சிவா இயக்கத்தில் ரஜினி நடித்த அண்ணாத்த படம் படுதோல்வியடைந்தது. இதனால் அப்செட்டான ரஜினி டாக்டர் படத்தை இயக்கிய நெல்சன் திலீப்குமார் இயக்கத்தில் நடிக்க கமிட்டானார். டாக்டர் வெற்றியை நெல்சனுடன் ரஜினி இணைந்ததை கொண்டாடிய ரசிகர்கள் பீஸ்ட் பட தோல்வியை வைத்து கடுமையாக விமர்சனம் செய்தனர். இந்தச் சூழலில் ரஜினி படத்திலிருந்து நெல்சன் நீக்கப்பட்டுவிட்டார் என்றெல்லாம் செய்திகள் பரவின. ஆனால் அதையெல்லாம் பொய்யாக்கும் விதமாக ரஜினி - நெல்சன் இணையும் படத்துக்கு ஜெயிலர் என பெயரிடப்பட்டு ஃபர்ஸ்ட் லுக் போஸ்டரும் வெளியாகி ரசிகர்களிடையே வரவேற்பைப் பெற்றது.


COMMERCIAL BREAK
SCROLL TO CONTINUE READING

சென்னையில் கடந்த ஆகஸ்ட் 22ஆம் தேதி இந்தப் படத்தின் ஷூட்டிங்கும் தொடங்கியது. இதில் ரஜினி நடிக்கும் காட்சிகள் படமாக்கப்பட்டன. அப்போது அதுதொடர்பான புகைப்படங்கள் வெளியாகி இணையத்தில் வைரலாகின. இந்தப் படத்தில் ப்ரியங்கா அருள்மோகன் உள்ளிட்டோர் நடிப்பதாக கூறப்படுகிறது. மேலும் கன்னட நடிகர் சிவ ராஜ்குமார் நடிக்கிறார். அனிருத் இசையமைக்க சன் பிக்சர்ஸ் நிறுவனம் தயாரிக்கிறது.



மேலும் படிக்க | ரஜினிக்கு பாபா வில்லன் பிறந்தநாள் வாழ்த்து! என்ன கூறினார் தெரியுமா?


இதற்கிடையில் தற்போது வரை 50 சதவீத படப்பிடிப்பு நிறைவடைந்துள்ளது. இப்படத்தின் எஞ்சியுள்ள ஷூட்டிங்கை விரைவில் முடித்து வருகிற 2023-ம் ஆண்டு ஏப்ரல் மாதம் தமிழ் புத்தாண்டு விடுமுறையில் வெளியிட திட்டமிட்டு உள்ளனர் படக்குழுவினர்.



இந்நிலையில் ரஜினிகாந்தின் பிறந்தநாளை முன்னிட்டு, தற்போது சற்று நேரத்திற்கு முன் ஜெயிலர் படத்தில் நடிகர் ரஜினிகாந்த் நடிக்கும் முத்துவேல் பாண்டியன் கதாபாத்திரத்தின் தோற்றத்தை படக்குழுவினர் வெளியிட்டுள்ளது, மேலும் அவருக்கு தங்கள் பிறந்தநாள் வாழ்த்துகளை தெரிவித்து சன் பிக்சர்ஸ் நிறுவனம் தனது டிவிட்டர் பக்கத்தில் இதன் வீடியோவை ஷேர் செய்துள்ளது.




 


முன்னதாக, மலையாள நடிகர் விநாயகன் ஜெயிலர் படத்தில் நடிக்க ஒப்பந்தமாகியுள்ளார் என்று தகவல்கள் வெளியாகின. அவருக்கான காட்சிகளும் படமாக்கப்படுவதாகவும் கூறப்படுகிறது. இவர் திமிரு, கம்மாட்டி பாடம் உள்ளிட்ட படங்களில் நடித்து புகழ் பெற்றவர் என்பது குறிப்பிடத்தக்கது.


மேலும் படிக்க | உங்களை சூப்பர் ஸ்டாரின் தீவிர ரசிகனாக மாற்றும் ரஜினிகாந்தின் 10 படங்கள்!


சார்பில்லாத சமரசமில்லாத செய்திகள் உங்கள் உள்ளங்கைகளில்!


உடனுக்குடன் செய்திகளை தெரிந்துக் கொள்ளவும், உங்கள் கருத்துக்களை பகிர்ந்துக் கொள்ளவும் சமூக வலைத்தளங்களில் எங்களை பின்தொடருங்கள்.


முகநூலில் @ZEETamilNews, டிவிட்டரில் @ZeeTamilNews மற்றும் டெலிக்ராமில் https://t.me/ZeeTamilNews என்ற பக்கத்தை லைக் செய்யவும்.


கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியை பதிவிறக்குங்கள்!!


Android Link: https://bit.ly/3AIMb22


Apple Link: https://apple.co/3yEataJ