Bandla Ganesh Ravi Teja : ఆంజనేయులు సినిమాకు అన్ని కోట్ల లాభమా?.. బయటపెట్టేసిన బండ్ల గణేష్‌

Bandla Ganesh Movie With Ravi Teja బండ్ల గణేష్ ఎప్పుడు ఎవరిని ఎలా పొగుడుతాడో ఎవ్వరూ చెప్పలేరు. అయితే ఈ మధ్య పవన్ కళ్యాణ్‌ని కాకుండా రవితేజను సైతం బండ్ల గణేష్ పొగిడేశాడు. అయితే బండ్ల గణేష్, రవితేజ రిలేషన్ ఇప్పటిది కాదు. ఈ ఇద్దరూ సైడ్ ఆర్టిస్టులుగా ఎన్నో సినిమాల్లో కలిసి పని చేశారు. బండ్ల గణేష్ నిర్మాతగా చేసిన మొదటి సినిమా ఆంజనేయులు. ఈ సినిమాలో రవితేజ, నయనతారలు జంటగా నటించారు. పరుశురామ్ దర్శకత్వం వహించాడు.

ఆంజనేయులు సినిమాతో బండ్ల గణేష్ నిర్మాతగా మారిన సంగతి తెలిసిందే. బండ్ల గణేష్ నిర్మాతగా చేసిన ఈ మొదటి సినిమా మీద అప్పట్లో నెగెటివ్ టాక్ వచ్చింది. ఈ సినిమాను ఫ్లాప్ అని అన్నారు. కానీ బండ్ల గణేష్ మాత్రం తాజాగా ఈ చిత్రం లాభాలను తీసుకొచ్చిందని చెప్పుకొచ్చాడు. ఆంజనేయులు సినిమా వల్ల ఐదు కోట్లు వచ్చాయని బండ్ల గణేష్ బయటపెట్టేశాడు.

మామూలుగానే బండ్ల గణేష్ నోటికి ఏదోస్తే అది మాట్లాడుతుంటాడు. పవన్ కళ్యాణ్‌ను కాకుండా రవితేజను పొగడటంతో అంతా షాక్ అయ్యారు. అయితే రవితేజను ఎందుకు పొగిడాడు అనే విషయం మీద ఇప్పుడు క్లారిటీ వచ్చింది. ఇదే విషయాన్ని జాఫర్ తన ఇంటర్వ్యూలో అడిగితే అసలు విషయాన్ని చెప్పేశాడు బండ్ల గణేష్‌

రవితేజతో ఉన్న రిలేషన్ గురించి ఎవ్వరికీ తెలియదని, తనను నిర్మాతగా నిలెబట్టాడని, తాను నిర్మాతగా మొదటి సినిమా చేశాడని, ఆ సినిమాతో ఐదు కోట్లు మిగిలాయని, అలాంటి వాడ్ని పొగడక ఇంకెవ్వర్ని పొగడమంటారు అంటూ యాంకర్‌కు బండ్ల గణేష్‌ కౌంటర్లు వేశాడు. అంటే ఆంజనేయులు సినిమాతో బండ్ల గణేష్‌కు ఐదు కోట్లు లాభం వచ్చినట్టు తెలుస్తోంది.

బండ్ల గణేష్‌ నిర్మాతగా దాదాపు అన్ని హిట్లే కొట్టేశాడు. గబ్బర్ సింగ్, బాద్ షా, టెంపర్ వంటి సినిమాలన్నీ ఆయన ఖాతాలోనే పడ్డాయి. రవితేజ ఆంజనేయులు సైతం ప్రాఫిట్ ప్రాజెక్ట్ అని తెలుస్తోంది. గోవిందుడు అందరివాడేలే సినిమా ఒక్కటే ఫ్లాప్ అయినట్టు తెలుస్తోంది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.