AP Heavy Rains Alert: బంగాళాఖాతంలో ఉత్తరాంధ్ర, ఒడిశా తీరాలపై ఏర్పడిన అల్పపీడనం క్రమంగా బలపడుతోందని వాతావరణ శాఖ సూచించింది. మరోవైపు తెలంగాణపై ఉపరితల ద్రోణి కొనసాగుతోంది. దాంతో మరో 2-3 రోజులు ఏపీ, తెలంగాణ రాష్ట్రాల్లో భారీ వర్షాలు కురవనున్నాయని ఐఎండీ వెల్లడించింది. 


COMMERCIAL BREAK
SCROLL TO CONTINUE READING

వాయువ్య బంగాళాఖాతంలో పశ్చిమ మధ్య బంగాళాఖాతానికి ఆనుకుని ఈ అల్పపీడనం ఏర్పడింది. ఈ అల్ప పీడనానికి తోడుగా కొనసాగుతున్న ఉపరితల ఆవర్తనం సముద్ర మట్టానికి 7.6 కిలోమీటర్ల ఎత్తులో ఉంది. మరో ఉపరితల ద్రోణి ఆగ్నేయ ఉత్తర ప్రదేశ్‌వైపుకు కొనసాగుతోంది. ఈ విభిన్న పరిస్థితుల నేపధ్యంలో  రానున్నరెండ్రోజులు కోస్తాంధ్ర, రాయలసీమ జిల్లాల్లో మోస్తరు వర్షాలు పడనున్నాయని వాతావరణ శాఖ సూచించింది. ఇక ఇవాళ అంటే బుధవారం నంద్యాలు, కర్నూలు, కృష్ణా, పార్వతీపురం మన్యం, అల్లూరి సీతారామరాజు, ఎన్టీఆర్ జిల్లాల్లోని కొన్ని ప్రాంతాల్లో భారీ వర్షాలు పడనున్నాయని వాతావరణ శాఖ తెలిపింది. 


ఇప్పటికే గత రెండ్రోజుల్నించి ఏపీలోని పల్నాడు, కాకినాడ, ఎన్టీఆర్, అనకాపల్లి, అల్లూరి సీతారామరాజు, శ్రీకాకుళం, నంద్యాల జిల్లాల్లోని కొన్ని ప్రాంతాల్లో బారీ వర్షపాతం నమోదైంది. రానున్న 2 రోజులు తీరం వెంబడి గంటకు 40-50 కిలోమీటర్ల వేగంతో ఈదురు గాలులు వీచే అవకాశమున్నందున మత్స్యకారులు వేటకు వెళ్లవద్దని అధికారులు సూచించారు. 


ఏపీలో ఏ జిల్లాలకు ఆరెంజ్, ఎల్లో అలర్ట్ జారీ


అల్పపీడనం, ఉపరితల ఆవర్తనం, ద్రోణి ప్రభావంతో ఏపీలో రానున్న 2 రోజులు భారీ వర్షాలు పడనున్నాయని వాతావరణ శాఖ తెలిపింది. పార్వతీపురం మన్యం, ఏలూరు, అల్లూరి సీతారామరాజు, ఎన్టీఆర్, కృష్ణా, గుంటూరు జిల్లాల్లో బారీ వర్షాలు పడనున్నాయి. ఈ క్రమంలో ఏలూరు, కృష్ణా, గుంటూరు , ఎన్టీఆర్ జిల్లాలకు మాత్రం ఆరెంజ్ అలర్ట్ జారీ చేసింది ఐఎండీ. శ్రీకాకుళం, అల్లూరి సీతారామరాజు, విశాఖ, పార్వతీపురం మన్యం, విజయనగరం, అనకాపల్లి, కాకినాడ, తూర్పు గోదావరి, కోనసీమ, పశ్చిమ గోదావరి, బాపట్ల, పల్నాడు, ప్రకాశం, నెల్లూరు, నంద్యాల, కర్నూలు, కడప, అనంతపురం, పుట్టపర్తి, చిత్తూరు, తిరుపతి జిల్లాలకు ఎల్లో అలర్ట్ జారీ చేసింది వాతావరణ శాఖ.


Also read: Heavy Rains: తెలంగాణలో మరో రెండ్రోజులు విస్తారంగా వర్షాలు, ఇవాళ అతి భారీవర్షం హెచ్చరిక



స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.     


Android Link - https://play.google.com/store/apps/details?id=com.indiadotcom.zeetelugu     


Apple Link - https://apps.apple.com/in/app/zee-telugu-news/id1633190712


మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook