వైఎస్సార్సీపీ ఎంపీలు బుధవారం ఢిల్లీలో కేంద్ర హోంమంత్రి రాజ్‌నాథ్ సింగ్‌ని కలిసి కాసేపు ఆయనతో భేటీ అయ్యారు. ఏపీకి ప్రత్యేక హోదాతో పాటు రాష్ట్ర విభజన చట్టానికి సంబంధించి ఇచ్చిన హామీలను అమలు చేయాలని ఈ సందర్భంగా వైఎస్సార్సీపీ ఎంపీలు కేంద్ర హోం మంత్రిని కోరారు. 


కేంద్ర బడ్జెట్‌లో ఏపీకి అన్యాయం జరిగిందని వైఎస్సార్సీ ఎంపీలు తమ ఆవేదనను కేంద్ర మంత్రి దృష్టికి తీసుకెళ్లారు. ఈ భేటీలో ఎంపీలు వైవీ సుబ్బారెడ్డి, విజయసాయిరెడ్డి, వరప్రసాద్, అవినాష్ రెడ్డి, మిథున్ రెడ్డి పాల్గొన్నారు.