Kissik Song: ఏపీ రాజకీయాల్లో పుష్ప 2 'కిస్సిక్' పాట రచ్చ.. వారికి అల్లు అర్జున్ స్ట్రాంగ్‌ వార్నింగ్‌?

Pushpa 2 Kissik Song: ఆంధ్రప్రదేశ్‌లో ప్రస్తుతం జరుగుతున్న రాజకీయ పరిణామాలపై తన సినిమా పాటతో ఐకాన్‌ స్టార్‌ అల్లు అర్జున్‌ తిప్పికొట్టారు. కిస్సిక్‌ పాటతో ఏపీ వ్యవహారాలపై కౌంటర్‌ ఇచ్చారు. అలా చేస్తే దెబ్బలు పడతాయి అంటూ హెచ్చరిక జారీ చేసినట్టు ఉంది. పుష్ప 2 నుంచి విడుదల చేసిన 'కిస్సిక్‌' పాట రాజకీయంగా చర్చనీయాంశంగా మారింది. రాజకీయాలపై ఉద్దేశపూర్వకంగా ఆ పాట రాయించినట్లు చర్చ జరుగుతోంది.
ఇది చదవండి: Tirupati Laddu: తిరుపతి లడ్డూ వివాదంలో భారీ ట్విస్ట్.. డెయిరీ, పోటులో సిట్ తనిఖీలు

సుకుమార్‌ దర్శకత్వంలో అల్లు అర్జున్‌, రష్మిక మందన్నా నటిస్తున్న 'పుష్ప 2: ది రూల్‌' సినిమా నుంచి 'కిస్సిక్‌' లిరికల్‌ పాట ఆదివారం విడుదలైంది. దేవిశ్రీ ప్రసాద్‌ సంగీత దర్శకత్వంలో రూపుదిద్దుకున్న కిస్సిక్‌ పాటకు యువ హీరోయిన్‌ శ్రీలీల డ్యాన్స్‌ చేసింది. అల్లు అర్జున్‌తో కలిసి శ్రీలీల నర్తించిన 'కిస్సిక్‌' పాటకు ఊహించని స్పందన లభిస్తోంది. పుష్ప పార్ట్‌ 1లో 'ఊ అంటావా మామ' పాటను మించి ఉంటుందని ప్రేక్షకులు భావిస్తున్నారు. ఆ స్థాయిలో లేకున్నా కొన్నాళ్లకు ఈ పాట దాన్ని మించి స్పందన లభిస్తుందని చిత్రబృందం భావిస్తోంది.
ఇది చదవండి: AP Politics: శ్రీకాళహస్తిలో టీడీపీ Vs వైసీపీ.. గుడివెనుక నా సామీ!

అయితే కిస్సిక్‌ పాట లిరిక్స్‌ గమనిస్తే ప్రస్తుతం ఏపీ రాజకీయాలో జరుగుతున్న పరిణామాలను గుర్తు చేసినట్టు కనిపిస్తోంది. ఏపీ వ్యవహారాల్లో కీలకంగా మారిన అంశాన్ని ప్రస్తావిస్తూ.. అలా చేస్తే దెబ్బలు పడుతాయి అని హెచ్చరిస్తున్నట్టు పాటలోని సాహిత్యం ఉంది. ఆస్కార్‌ అవార్డు గ్రహీత, తెలంగాణకు చెందిన ప్రముఖ రచయిత చంద్రబోస్‌ కిస్సిక్‌ పాటకు సాహిత్యం అందించారు. గాయని సుబ్లాషిణి పాడిన పాట రెండు, మూడో చరణాల్లో ఏపీ అంశాలను ప్రస్తావించినట్టు కనిపిస్తోంది.

పబ్లిక్‌లోనా ఫొటో పెట్టి
పచ్చి పచ్చి కామెంట్లు సేసారో
దెబ్బలు పడతాయిరో రాజా
దెబ్బలు పడతాయిరో
అంటూ రెండో చరణంలో వీఐపీల ఫొటోలపై నెటిజన్లు చేస్తున్న అసభ్య కామెంట్లపై ఆగ్రహం వ్యక్తం చేసినట్లు ఉన్నాయి.

ఆఖరి చరణంలో.. ప్రస్తుతం ఏపీలో రాజకీయ నాయకులపై సోషల్‌ మీడియాలో జరుగుతున్న అసభ్య దాడిపై ఆగ్రహం వ్యక్తం చేసినట్లు కనిపిస్తోంది. 

తీసిన ఫొటో దాసుకో.. 
తీరుబడిగా సూసుకో
కళ్లకు పండుగ సేసుకో
కాదనేది లేదు
కానీ ఫేసులు గీసులు
మార్ఫింగ్‌ సేసి
పిచ్చి పిచ్చి వేషాలు వేసారో
దెబ్బలు పడతాయిరో రాజా
దెబ్బలు పడతాయిరో
దెబ్బ దెబ్బ దెబ్బలు పడతాయిరో
కిస్‌ కిస్స్‌క్‌
కిస్సా కిస్సా కిసిక్‌

అంటూ సాగుతున్న పాటలో రాజకీయ నాయకుల ఫొటోలు తీసి మార్ఫింగ్‌లు చేసి సోషల్‌ మీడియాలో కొందరు పిచ్చి పిచ్చి వేషాలు వేస్తున్న పరిణామాలపై స్పందించినట్టు ఉంది.  ప్రస్తుతం అలాంటివే ఏపీ రాజకీయాల్లో చూస్తూనే ఉన్నాం. వాటిని ఈ పాట ద్వారా ప్రస్తావించినట్లు తెలుస్తోంది. ఏపీలో మహిళా నాయకులతోపాటు పార్టీల అధినేతలపై ఫొటోలు మార్ఫింగ్‌ చేసి అసభ్యంగా ప్రధాన రాజకీయ పార్టీల సోషల్‌ మీడియాలో జరుగుతున్న తంతు. ప్రస్తుతం ప్రభుత్వం అలాంటి పోస్టులపై చర్యలు తీసుకుంటున్న విషయం తెలిసిందే. అయితే ఏ పార్టీ అయినా సంబంధం లేదు అలా చేయడం తప్పు అంటూ 'దెబ్బలు పడతాయి' అని అల్లు అర్జున్‌ హెచ్చరిస్తున్నట్టు పాట కనిపిస్తోంది. ఐటమ్‌ పాట ద్వారా కూడా ఇలాంటి సందేశం ఇవ్వడం గొప్పగా భావించవచ్చు. ప్రస్తుతం ఈ పాట ఏపీ రాజకీయాల్లో తీవ్ర చర్చనీయాంశంగా మారుతోంది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.

ఆండ్రాయిడ్ లింక్ - https://bit.ly/3P3R74U

ఆపిల్ లింక్ - https://apple.co/3loQYe 

Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.