பணியாளர்கள் ஓய்வூதியத் திருத்தத் திட்டம் மத்திய அரசால் செப்டம்பர் 1, 2014ம் ஆண்டு முதல் அமல்படுத்தப்பட்டது.  ஊழியர்களின் வருங்கால வைப்பு நிதி அமைப்பு (இபிஎஃப்ஓ) ஊழியர்களின் ஓய்வூதியத்திற்கான அதிகபட்ச சம்பளம் ரூ.15,000 என நிர்ணயித்துள்ளது.  ஓய்வூதியம் பெற, ஊழியர்களின் வருங்கால வைப்பு நிதியில் (இபிஎஃப்) 10 ஆண்டுகள் பங்களிக்க வேண்டியது அவசியம்.  அதே நேரத்தில், 20 ஆண்டுகள் பணியை முடித்தவுடன், 2 ஆண்டுகள் வெயிட்டேஜ் வழங்கப்படுகிறது.  தற்போதைய முறையின்படி, ஒரு ஊழியர் ஜூன் 1, 2015 முதல் பணிபுரிந்து, 14 ஆண்டுகள் பணி முடித்த பிறகு ஓய்வூதியம் பெற விரும்பினால், அவர் எத்தனை ஆண்டுகள் பணிபுரிந்தாலும் அவரது ஓய்வூதியம் ரூ.15,000 ஆகக் கணக்கிடப்படும்.  


COMMERCIAL BREAK
SCROLL TO CONTINUE READING

பழைய ஃபார்முலாவின்படி, 14 ஆண்டுகள் நிறைவடைந்தவுடன் ஜூன் 2, 2030 முதல் ஊழியர் சுமார் ரூ.3000 ஓய்வூதியத்தைப் பெறுவார்.  உச்ச நீதிமன்றம் ஊழியர்களுக்கு சாதகமாக தீர்ப்பளித்தால், அதே ஊழியரின் ஓய்வூதியம் அதிகரிக்கும்.  ஒரு ஊழியரின் சம்பளம் (அடிப்படை சம்பளம் + டிஏ) ரூ.20,000 எனில், பென்ஷன் ஃபார்முலாவைக் கணக்கிடுவதன் மூலம் அவரது ஓய்வூதியம் ரூ.4000 (20,000X14)/70 = ரூ.4000 ஆக இருக்கும்.  அதேபோல, அதிக சம்பளம், ஓய்வூதிய பலன் அதிகமாக இருக்கும், அத்தகைய ஊழியர்களின் ஓய்வூதியத்தில் 300% அதிகரிப்பு இருக்கலாம்.  ஒரு ஊழியரின் பணி 33 ஆண்டுகள் என்றால் அவரது கடைசி அடிப்படை சம்பளம் ரூ.50,000 தற்போதைய முறையின் கீழ், ஓய்வூதியம் அதிகபட்ச சம்பளமாக ரூ.15,000-ல் கணக்கிடப்பட்டது. 



மேலும் படிக்க | கார்களுக்கு லோன் பெற சில எளிய டிப்ஸ்!


இதனால்  கிடைக்கப்பெறும் ஓய்வூதியம் ரூ.7,500 மட்டுமே.  தற்போதைய முறையில் இதுவே அதிகபட்ச ஓய்வூதியமாகும். ஆனால், ஓய்வூதிய வரம்பை நீக்கிவிட்டு, கடைசி சம்பளத்தின்படி ஓய்வூதியத்தை சேர்த்தால், அவர்களுக்கு ரூ.25,000 ஓய்வூதியம் கிடைக்கும்.  இபிஎஃப்ஓ விதிகளின்படி, ஒரு ஊழியர் தொடர்ந்து 20 ஆண்டுகள் அல்லது அதற்கு மேல் இபிஎஃப்-ல்  பங்களித்தால், அவருடைய சேவையில் மேலும் இரண்டு ஆண்டுகள் சேர்க்கப்படும்.  இதனால் 33 ஆண்டுகள் பணி நிறைவு பெற்றாலும், ஓய்வூதியம் 35 ஆண்டுகளாக கணக்கிடப்பட்டது.  அத்தகைய சூழ்நிலையில், அந்த ஊழியரின் சம்பளம் 333% ஆக அதிகரிக்கலாம்.  ஊழியர்களின் ஓய்வூதியத் திருத்தத் திட்டம் நடைமுறைப்படுத்தப்பட்டதற்கு தனியார் துறை ஊழியர்கள் எதிர்ப்பு தெரிவித்து, கடந்த 2018-ம் ஆண்டு கேரள உயர்நீதிமன்றத்தில் வழக்கு தொடர்ந்தனர்.  



ஏனெனில் சம்பளம் ரூ.15,000க்கு மேல் இருந்தாலும், பென்ஷன் கணக்கீடு அதிகபட்ச சம்பளம் ரூ.15,000 என நிர்ணயிக்கப்பட்டுள்ளது.  ஆனால், 2014 செப்டம்பர் 1-ம் தேதி மத்திய அரசு செய்த திருத்தத்துக்கு முன் இந்தத் தொகை ரூ.6,500 ஆக இருந்தது.  ஜனவரி 2021-ல், உச்ச நீதிமன்றம் அதன் 2019 தீர்ப்பை மறுபரிசீலனை செய்து, வழக்கை விசாரிக்க முடிவு செய்தது.  கேரள உயர் நீதிமன்றத்தின் உத்தரவை எதிர்த்து தொழிலாளர் அமைச்சகம் மற்றும் இபிஎப்ஓ சார்பில் மனு தாக்கல் செய்யப்பட்டது.  இந்த உத்தரவின் மூலம் ஓய்வூதியம் 50 மடங்கு வரை அதிகரிக்கலாம் என்று இபிஎஃப்ஓ ​​கருதுகிறது, இருப்பினும் வழக்கு இன்னும் நிலுவையில் உள்ளது.


மேலும் படிக்க | Dearness allowance: ஊழியர்களின் சம்பளத்தில் இவ்வளவு மாற்றங்களா?


சார்பில்லாத சமரசமில்லாத செய்திகள் உங்கள் உள்ளங்கைகளில்! 


உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.


முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.


கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!


Android Link: https://bit.ly/3AIMb22


Apple Link: https://apple.co/3yEataJ