Assam Road Accident: ఘోర విషాదం.. రోడ్డు ప్రమాదంలో ఏడుగురు విద్యార్థులు మృతి

Road Accident In Guwahati: అస్సాంలోని గౌహతిలో ఘోర రోడ్డు ప్రమాదం చోటు చేసుకుంది. గౌహతిలోని జల్కుబారి ప్రాంతంలో ఆదివారం రాత్రి జరిగిన ఘటనలో ఏడుగురు ప్రాణాలు కోల్పోయారు. ఈ ప్రమాదంలో మరికొందరు గాయపడగా.. వారిని సమీప ఆసుపత్రికి తరలించారు. ఈ ఘోర ప్రమాదంలో మరణించిన వారందరూ విద్యార్థులేనని గౌహతి జాయింట్ పోలీస్ కమిషనర్ విజయ్ కుమార్ తెలిపారు. ప్రమాదం ఎలా జరిగిందనే విషయంపై ఆరా తీస్తున్నామని చెప్పారు. మృతుల వివరాలను పోలీసులు సేకరిస్తున్నారు. 

రోడ్డు ప్రమాద ఘటనపై అస్సాం ముఖ్యమంత్రి హిమంత బిస్వా శర్మ స్పందించారు. విద్యార్థులు మరణంపై సంతాపం వ్యక్తం చేశారు. జలుక్‌బరి ప్రాంతంలో జరిగిన రోడ్డు ప్రమాదంలో విద్యార్థులు మృతి చెందడం తనను తీవ్ర దిగ్భ్రాంతికి గురిచేసిందని ట్వీట్ చేశారు. వారి తల్లిదండ్రులకు, కుటుంబాలకు ప్రగాఢ సానుభూతి తెలిపారు. క్షతగాత్రులను మెరుగైన వైద్య చికిత్సలు అందిస్తామని చెప్పారు. జీఎంసీహెచ్‌లో అధికారులతో మాట్లాడినట్లు సీఎం తెలిపారు. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.