జగన్ సర్కార్ పై నారా లోకేష్ సెటైర్లు..అంతే ధీటుగా వైసీపీ కౌంటర్లు

అమరావతి: జగన్ సర్కార్ పై నారా లోకేష్ విమర్శనాస్త్రాలు సంధించారు. ప్రజా సమస్యలపై అన్నింటికి నేను విన్నా..నేను విన్నా అనే ముఖ్యమంత్రి జగన్...ఏం విన్నారు... ఎక్కడున్నారు అని లోకేష్ వ్యంగ్యాస్త్రాలు సంధించారు .

జగన్ సర్కార్ కు లోకేష్ కౌంటర్ !!
ట్విట్టర్ వేదికగా లోకేష్ మాట్లాడుతూ ఒకవైపు విత్త‌నాలు అందక  రైతులు గ‌గ్గోలు పెడుతుంటే.. సమస్యను పరిష్కరించకుండా చంద్ర‌బాబు వ‌ల్లే విత్త‌నాలు ఇవ్వ‌లేక‌ పోతున్నామంటోది వైసీపీ సర్కార్... మరోవైపు ఒక‌టో తారీఖుకొచ్చే పింఛ‌ను రాలేదేమ‌ని జనాలు  నిల‌దీస్తుంటే .... గ‌త ప్ర‌భుత్వం వ‌ల్లే ఆల‌స్య‌మైంద‌ని స‌మాధానం ఇస్తున్నారు. బీమా ఏదని అడిగితే గత సర్కార్‌ వైపు చూపిస్తున్నారు. వైసీపీ తీరు చూస్తుంటే వారు అధికారంలో ఉన్నట్లు మరిచిపోయినట్లున్నారని విమర్శించారు. దీని సంబంధించిన ఫోటో జత చేసి జగన్ సర్కార్ పై నారా లోకేష్ ఇలా సెటైర్లు సంధించారు

లోకేష్ కు రివర్స్ కౌంటర్ !!
ఇదిలా ఉంటే లోకేష్ సెటైర్లకు వైసీపీ అభిమానులు అంతే ధీటుగా రివర్స్ కౌంటర్ ఇస్తున్నారు. పసిగుడ్డులాంటి జగన్ సర్కార్ పై ఇప్పుడే కట్టుకథలు అల్లోదు. ...ఆర్నేల తర్వాత విమర్శలు చేయండి. .. మీ హూందాతనాన్నికి మంచిది... అసలు విత్తనాలు ఎన్ని నెలలు ముందు సేకరించాలి ? దాని ప్రకారం ఎవరిదీ బాధ్యత? అంటూ వైసీపీ అభిమానులు రివర్స్ కౌంటర్  ఇస్తున్నారు.