கோயில் திருவிழாவில் அதிர்ச்சி தந்த ஆபாச ஆடல் பாடல் நிகழ்ச்சி!
நாமக்கல் மாவட்டத்தில் நடைபெற்ற கோயில் திருவிழாவில் ஆபாச ஆடல் பாடல் நிகழ்ச்சி நடத்தப்பட்டது காண்போரை முகம் சுளிக்கச்செய்தது.
கோயில் திருவிழாக்களில் நடைபெறும் கலை நிகழ்ச்சிகளில் ஆபாச நடனமோ, பேச்சுக்களோ இருக்கக் கூடாது என மதுரை உயர்நீதிமன்ற கிளை கடந்த 3 நாட்களுக்கு முன்பு உத்தரவிட்டது. இவ்வாறு உத்தரவு பிறப்பித்து மூன்று நாட்களே ஆன நிலையில், நாமக்கல் மாவட்டம், குமாரபாளையம் பகுதியில் கோவில் திருவிழாவில் ஆபாச நடன நிகழ்ச்சி நடைபெற்றுள்ளது சர்ச்சையை ஏற்படுத்தியுள்ளது.
நாமக்கல் மாவட்டம் குமாரபாளையம் அருகே உள்ள பழைய பள்ளிபாளையம் பிரதான சாலையில் அமைந்துள்ள பெரிய மாரியம்மன் கோவில் கும்பாபிஷேகம் கடந்த வியாழக்கிழமை அன்று நடைபெற்றது.
இதனை அடுத்து கோயில் கமிட்டி சார்பில் ஆர்கெஸ்ட்ரா மற்றும் ஆடல் பாடல் நிகழ்ச்சிகள் ஏற்பாடு செய்யப்பட்டிருந்தது. இதில் திரைப்பட நடிகை அஷ்மிதா கலந்து கொண்டு பாடல்களுக்கு நடனம் ஆடினார். இதில் பல பாடல்கள் அரைகுறை ஆடையுடன் மிக கவர்ச்சியாக இருந்ததால் பார்ப்போர் முகம் சுளிக்க வேண்டிய சூழ்நிலை ஏற்பட்டது.
மேலும் படிக்க: Better Breakfast: குழந்தைகளின் ஆரோக்கியத்திற்கு அடித்தளம் போடும் சுலபமான காலை உணவுகள்
அதிலும், பிரபல ஐடம் பாடல்களான "கட்டிப்புடி கட்டிப்புடிடா, கண்ணா என் சேலைக்குள்ளே..." உள்ளிட்ட பாடல்களுக்கும் ரசிக்க தகாத நடன அசைவுகளுடன் கலைஞர்கள் ஆடியிருப்பது மிகவும் அதிர்ச்சியளித்துள்ளது.
இதனையறிந்து காவல்துறையினர் கலை நிகழ்ச்சி ஏற்பாட்டாளர்களிடம் எச்சரித்தும் இந்த கலை நிகழ்ச்சி தற்போது நிகழந்துள்ளது சர்ச்சையை ஏற்படுத்தி உள்ளது. மேலும் இந்த கலை நிகழ்ச்சியை சமூக வலைதளங்களில் நேரலை செய்துள்ளது பொதுமக்களிடையே அதிர்ச்சியை ஏற்படுத்தியுள்ளது. மேலும், இந்த கலை நிகழ்ச்சியை ஏற்பாடு செய்த சம்பந்தப்பட்ட நபர்கள் மீது நடவடிக்கை எடுக்க வேண்டும் என சமூக ஆர்வலர்கள் கோரிக்கை விடுத்துள்ளனர்.
அதேபோல் இந்த நிகழ்ச்சி வீடியோவானது இணையத்தில் வைரலாகி வருகிறது. பலதரப்பட்ட இணையவாசிகள் எதிர்ப்பு தெரிவித்து கருத்துகளை பதிவிட்டு வருகின்றனர்.
மேலும் படிக்க: எல்லாமே ஸ்கிரிப்ட் ஹா? கண்ணால் சிக்னல் கொடுத்ததும் அண்ணாமலை காலில் விழும் மாணவி!
சார்பில்லாத சமரசமில்லாத செய்திகள் உங்கள் உள்ளங்கைகளில்!
உடனுக்குடன் செய்திகளைத் தெரிந்து கொள்ளவும், உங்கள் கருத்துகளைப் பகிர்ந்து கொள்ளவும் சமூக வலைத்தளங்களில் எங்களைப் பின்தொடருங்கள்.
முகநூலில் @ZEETamilNews, ட்விட்டரில் @ZeeTamilNews மற்றும் டெலிக்ராமில்https://t.me/ZeeTamilNews என்ற பக்கத்தை லைக் செய்யவும்.
கல்வி, பொழுதுபோக்கு, அரசியல், விளையாட்டு, சுகாதாரம், வாழ்க்கை முறை, சமூக, வேலைவாய்ப்பு என அனைத்து வகையான செய்திகளையும் தமிழில் பெற இப்போது ஜீ தமிழ் நியூஸ் செயலியைப் பதிவிறக்குங்கள்!!
Android Link: https://bit.ly/3AIMb22
Apple Link: https://apple.co/3yEataJ