2023 Hyundai Exter Bookings: హ్యుందాయ్ నుంచి మరో ఎస్‌యూవీ.. బుకింగ్స్ మొదలు! ఇక టాటా పంచ్‌ను మర్చిపోవాల్సిందే

Hyundai Exter SUV Officially Revealed by Hyundai: హ్యుందాయ్ మోటార్ ఇండియా సరికొత్త మైక్రో ఎస్‌యూవీని విడుదల చేస్తోంది. హ్యుందాయ్ ఎక్స్‌టర్ పేరుతో మరో కారును భారత మార్కెట్లో ప్రవేశపెట్టనుంది. ఈ కారుకి సంబందించిన డిజైన్ మరియు రూపాన్ని హ్యుందాయ్ అధికారికంగా వెల్లడించింది. హ్యుందాయ్ ఎక్స్‌టర్ కారు పోటోలను విడుదల చేసింది. సరికొత్త హ్యుందాయ్ ఎక్స్‌టర్ భారతదేశంలో హ్యుందాయ్ కంపెనీ యొక్క అతి చిన్న ఎస్‌యూవీ. ఈ కారు ప్రీ-బుకింగ్ కూడా ప్రారంభమైంది. వినియోగదారులు రూ.11,000 టోకెన్ అమౌంట్‌తో ఈ కారుని బుక్ చేసుకోవచ్చు. ఇది కంపెనీ అధికారిక వెబ్‌సైట్ లేదా హ్యుందాయ్ డీలర్‌షిప్ ద్వారా బుక్ చేసుకోవచ్చు.

హ్యుందాయ్ ఎక్స్‌టర్ 1.2-లీటర్ సహజంగా పెట్రోల్ ఇంజన్‌ను కలిగి ఉంటుంది. ఇది గ్రాండ్ i10 నియోస్‌కు కూడా శక్తిని ఇస్తుంది. ఈ ఇంజన్ 82బిహెచ్‌పి పవర్ మరియు 113ఎన్ఎమ్ టార్క్ ఉత్పత్తి చేస్తుంది. ఈ ఆకృ 5-స్పీడ్ మాన్యువల్ గేర్‌బాక్స్ మరియు AMT ఎంపికను కలిగి ఉంటుంది. హ్యుందాయ్ ఎక్స్‌టర్‌లో సీఎన్జీ వేరియంట్‌లను కూడా కంపెనీ అందుబాటులోకి తీసుకురావచ్చు.

హ్యుందాయ్ కంపెనీ రిలీజ్ చేసిన ఫొటోలు ఎక్స్‌టర్‌కు మస్క్యులర్ స్టైలింగ్‌ను ఇచ్చే ప్రయత్నం చేసినట్లు స్పష్టం అయింది. ఈ కారు సొగసైన గ్రిల్‌తో పాటు H- ఆకారపు LED DRLలను కలిగి ఉంటుంది. బంపర్‌పై చతురస్రాకార హెడ్‌ల్యాంప్‌లతో వస్తుంది. ఎక్స్‌టర్ డైమండ్-కట్ అల్లాయ్ వీల్స్, చుట్టూ బాడీ క్లాడింగ్ మరియు ముందు-వెనుక స్కిడ్ ప్లేట్‌లతో వస్తుంది. త్వరలో ఈ కారు ఇతర ఫీచర్లను కూడా వెల్లడించనుంది. 

భారత మార్కెట్‌లో హ్యుందాయ్ ఎక్స్‌టర్ కారు రూ.6 లక్షల ప్రారంభ ధరలో లభించే టాటా పంచ్‌తో పోటీపడనుంది. అయితే టాప్ వేరియంట్ ధర రూ. 9.52 లక్షలు (ఎక్స్-షోరూమ్, ఢిల్లీ) వరకు ఉంది. పంచ్ యొక్క గ్రౌండ్ క్లియరెన్స్ 187 మిమీ. ఇది 1.2-లీటర్ పెట్రోల్ ఇంజిన్‌ను కలిగి ఉంటుంది. ఇది 86 PS మరియు 113 Nm శక్తిని ఉత్పత్తి చేస్తుంది. ఈ కారు 5-స్పీడ్ మాన్యువల్ మరియు AMT గేర్‌బాక్స్ ఎంపికను కలిగి ఉంది. టాటా పంచ్‌లో 7.0 అంగుళాల టచ్‌స్క్రీన్ సిస్టమ్, సెమీ-డిజిటల్ ఇన్‌స్ట్రుమెంట్ క్లస్టర్, ఆటో AC, ఆటోమేటిక్ హెడ్‌లైట్లు మరియు వైపర్‌లు ఉన్నాయి. క్రూయిజ్ కంట్రోల్ డ్యూయల్ ఫ్రంట్ ఎయిర్‌బ్యాగ్‌లు, EBD మరియు వెనుక పార్కింగ్ కెమెరాతో కూడిన ABS వంటి అనేక ఫీచర్లు కూడా ఉన్నాయి.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.