Shalini Pandey life : ಸಿನಿಮಾದಲ್ಲಿ ನಟಿಸಲು ತಂದೆ ಒಪ್ಪಲಿಲ್ಲ ಎಂಬ ಕಾರಣಕ್ಕೆ ಹೇಳದೆ ಕೇಳದೆ ಮನೆಯಿಂದ ಓಡಿ ಹೋದ ಯುವತಿಯೊಬ್ಬಳು ಹಲವು ಸಂಕಷ್ಟಗಳನ್ನು ಎದುರಿಸಬೇಕಾಯಿತು. ಅಲ್ಲದೆ, ಹುಡುಗರೊಂದಿಗೆ ಕೋಣೆಯನ್ನು ಹಂಚಿಕೊಳ್ಳಬೇಕಾಗಿತ್ತು. ಆದರೆ ಎಷ್ಟೇ ಕಷ್ಟಗಳು ಬಂದರೂ ಮನೆಗೆ ವಾಪಸ್ಸು ಹೋಗಲಿಲ್ಲ.. ಇಂದು ಸ್ಟಾರ್ ನಟಿಯಾಗಿ ಗುರುತಿಸಿಕೊಂಡಿದ್ದಾರೆ..
ಸಿನಿಮಾದಲ್ಲಿ ನಟಿಸುವ ಗುರಿ ಇಟ್ಟುಕೊಂಡು ಮನೆಬಿಟ್ಟು ಓಡಿ ಹೋದವರು ಹಲವರು. ಆದರೆ ಅವರಲ್ಲಿ ಕೆಲವರು ಮಾತ್ರ ಹಠ ಹಿಡಿದು ಯಶಸ್ವಿಯಾಗಿದ್ದಾರೆ. ಆದರೆ ಸಿನಿಮಾದಲ್ಲಿ ನಟಿಸಲು ತಂದೆ ಒಪ್ಪಲಿಲ್ಲ ಎಂದು ಹೇಳದೆ ಮನೆಯಿಂದ ಓಡಿ ಹೋದ ಯುವತಿಯೊಬ್ಬಳು ಮುಂಬೈನಲ್ಲಿ ಹಲವು ಸಂಕಷ್ಟಗಳನ್ನು ಎದುರಿಸಿ, ಕೊನೆಗೂ ತನ್ನ ಛಲ ಸಾಧಿಸಿದಾಳೆ.. ಯಾರು ಆ ನಟಿ, ಏನ್‌ ಕಥೆ ? ಬನ್ನಿ ತಿಳಿಯೋಣ..
ಹುಡುಗರೊಂದಿಗೆ ಕೋಣೆಯನ್ನು ಹಂಚಿಕೊಳ್ಳಬೇಕಾಗಿತ್ತು. ಆದರೆ ಎಷ್ಟೇ ಕಷ್ಟಗಳು ಬಂದರೂ ಮನೆಗೆ ವಾಪಸ್ಸು ಹೋಗಲಿಲ್ಲ. ಮೊದಲ ಸಿನಿಮಾ ಇಂಡಸ್ಟ್ರಿ ಹಿಟ್ ಆಗಿ ಜನಪ್ರಿಯವಾಯಿತು.. ಹೀಗೆ ಹೇಳಿದ್ದು, ಬೇರೆ ಯಾರೂ ಅಲ್ಲ, 'ಅರ್ಜುನ್ ರೆಡ್ಡಿ' ಖ್ಯಾತಿಯ ನಟಿ ಶಾಲಿನಿ ಪಾಂಡೆ.
ಶಾಲಿನಿ ಪಾಂಡೆ 23 ಸೆಪ್ಟೆಂಬರ್ 1993 ರಂದು ಮಧ್ಯಪ್ರದೇಶದ ಜಬಲ್ಪುರದಲ್ಲಿ ಜನಿಸಿದರು. ಶಾಲಾ ದಿನಗಳಿಂದಲೇ ಸಿನಿಮಾದಲ್ಲಿ ನಟಿಸುವ ಗುರಿ ಹೊಂದಿದ್ದಳು. ಆದರೆ ಆಕೆಯ ತಂದೆ ಇದಕ್ಕೆ ಒಪ್ಪಿರಲಿಲ್ಲ. ಎಂಜಿನಿಯರಿಂಗ್ ಮಾಡಬೇಕು ಎಂದು ಒತ್ತಾಯಿಸಿದರು. ಆದರೆ ಶಾಲಿನಿ ತನ್ನ ತಂದೆಯ ಮನವೊಲಿಸಲು ಸಾಕಷ್ಟು ಪ್ರಯತ್ನಿಸಿದಳು. ಆತ ಒಪ್ಪದ ಕಾರಣ ಮನೆ ಬಿಟ್ಟಿದ್ದರು.
ಶಾಲಿನಿ ತನ್ನ ತಂದೆಯ ಬಗ್ಗೆ ಕಾರ್ಯಕ್ರಮವೊಂದರಲ್ಲಿ ಮಾಧ್ಯಮದವರೊಂದಿಗೆ ಮಾತನಾಡಿದರು. 'ನನ್ನ ತಂದೆಗೆ ನಾನು ಇಂಜಿನಿಯರಿಂಗ್ ಮಾಡಬೇಕೆಂದು ಆಸೆ ಇತ್ತು. ಆದರೆ ನನಗೆ ಓದು ಇಷ್ಟವಿರಲಿಲ್ಲ. ನನ್ನ ತಂದೆ ಸಿನಿಮಾಕ್ಕೆ ಬರಲು ಒಪ್ಪಲಿಲ್ಲ. ನಾನು ಮನವರಿಕೆ ಮಾಡಲು 4 ವರ್ಷಗಳ ಕಾಲ ಪ್ರಯತ್ನಿಸಿದೆ. ಕೊನೆಗೆ ಮನೆಯಿಂದ ಓಡಿ ಮುಂಬೈಗೆ ಬಂದೆ. ಈಗ ಇದು ತಮಾಷೆಯಂತೆ ತೋರುತ್ತದೆ. ಆದರೆ ಆ ಸಮಯದಲ್ಲಿ ಅದು ತುಂಬಾ ದೊಡ್ಡ ವಿಷಯವಾಗಿತ್ತು ಎಂದು ಅವರು ಹೇಳಿದರು.
ಮುಂಬೈಗೆ ಹೋದ ನಂತರ ಶಾಲಿನಿ ಸಾಕಷ್ಟು ಕಷ್ಟಗಳನ್ನು ಎದುರಿಸಬೇಕಾಯಿತು. ಮುಂಬೈನಲ್ಲಿ ಇಬ್ಬರು ಗೆಳತಿಯರಿದ್ದರೂ ಕಾರಣಾಂತರಗಳಿಂದ ಅವರ ಜೊತೆಯಲ್ಲಿ ಇರಲು ಸಾಧ್ಯವಾಗಲಿಲ್ಲ. ಹಾಗಾಗಿ ಹೊರಗೆ ಬೇರೆ ಹುಡುಗರೊಂದಿಗೆ ರೂಮ್‌ ಹಂಚಿಕೊಳ್ಳಬೇಕಾಗಿತ್ತು. ಕೊನೆಗೆ ಆ ಹುಡುಗರೇ ನನ್ನ ಕುಟುಂಬದವರಾದರು, ಇಂದಿಗೂ ಅವರೇ ನನ್ನ ಸ್ನೇಹಿತರು.. ಎಂದು ಶಾಲಿನಿ ಹೇಳಿಕೊಂಡಿದ್ದಾರೆ.
ಅಧ್ಯಯನದ ಸಮಯದಲ್ಲಿ, ಶಾಲಿನಿ ಜಬಲ್ಪುರದಲ್ಲಿ ರಂಗಭೂಮಿ ಕಲಾವಿದೆಯಾಗಿ ಕೆಲಸ ಮಾಡುತ್ತಿದ್ದರು. ನಂತರ ಮುಂಬೈನಲ್ಲಿ ಸಿನಿಮಾ ಅವಕಾಶಗಳಿಗಾಗಿ ಪ್ರಯತ್ನಿಸುತ್ತಿದ್ದರು. ಆ ಸಮಯದಲ್ಲಿ ಸಂದೀಪ್ ರೆಡ್ಡಿ ವಂಗ ‘ಅರ್ಜುನ್ ರೆಡ್ಡಿ’ ಚಿತ್ರದಲ್ಲಿ ನಾಯಕಿಯಾಗುವ ಅವಕಾಶ ನೀಡಿದರು. ಈ ಚಿತ್ರ ತೆಲುಗಿನಲ್ಲಿ ಬ್ಲಾಕ್ ಬಸ್ಟರ್ ಹಿಟ್ ಆಯಿತು. ಇದರೊಂದಿಗೆ ಆಕೆ ಒನ್ ನೈಟ್ ಸ್ಟಾರ್ ಆದಳು. ವಿಜಯ್ ದೇವರಕೊಂಡ ಕ್ರೇಜ್ ಕೂಡ ಒಂದು ರೇಂಜ್ ನಲ್ಲಿ ಹೆಚ್ಚಾಯಿತು.
ನಟಿಸಿದ ಮೊದಲ ಚಿತ್ರ ಸೂಪರ್ ಹಿಟ್ ಆಗುತ್ತಿದ್ದಂತೆ ಶಾಲಿನಿಗೆ ಸಾಕಷ್ಟು ಆಫರ್‌ಗಳು ಬರತೊಡಗಿದವು. ಈಗಾಗಲೇ ಸ್ಟಾರ್ ಆಗಿದ್ದರಿಂದ ಆಕೆಯ ಪೋಷಕರು ಸಹ ಪ್ರೋತ್ಸಾಹಿಸಲು ಪ್ರಾರಂಭಿಸಿದರು. ಶಾಲಿನಿ ನಾಗ್ ಅಶ್ವಿನ್ ಅಭಿನಯದ 'ಮಹಾನಟಿ' ಚಿತ್ರದಲ್ಲಿ ಪ್ರಮುಖ ಪಾತ್ರದಲ್ಲಿ ಕಾಣಿಸಿಕೊಂಡರು.
ತೆಲುಗು ಅಲ್ಲದೆ, ತಮಿಳು ಮತ್ತು ಹಿಂದಿ ಚಿತ್ರಗಳಲ್ಲಿ ನಟಿಸುವ ಮೂಲಕ ಜನರ ಮೆಚ್ಚುಗೆ ಪಡೆಯುತ್ತಿದ್ದಾರೆ. ಆದರೆ, ಬಾಲಿವುಡ್ ನ ಟಾಪ್ ಹೀರೋ ರಣವೀರ್ ಸಿಂಗ್‌ಗೆ ನಾಯಕಿಯಾಗಿ ನಟಿಸಿದ್ದ 'ಜಯೇಶ್ ಭಾಯ್ ಜೋರ್ದಾರ್' ಫ್ಲಾಪ್ ಆಗಿತ್ತು. ಆದರೆ ಇತ್ತೀಚಿನ ಹಿಂದಿ ಚಿತ್ರ 'ಮಹಾರಾಜ್' ನಲ್ಲಿ ತನ್ನ ಅಭಿನಯದಿಂದ ಶಾಲಿನಿ ಕಮ್‌ಬ್ಯಾಕ್‌ ಮಾಡಿದ್ದಾರೆ..
