್ರತೆಯ ಗಂಭೀರ ಉಲ್ಲಂಘನೆಯಾಗಿದೆ ಎಂದರು.   

3 /6

ಈ ವೇಳೆ ಸದನದಲ್ಲಿದ್ದ ಸಂಸದರು ಇಬ್ಬರನ್ನೂ ಹಿಡಿಯಲು ಯತ್ನಿಸಿದಾಗ ಅವರು ಶೂನಿಂದ ಏನನ್ನೋ ತೆಗೆಯಲು ಯತ್ನಿಸಿದರು. ಇಬ್ಬರೂ ಯುವಕರು ಅಶ್ರುವಾಯು ಸಿಂಪಡಿಸಿದರು ಎಂದು ಹೇಳಲಾಗುತ್ತಿದೆ. ಆ ವೇಳೆ ಸದನದೊಳಗೆ ಹಳದಿ ಹೊಗೆ ಕಾಣಿಸಿಕೊಂಡಿತ್ತು ಎಂದು ಹಲವು ಸಂಸದರು ತಿಳಿಸಿದ್ದಾರೆ.   

4 /6

ನೂತನ ಸಂಸತ್ ಭವನದಲ್ಲಿ ಉಂಟಾದ ಈ ಭದ್ರತಾ ಲೋಪದ ಬಗ್ಗೆ ಸಂಸದರು ಆತಂಕ ವ್ಯಕ್ತಪಡಿಸಿದ್ದಾರೆ. ಘಟನೆ ಬಳಿಕ ಕಲಾಪವನ್ನು ಅನಿರ್ದಿಷ್ಟಾವಧಿಗೆ ಮುಂದೂಡಲಾಯಿತು.  

5 /6

ಲೋಕಸಭಾ ಕಲಾಪ ನಡೆಯುತ್ತಿದ್ದ ವೇಳೆ ಪ್ರೇಕ್ಷಕರ ಗ್ಯಾಲರಿಯಿಂದ ಜಿಗಿದು ಸಂಸತ್ತಿನ ಒಳಗೆ ಪ್ರವೇಶಿಸಿದ ಈ ವ್ಯಕ್ತಿಗಳು ಬಣ್ಣದ ಅನಿಲ(ಕಲರ್ ಗ್ಯಾಸ್) ಸಿಡಿಸಿದ್ದಾರೆ.    

6 /6

ಅಪರಿಚಿತ ವ್ಯಕ್ತಿಗಳು ಗ್ಯಾಲರಿಯಿಂದ ಸದನಕ್ಕೆ ಜಿಗಿದರು. ಅವರು ಘೋಷಣೆಗಳನ್ನು ಕೂಗುತ್ತಾ ಗ್ಯಾಸ್ ಸಿಂಪಡಿಸಲು ಪ್ರಾರಂಭಿಸಿದರು ಎಂದು ತೃಣಮೂಲ ಕಾಂಗ್ರೆಸ್ ನಾಯಕಿ ಕಾಕೋಲಿ ದಸ್ತಿದಾರ್ ಹೇಳಿದ್ದಾರೆ.