ఏపీకి రూ.1,892.64 కోట్లు, తెలంగాణకు 982 కోట్లు

న్యూ ఢిల్లీ: ఏప్రిల్ నెల‌ పన్నుల్లో భాగంగా రాష్ట్రాలకు ఇవ్వాల్సిన వాటాను కేంద్రం విడుదల చేసింది. 15వ ఆర్థిక సంఘం సిఫార్సుల మేరకు దేశవ్యాప్తంగా అన్ని రాష్ట్రాల‌కు క‌లిపి 46వేల 38 కోట్లు రూపాయలు విడుద‌ల చేయగా అందులో తెలంగాణకు రూ. 982 కోట్లు, ఆంధ్ర ప్రదేశ్‌కి రూ.1,892.64 కోట్ల రూపాయలు లభించాయి. ఈమేర‌కు కేంద్ర ఆర్థిక శాఖ ఓ ప్రకటన విడుద‌ల చేసింది. అంతేకాకుండా అన్ని రాష్ట్రాల‌కు ఇచ్చిన నిధుల వివరాలకు సంబంధించిన జాబితాను ట్విట‌ర్ ఖాతా ద్వారా విడుదల చేసింది.