ఐదు రాష్ట్రాల ఎన్నికల ఫలితాలపై స్పందించిన ఏపీ సీఎం చంద్రబాబు నాయుడు

నేడు వెలువడుతున్న ఐదు రాష్ట్రాల ఎన్నికల ఫలితాలపై స్పందించే క్రమంలో ఏపీ సీఎం చంద్రబాబు బీజేపీపై విమర్శలు గుప్పించారు. గత ఐదేళ్లలో బీజేపీ ఏమీ చేయలేదని ఓటర్లు గ్రహించారు కనుకే ఆ పార్టీని కాకుండా మరో ప్రత్యామ్నాయాన్ని ఎంచుకున్నారని చంద్రబాబు అభిప్రాయపడ్డారు. దీంతో బీజేపీపై పోరాటంలో ఓటర్లు తమతోనే వున్నారనే విషయం స్పష్టమైపోయింది. ఈ ఐదు రాష్ట్రాల ఎన్నికల ఫలితాలే బీజేపీకి మరో ప్రత్యామ్నాయాన్ని ఏర్పాటు చేయడానికి దోహదపడతాయని చంద్రబాబు పేర్కొన్నారు. 

ఎన్నికల ఫలితాల వెల్లడి సందర్భంగా మీడియాతో మాట్లాడిన ఏపీ సీఎం చంద్రబాబు నాయుడు.. తెలంగాణలో ఆధిక్యంలో వున్న టీఆర్ఎస్ పార్టీకి, ఆ పార్టీ అధినేత కేసీఆర్‌కు శుక్షాకాంక్షలు తెలియజేశారు. అంతేకాకుండా కొత్తగా ఎన్నికైన ప్రజాప్రతినిధులను సైతం చంద్రబాబు అభినందించారు.