Nexon EV price hike: టాటా మోటార్స్​కు చెందిన బెస్ట్ సెల్లింగ్​ ఎలక్ట్రిక్​ వెహికిల్​ నెక్సాన్​ ఈవీ మరింత ప్రియవనుంది. ఈ మోడల్ ధరను రూ.25,000 వేల వరకు పెంచుతూ టాటా మోటార్స్ తాజాగా నిర్ణయం తీసుకుంది. దీనితో వేరియంట్ల వారీగా ఈ మోడల్​ ధరలు రూ.14.54 లక్షల నుంచి రూ.17.15 లక్షల వరకు (ఎక్స్​ షోరూం) పెరగనున్నట్లు సమాచారం.


COMMERCIAL BREAK
SCROLL TO CONTINUE READING

దేశీయంగా అందుబాటులో ఉన్న ఈవీల్లో.. నెక్సాన్​ బెస్ట్ సెల్లర్​గా నిలిచేందుకు దీని ధర కూడా ఒక కారణమని చెబుతుంటారు విశ్లేషకులు. ఇతర కంపెనీలైన ఎంజీ జెడ్​ఎస్​ ఈవీ, హ్యూందాయ్​ కోనా ఎలక్ట్రిక్​ వంటి వాటితో దీని ధర తక్కువగా ఉండటం.. ఫీచర్లు అధికంగా ఉండటం వంటివి నెక్సాన్ ప్రత్యేకతలు. మరి ధరల పెంపు ప్రభావం దీనిపై ఎలా ఉంటుందో వేచి చూడాలని చెబుతున్నారు విశ్లేషకులు.


నెక్సాన్​లో కొన్ని ప్రత్యేకతలు..


ఇందులో 127 హార్స్​పవర్​, 245 ఎన్​ఎం ఇంజిన్​ ఉంటుంది. 30.2కిలో వాట్​ లిథియం-అయాన్ బ్యాటరీ ప్యాక్​ ఉంటుంది. ఒక్కసారి ఫుల్ ఛార్జ్​ చేస్తే ఈ కారు 312 కిలోమీటర్ల వెళ్లగలదని కంపెనీ వర్గాల ద్వారా తెలిసింది.


ప్రస్తుతం నెక్సాన్​ ఈవీ మూడు వేరియంట్లలో లభిస్తుంది. ఎక్స్​ఎం, ఎక్స్​జెడ్​ ప్లస్​, ఎక్స్​జెడ్​ ప్లస్​ ఎల్​యూఎక్స్​ వంటి వేరియంట్లు అందుబాటులో ఉన్నాయి. డార్క్ ఎడిషన్​లో కూడా రెండు వేరియంట్లలో ఈ మోడల్ అందుబాటులో ఉంది. ఈ కార్​లో టైయర్​ ప్రెషర్ మానిటర్​ వంటి అధునాతన ఫీచర్లు ఉన్నాయి.


కొత్త వేరియంట్​పై టాటా కసరత్తు..


టాటా మోటార్స్​ ప్రస్తుతం నెక్సాన్​ ఈవీ మోడల్​లో కొత్త వేరియంట్​పై కసరత్తు చేస్తోందని సమాచారం. 40 కిలో వాట్స్ బ్యాటరీతో ఈ వేరియంట్ అందుబాటులోకి రానున్నట్లు తెలుస్తోంది. ప్రస్తుతం ఉన్న వేరియంట్లతో పోలిస్తే దీని ధర రూ.3 నుంచి రూ.4 లక్షల వరకు అధికంగా ఉండొచ్చని మార్కెట్ వర్గాలు అంచనా వేస్తున్నాయి.


ప్రస్తుతం వేరియంట్లతో పోలిస్తే.. కొత్త వేరియంట్ ఒక్కసారి ఫుల్​ ఛార్జ్​ చేస్తే 400కిలో మీటర్ల వరకు ప్రయాణించే వీలుందని టెస్టింగ్ దశలో తేలింది. వినియోగంలోకి వస్తే కనీసం 300-320 కిలో మీటర్లు ప్రయాణించే వీలుందని అంచనాలు వస్తున్నాయి.


Also read: Gold and Silver Rates Today: స్వల్పంగా పెరిగిన పసిడి ధర.. హైదరాబాద్‌లో నేటి బంగారం, వెండి రేట్లు ఇలా ఉన్నాయి!!


Also read: Oben Rorr Electric Bike: సాధారణ ధరలోనే స్పోర్ట్స్ లుక్‌తో ఎలక్ట్రిక్ బైక్.. సింగిల్ చార్జింగ్‌తో 200 కిమీ మైలేజ్..


స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee హిందుస్థాన్ యాప్ డౌన్‌లోడ్ చేసుకోండి.


Android Link - https://bit.ly/3hDyh4G


Apple Link - https://apple.co/3loQYe 


మా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి Twitter , Facebook