Jailer 2 Actor Rajinikanth Salary : தமிழ் திரையுலகிற்கு வந்த புதிதிலேயே தொடர்ச்சியாக ஹிட் படங்களை கொடுத்து பிரபலமானவர், நெல்சன் திலீப்குமார். கோலமாவு கோகிலா படம் மூலம் இயக்குநராக அறிமுகமான இவர், அடுத்து சிவகார்த்திகேயனை வைத்து ‘டாக்டர்’ படத்தை இயக்கினார். இப்படம் பெரிய ஹிட் அடிக்க, தொடர்ந்து நடிகர் விஜய்யை வைத்து பீஸ்ட் படத்தை இயக்கும் வாய்ப்பையும் பெற்றார். இப்படத்திற்கு பிறகு அவர் ரஜினிகாந்துடன் கைக்கோர்த்த படம்தான், ஜெயிலர். 


COMMERCIAL BREAK
SCROLL TO CONTINUE READING

ஜெயிலர் திரைப்படம்:


நடிகர் விஜய்யை வைத்து நெல்சன் இயக்கிய பீஸ்ட் திரைப்படம், டிரைலரில் ஏற்படுத்திய சுவாரஸ்யத்தை படத்தில் ஏற்படுத்த தவறியது. நெகடிவான விமர்சனங்களால் வருத்தெடுக்கப்பட்டாலும் இப்படம் நல்ல பாக்ஸ் ஆபிஸ் கலக்ஷனையே பெற்றது. இதனால், அவர் அடுத்த ரஜினிகாந்துடன் கமிட் ஆன ஜெயிலர் திரைப்படம் அவர் கையை விட்டு நழுவும் நிலையில் இருந்தது. ஆனால், வேறு எதையும் யோசிக்காமல் சன் பிக்சர்ஸின் தயாரிப்பில் உருவான ஜெயிலர் பட வேலைகளில் இறங்கினார். 


ஜெயிலர் படம் வெளியான போது, ‘என்னாகுமோ, ஏதாகுமோ’ என்று ரஜினி ரசிகர்கள் அனைவரும் கலக்கத்தில் இருந்தனர். ஆனால், ஒரு வழியாக படம், நல்ல விமர்சனங்களை பெற்று வென்று விட்டது. இப்படத்தில் முன்னாள் ஜெயிலர் கதாப்பாத்திரத்தில் நடித்திருந்த ரஜினிகாந்த், தனது 70களிலும் ஆக்ஷனில் கலக்கியிருந்தார். இந்த படத்தில் காமியோ கதாப்பாத்திரத்தில் தமன்னா, மோகன்லால், சிவராஜ் குமார், ஜாக்கி ஷெராஃப் உள்ளிட்ட பலர் நடித்திருந்தனர். இப்படம் மொத்தம் ரூ.650 கோடிக்கும் மேல் வசூலித்ததாக கூறப்பட்டது. 


ஜெயிலர் 2 படத்தின் வேலைகள்:


ஜெயிலர் படம் வெளியான போதே, அப்படத்தின் இரண்டாம் பாகமும் உருவாகும் என கூறப்பட்டது. இதிலும் ஹீரோவாக ரஜினிகாந்த்தான் நடிக்கிறார். இவருடன் இன்னும் சில முக்கிய நடிகர்கள், இப்படத்தில் இணைய வாய்ப்பிருப்பதாக கூறப்படுகிறது. 


டைட்டில் என்ன? 


ஜெயிலர் 2 படத்தின் டைட்டில் குறித்த தகவலும் வெளியாகியிருக்கிறது. ஜெயிலர் முதல் பாகத்தில் இடம் பெற்றிருந்த ஹுக்கும் பாடல் ஹிட் அடித்ததை தொடர்ந்து, இந்த பாகத்திற்கு அந்த பெயரைத்தான் நெல்சன் வைக்க உள்ளதாக கூறப்படுகிறது. 


மேலும் படிக்க | தலைவர் 171 படத்திற்காக ரஜினி வாங்கிய சம்பளம் எவ்வளவு தெரியுமா?


சம்பளம் இவ்வளவா? 


நடிகர் ரஜினிகாந்த், தற்போது ஒரு படத்திற்கு 210 கோடி வரை சம்பளமாக பெற்று வருவதாக கூறப்படுகிறது. ஜெயிலர் படத்திற்கும் அவர் அந்த சம்பளம்தான் கொடுக்கப்பட்டிருப்பதாக தகவல். இப்படத்தின் இரண்டாம் பாகத்திற்காக அவருக்கு பேசப்பட்டுள்ள சம்பள தொகை எவ்வளவு தெரியுமா? ரூ.250 கோடியாம்! இதைக்கேட்ட ரசிகர்கள், “இவ்வளவு பெரிய அமவுண்டா..” என்று வாயை பிளந்து வருகின்றனர். 


பணிகள் எப்போது தொடங்கும்? 


ரஜினிகாந்த், நடிப்பில் உருவாகி வரும் ‘வேட்டையன்’ படத்தின் படப்பிடிப்பு சமீபத்தில் முடிவடைந்தது. இதைத்தொடர்ந்து அவர் லோகேஷ் கனகராஜ் இயக்கும் ‘கூலி’ படத்தில் நடிக்கிறார். இந்த படத்தின் வேலைகளுக்கு பிறகு அவர் தலைவர் 172 மற்றும் 173 ஆகிய படங்களில் நடிக்க இருப்பதாக கூறப்படுகிறது. இதற்கு அடுத்துதான், நெல்சன் இயக்கும் ‘ஜெயிலர் 2’ படத்தில் நடிப்பார் என்று எதிர்பார்க்கப்படுகிறது. இந்த படத்திற்கும் அனிருத்தான் இசையமைக்க இருப்பதாக கூறப்படுகிறது. 


இயக்குநர் நெல்சன், சில வாரங்களுக்கு முன்பு இயக்குநரில் இருந்து, படத்தயாரிப்பாளராகவும் மாறினார். முதன் முதலாக, கவின் நடிக்கும் ‘ப்ளடி பெக்கர்’ படத்தை அவர் தயாரிக்க இருக்கிறார். இந்த பாதையும், பட இயக்கம் போல அவருக்கு ஏற்றத்தை கொடுக்கும் என்று கூறப்படுகிறது.


மேலும் படிக்க | Jailer 2nd Single: ஜெயிலர் 2வது சிங்கிள் அப்டேட்-‘Tiger Ka Hukum’ என்றால் என்ன?


சார்பில்லாத சமரசமில்லாத செய்திகள் உங்கள் உள்ளங்கைகளில்! 


உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்..


முகநூல் - @ZEETamilNews


ட்விட்டர் - @ZeeTamilNews


டெலிக்ராம் - https://t.me/ZeeTamilNews 


வாட்ஸ்-அப் - https://whatsapp.com/channel/0029Va5XFvI90x2plF9cKY1r


அரசியல், கல்வி, பொழுதுபோக்கு, விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!


Android Link: https://bit.ly/3AIMb22


Apple Link: https://apple.co/3yEataJ