Budget smartphones: రూ.10 వేలలోపే అదిరే స్మార్ట్​ఫోన్లు- ఫీచర్లు ఇవే..

Budget smartphones Under Rs.10K స్మార్ట్​ఫోన్​.. ఇప్పుడు ప్రతి ఒక్కరికి తప్పనిసరిగా మారుతోంది. షాపింగ్ నుంచి బిల్లుల చెల్లింపు సహా దాదాపు అన్ని అవసరాలు స్మార్ట్​ఫోన్​తో చిటికెలో ఐపోతున్నాయి.

ఈ కారణంగా మార్కెట్లో స్మార్ట్​ఫోన్లకు డిమాండ్ పెరిగింది. అయితే ఒకప్పుడు స్మార్ట్​ఫోన్ల ధరలు భారీగా ఉన్న కారణంగా కొంతమంది కొనుగోలు చేయలేని పరిస్థితి వచ్చేది. అయితే ఇప్పుడు కంపెనీల మధ్య పోటీ సహా వివిధ కారణాల వల్ల స్మార్ట్​ఫోన్లు తక్కువ ధరకే లభిస్తున్నాయి.

రూ. 10 వేల లోపు ధరలోనే (Smartphones Under Rs.10k) అన్ని ఫీచర్లున్న స్మార్ట్​ఫోన్లు కొనుగోలు చేసేందుకు వీలుంది. మరి ప్రస్తుతం మార్కెట్లో అందుబాటులో ఉన్న బెస్ట్ స్మార్ట్​ఫోన్లు రూ.10 వేల లోపు ఏవో ఇప్పుడు చూద్దాం.

జియో ఫోన్ నెక్ట్స్​..

గూగుల్, జియో సంయక్తంగా ఈ ఫోన్​ను (JioPhone next) అభివృద్ధి చేశాయి.

• 5.45 అంగుళాల హెచ్​డీ డిస్​ప్లే (గొరిళ్లా గ్లాస్ ప్రొటెక్షన్)

• 2 జీబీ ర్యామ్/ 32 జీబీ స్టోరేజ్

• క్వాల్కమ్​ శ్నాప్​డ్రాగన్​ 215, క్వాడ్​కోర్​ ప్రాసెసర్

• 13 మెగా పిక్సెల్ రియర్​ కెమెరా

• 8 ఎంపీ సెల్ఫీ కెమెరా

• 3,500 ఎంఏహెచ్ బ్యాటరీ

• డ్యుయల్ నానో సిమ్

ధర రూ.రూ.6,499

ఒకేసారి ధర మొత్తం చెల్లించలేము అనుకుంటే.. వారికోసం ప్రత్యేక ఈఎంఐ సదుపాయాలను కూడా అందుబాటులోకి తెచ్చింది జియో. 18 లేదా 24 నెలల సులభతర వాయిదాల్లో ఈ మొత్తాన్ని చెల్లించేందుకు అవకాశం కల్పిస్తోంది.

మైక్రోమ్యాక్స్​ ఇన్​ 2బీ..

దాదాపు పూర్తి స్థాయి దేశీయ టెక్నాలజీతో ఈ మొబైల్​ను రూపొందించింది మైక్రోమ్యాక్స్. కొంత కాలంగా స్మార్ట్​ఫోన్​ మార్కెట్లో వెననబడిన ఈ కంపెనీ.. ఇన్​ సిరీస్​తో మళ్లీ పూర్వ వైభవం సాధించాలని చూస్తోంది. ఇందులో భాగంగానే ప్రీమియం ఫీచర్లతో బడ్జెట్​ ధరలో ఫోన్లను (Micromax in 2B) తెస్తోంది.

• 6.52 అంగుళాల డిస్​ప్లే

• యునిసోక్ టి 610 ప్రాసెసర్‌ (ఆక్టాకోర్​)

• 4 జీబీ ర్యామ్​, 64 జీబీ డిస్​ప్లే

• 5 ఎంపీ సెల్ఫీ కెమెరా

• వెనకవైపు రెండు కెమెరాలు (13 ఎంపీ+2 ఎంపీ)

• 5000 ఎంఏహెచ్ బ్యాటరీ (10 వాట్స్ ఫాస్ట్ ఛార్జింగ్ సపోర్ట్​)

• ఆండ్రాయిడ్ 10 ఆపరేటింగ్ సిస్టమ్​

ధర రూ.8,999

రియల్​మీ నార్జో 30ఏ (Realme Narzo 30A)

• 6.5 అంగుళాల డిస్​ప్లే

• మీడియా టెక్ హీలియో జీ85 ప్రాసెసర్​

• వెనకవైపు రెండు కెమెరాలు (13 ఎంపీ+బ్లాక్​ అండ్ వైట్ సెన్సార్​)

• 8 ఎంపీ సెల్ఫీ కెమెరా

• ఫింగర్​ ప్రిట్ సెన్సార్ వంటి ఫీచర్లు కూడా ఉన్నాయి.

• 6,000 ఎంఏహెచ్​ బ్యాటరీ (18 వాట్స్​ ఫాస్ట్ ఛార్జింగ్ సపోర్ట్)

• 3జీబీ ర్యామ్​+ 32 జీబీ స్టోరేజ్​ వేరియంట్ ధర రూ.8,999

• 4జీబీ + 64 జీబీ స్టోరేజ్ వేరియంట్ ధర రూ.9,999

మోటో ఈ7 పవర్(Moto E7 Power)..

స్టాక్ ఆడ్రాయిడ్ కావాలనుకునే వినియోగదారులు ఈ మోబైల్​ను ఎంచుకోవచ్చు. ఈ ఫోన్లలో ఎలాంటి బ్లోట్ ఉండదు.

• 6.51 అంగుళాల ఫుల్​ హెచ్​డీ డిస్​ప్లే

• మీడియా టెక్ హీలియో జీ25 ప్రాసెసర్​

• 4 జీబీ ర్యామ్​, 64 జీపీ స్టోరేజ్​

• 13 ఎంపీ + 2 ఎంపీ మెయిన్​ కెమెరా

• 5 మెగాపిక్సెల్ సెల్ఫీ కెమెరా

• ఆండ్రాయిడ్​ 10 ఆపరేటింగ్ సిస్టమ్​

ధర రూ.8,999

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి

Android Link - https://bit.ly/3hDyh4G

Apple Link - https://apple.co/3loQYe