Akhil Mishra Passes Away: కిచెన్‌లో జారపడి.. 3 ఇడియట్స్ నటుడు మృతి..

3 Idiots Actor Akhil Mishra Passes Away: 3 ఇడియట్స్ నటుడు అఖిల్ మిశ్రా కన్నుమూశారు. అమీర్ ఖాన్ హీరోగా నటింటిన 3 ఇడియట్స్ చిత్రంలో మిశ్రా లైబ్రేరియన్ దూబే పాత్రలో నటించారు. కిచెన్‌లో జారిపడటంతో ఆయన మరణించినట్లు తెలుస్తోంది. ప్రస్తుతం మిశ్రా వయసు 58 ఏళ్లు. అతడి మరణ సమయంలో ఆయన భార్య సుజానె బెర్నెట్ హైద‌రాబాద్‌లో షూటింగ్‌లో ఉన్నారు. ఈ వార్త తెలిసి ఆమె హుటాహుటిన ఇంటికి చేరుకున్నారు. నటుడి మృతదేహాన్ని పోస్ట్‌మార్టం కోసం తరలించారు. అయితే పోస్ట్‌మార్టం నివేదిక వ‌చ్చిన త‌ర్వాతే పూర్తి వివరాలు తెలిసే అవకాశం ఉంది. 

అఖిల్ మిశ్రా ఎన్నో సినిమాలు చేశారు. డాన్, వెల్ డన్ అబ్బా, గాంధీ మై ఫాద‌ర్‌, షికార్ వంటి చిత్రాలు ఉన్నాయి. అమీర్ ఖాన్ 3 ఇడియట్స్‌ చిత్రంలో  లైబ్రేరియ‌న్ దూబేగా మిశ్రా అందరి ప్రశంసలు అందుకున్నారు. అంతేకాకుండా మిశ్రా చాలా పాపులర్ టీవీ షోలలో కూడా పనిచేశాడు. ఇందులో ఉత్త‌ర‌న్‌, ఉదాన్‌, సీఐడీ, శ్రీమాన్ శ్రీమ‌తి, హ‌తీం, భారత్ ఏక్ ఖోజ్ వంటి షో లు ఉన్నాయి. మిశ్రా జ‌ర్మ‌న్ న‌టి సుజానె బెర్నెట్‌ను 2009 ఫిబ్ర‌వ‌రి 3న వివాహం చేసుకున్నారు. ఇతడి మృతికి ఆయన అభిమానులతోపాటు ప్రముఖలు కూడా సంతాపం ప్రకటిస్తున్నారు. చిత్ర సీమలో వరుస విషాదాలు చోటుచేసుకుంటున్నాయి. ఈ నెలలోనే ఇద్దరు బాలీవుడ్ నటులు మృతి చెందారు. చక్ దే ఇండియా నటుడు రియో కపాడియా, ఓ మై గాడ్ 2 నటుడు సునీల్ ష్రాప్ కన్నుమూశారు. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.