ఆ ఉద్యోగులకు ఏపీ సీఎం జగన్ శుభవార్త..

అమరావతి: రాష్ట్ర వ్యాప్తంగా కరోనా మహమ్మారి నియంత్రణ చర్యల్లో భాగంగా తమ ప్రాణాలను సైతం లెక్కచేయకుండా విధులు నిర్వహిస్తోన్న ఆయా సిబ్బందికి బీమా సౌకర్యం కల్పించాలని ఆంద్రప్రదేశ్ సర్కార్ నిర్ణయం తీసుకుంది. కరోనా నివారణపై ఉన్నత స్థాయి సమీక్ష నిర్వహించిన సీఎం జగన్ రాష్ట్రంలో కరోనా కట్టడికి తీసుకోవాల్సిన చర్యలపై, కరోనా బీమా పరిధిలోకి ముందువరుసలో ఉన్న వారితో పాటు పారిశుద్ధ్య కార్మికులు, గ్రామ వాలంటీర్లు, ఆశావర్కర్లు, గ్రామ, వార్డు సచివాలయాల ఉద్యోగులను చేర్చాలని ఆదేశించారు. ఈ సందర్భంగా ఆసుపత్రిలో పారిశుద్ధ్యం నిర్వహణపై ప్రత్యేక దృష్టి పెట్టాలని, ప్రత్యేక తనిఖీ నిర్వహణను  చేపట్టాలని సూచించారు. అంతేకాకుండా రాష్టంలో కరోనాకు సంబంధించిన అంశాలతో పాటు జనాభా ప్రాతిపదికన ప్రతి 10లక్షల మందికి నిర్వహిస్తోన్న జాబితాలో రాష్ట్రం రెండో స్థానానికి చేరినట్లు సీఎంకు తెలిపారు.