Post Office Recurring Deposit: நமது நாட்டில், எளிய சிறு சேமிப்பு செய்ய நினைப்பவர்களுக்கு ஏற்ற பல முதலீட்டுத் திட்டங்கள் உள்ளன. இவற்றில், நிலையான வைப்புடன் ரெக்கரிங் டெபாசிட் அதாவது RD-யும் மிகப் பிரபலமாக உள்ளது. இதன் மூலம், ஒரே நேரத்தில் அதிக தொகை முதலீடு செய்ய முடியாத முதலீட்டாளர்கள், ஒரு சிறிய தொகையையும் மாதந்தோறும் முதலீடு செய்து சேமிக்கலாம். 


COMMERCIAL BREAK
SCROLL TO CONTINUE READING

ஒரு வகையில், இந்தத் திட்டம் ஒரு முறையான முதலீட்டுத் திட்டம் (SIP) போல செயல்படுகிறது. மேலும், இது நீண்ட காலத்திற்கு ஒழுக்கமான முதலீட்டை ஊக்குவிக்கிறது. இது ஒரு சிறுசேமிப்புத் திட்டமாகும். ஆனால் அதன் நன்மைகள் மிகப்பெரியவை. உங்கள் தினசரி செலவில் சிறு தொகையை சேமித்து, நீங்கள் ஒரு குறிப்பிட்ட காலத்தில் ஒரு பெரிய தொகையை பெறலாம். தபால் நிலையங்களிலும் ரெகரிங் டெபாசிட் செய்ய வசதி உள்ளது. இங்கு, எஸ்பிஐ அல்லது பிற வங்கிகளை விட அதிக வருவாயைப் பெற முடியும்.


வட்டி எவ்வளவு கிடைக்கும்


தபால் அலுவலகத்தின் (Post Office) 5 ஆண்டு மெச்யூரிட்டி கொண்ட ரெக்கரிங் டெபாசிட் திட்டத்தில், ​​5.8 சதவீத வருடாந்திர வட்டி வழங்கப்படுகிறது. இந்த வட்டி காலாண்டு கூட்டு அடிப்படையில் கிடைக்கிறது. சாதாரண குடிமக்களுக்கு, எஸ்பிஐ அளிக்கும் வட்டி 5.4 சதவிகிதமாகும். மற்ற அரசு மற்றும் தனியார் வங்கிகள் மற்றும் நிதி நிறுவனங்களிலும், ஆர்.டி.-க்கு 5 முதல் 5.5 சதவீதம் வரை வட்டி கிடைக்கிறது. 


ALSO READ: Post Office FD: அதிக வட்டியுடன் கூடுதல் நன்மைகள் கொடுக்கும் பாதுகாப்பான முதலீடு


ஒரு நாளைக்கு செய்யப்படும் முதலீடு ரூ .200, அதாவது மாத முதலீடு ரூ. 6000. இதன் திட்டக் காலம் 10 ஆண்டுகள் ஆகும் (5 வருடங்களுக்கான ஆர்.டி.-ஐ  மேலும் 5 ஆண்டுகளுக்கு நீட்டிக்கலாம்). இதன் வட்டி விகிதம் காலாண்டுக்கு 5.8 சதவிகிதம் ஆகும். முதிர்வு தொகை, தோராயமாக 9.75 லட்சம் ஆகும். 


ஆர்.டி: குறைந்தது ரூ .100 உடன் கணக்கு தொடங்கப்படும்


ஒரு தபால் அலுவலகத்தில் ரெக்கரிங் டெபாசிட் (RD) கணக்கைத் திறக்க, குறைந்தபட்ச மாத முதலீடு ரூ 100 ஆகும். நீங்கள் முதலீடு செய்யக்கூடிய அதிகபட்ச தொகைக்கு வரம்பு இல்லை. தபால் அலுவலகங்கள் மற்றும் வங்கிகள் தங்கள் வாடிக்கையாளர்களுக்கு ஆன்லைனில் கணக்குகளைத் திறக்கும் வசதியையும் வழங்குகின்றன. 


வரி வசூலிக்கப்படுமா?


ரெக்கரிங் டெபாசிட்டுக்கு கிடைக்கும் வட்டிக்கு வரி (Tax) விதிக்கப்படுகிறது. உங்கள் வட்டி வருமானம் 10 ஆயிரம் ரூபாய்க்கு மேல் இருந்தால், அதற்கு டிடிஎஸ் செலுத்த வேண்டும். 


முதலீட்டில் ஆபத்து


RD இல் முதலீடு செய்வதில் எந்த ஆபத்தும் இல்லை என்பது குறிப்பிடத்தக்கது. இதில் வட்டி விகிதங்கள் முன்கூட்டியே நிர்ணயிக்கப்படுகின்றன. இதில் சந்தை தொடர்பான ஆபத்து இல்லை.


ALSO READ: Post Office: ATM கார்டு, பரிவர்த்தனை தொடர்பான விதிகளில் முக்கிய மாற்றம்..!!!


உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.


முகநூலில் @ZeeHindustanTamil மற்றும் டிவிட்டரில் @ZHindustanTamil என்ற பக்கத்தை லைக் செய்யவும்.


கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ இந்துஸ்தான் செயலியை பதிவிறக்குங்கள்!!


Android Link - https://bit.ly/3hDyh4G
Apple Link - https://apple.co/3loQYeR