Best Mileage SUV Cars: ధర తక్కువ, మైలేజీ ఎక్కువ.. ఈ 5 సూపర్ SUV లపై మీరే ఓ లుక్కేయండి!

5 Best Mileage SUV Cars in India: భారతదేశంలో ఎస్‌యూవీ కార్లకు మంచి డిమాండ్ ఉంది. రోజురోజుకు ఎస్‌యూవీ కార్ల సంఖ్య పెరుగుతూనే ఉంది. అయితే ఎస్‌యూవీ కొనుగోలుదారులు మైలేజీ గురించి ఆందోళన చెందుతున్నారు. ఎందుకంటే త్వరలో అనేక ఎస్‌యూవీ కార్లు సీఎన్జీతో మార్కెట్లోకి రాబోతున్నాయి. అయితే మీరు కొత్త ఎస్‌యూవీని కొనుగోలు చేయాలనుకుంటే.. మైలేజీ గురించి అస్సలు ఆందోళన చెందాల్సిన అవసరం లేదు. మీకు అద్భుతమైన మైలేజీని అందించే అనేక ఎస్‌యూవీలు మార్కెట్లో ఉన్నాయి. మీ కోసం 5 ఉత్తమ మైలేజ్ ఇచ్చే ఎస్‌యూవీ కార్ల జాబితా ఇక్కడ ఉంది.

Toyota Urban Cruiser Hyryder:
టయోటా కంపెనీ అర్బన్ క్రూయిజర్ హైరైడర్ కారుని గత సంవత్సరం విడుదల చేసింది. దీని ఎక్స్-షోరూమ్ ధర రూ. 10.48 లక్షల నుంచి ప్రారంభమవుతుంది. ఇది తేలికపాటి మరియు బలమైన హైబ్రిడ్ పవర్‌ట్రెయిన్ ఎంపికలలో అందుబాటులో ఉంది. ఈ కారు దేశంలోనే అత్యంత ఇంధన సామర్థ్యం కలిగిన ఎస్‌యూవీ. టయోటా  కంపెనీ ప్రకారం.. ఈ కారు 27.97 కిలోమీటర్ల మైలేజ్ ఇస్తుంది. 

Maruti Suzuki Grand Vitara:
మారుతి సుజుకి గ్రాండ్ విటారా కారు టయోటా హైరైడర్‌పై ఆధారపడిన మారుతి ఎస్‌యూవీ. ఈ ప్రసిద్ధ కాంపాక్ట్ ఎస్‌యూవీ యొక్క ఎక్స్-షోరూమ్ ధర రూ.10.45 లక్షల నుంచి ప్రారంభమవుతుంది. హైరైడర్ వలె ఇది తేలికపాటి మరియు బలమైన హైబ్రిడ్ పవర్‌ట్రెయిన్ ఎంపికలలో కూడా అందుబాటులో ఉంది. ఈ కారు బలమైన హైబ్రిడ్ ఎంపిక 27.97 kmpl వరకు ఇంధన సామర్థ్యాన్ని అందిస్తుంది.

Kia Seltos:
కియా సెల్టోస్ ప్రసిద్ధ కాంపాక్ట్ ఎస్‌యూవీ. ఈ కారు  ఎక్స్-షోరూమ్ ధర రూ. 10.69 లక్షల నుంచి ప్రారంభమవుతుంది. ఇది పెట్రోల్ మరియు డీజిల్ ఇంజన్ ఎంపికలలో అందుబాటులో ఉంది. కియా సెల్టోస్ 20.8 kmpl మైలేజీని అందిస్తుంది.

Tata Nexon: 
సక్సెస్ ఫుల్ టాటా నెక్సాన్ కారు ప్రారంభ ధర రూ. 7.80 లక్షల (ఎక్స్-షోరూమ్)లుగా ఉంది. ఇందులో పెట్రోల్ మరియు డీజిల్ ఇంజన్ ఎంపికలు ఉన్నాయి. టాటా నెక్సాన్ పెట్రోల్ వేరియంట్‌ 17.33 మైలేజ్ మరియు డీజిల్ వేరియంట్‌క 23.22 మైలేజ్ ఇస్తుంది.

Kia Sonet:
కియా సొనెట్ ఎక్స్-షోరూమ్ ధర రూ.7.68 లక్షల నుంచి ప్రారంభమవుతుంది. కియా సొనెట్ పెట్రోల్ వేరియంట్ 18.4 మైలేజీని అందిస్తుంది. డీజిల్ వేరియంట్ 24.1 మైలేజీని ఇస్తుంది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.