Moses Manikchand Part 2: మోసెస్ మాణిక్‌చంద్ పార్ట్-2.. నాని చేతుల మీదుగా టైటిల్, ఫస్ట్ లుక్ రిలీజ్

Moses Manikchand Part 2 Title Poster: నటుడు సిద్ధు జొన్నలగడ్డ (డీజే టిల్లు) అన్న చైతు జొన్నలగడ్డ హీరోగా మోసెస్ మాణిక్‌చంద్ పార్ట్-2 మూవీ తెరకెక్కుతున్న విషయం తెలిసిందే. ఈ సినిమాను పీపుల్స్ మీడియా ఫ్యాక్టరీపై టీజీ విశ్వప్రసాద్ నిర్మిస్తున్నారు. ఈ మూవీకి సంబంధించి ఇప్పటికే రిలీజ్ చేసిన ప్రీ లుక్ పోస్టర్ ఆకట్టుకుంది. తాజాగా మూవీ టైటిల్, ఫస్ట్ లుక్‌ను నేచురాల్ స్టార్ నాని విడుదల చేశారు. చైతు ఈ సినిమాలో ప్రధాన పాత్ర పోషించడంతోపాటు స్టోరీ, స్క్రీన్‌ ప్లే, మాటలు అందిస్తున్నారు. బొమ్మ బ్లాక్‌బస్టర్ ఫేమ్ రాజ్ విరాట్ డైరెక్షన్‌లో ఈ సినిమా తెరకెక్కుతోంది. టైటిల్, ఫస్ట్ లుక్ లాంచ్ చేసిన నాని.. మూవీ టీమ్‌కు ఆల్‌ ద బెస్ట్ చెప్పారు. 

మోసెస్ మాణిక్‌చంద్‌ పార్ట్‌-2 టైటిల్ పోస్టర్‌తోనే ఇంట్రెస్ట్ క్రియేట్ చేశారు మేకర్స్. బాలల దినోత్సవం సందర్భంగా పోస్టర్‌లో హ్యా నో చిల్డ్రన్స్‌ డే అని క్యాప్షన్ ఇచ్చారు. క్వార్టర్ బాటిల్, అమ్మాయి, వైన్‌గ్లాస్‌ ఇలా అన్ని పోస్టర్‌లో యాడ్ చేశారు. చైతు జొన్నలగడ్డ కూర్చీలో కూర్చొని రాజసం ఉట్టి పడేలా ఉన్నారు. పోస్టర్‌లో భారీ ఆభరణాలు ధరించి.. స్టైలిష్ హెయిర్, సన్‌ గ్లాసెస్‌తో డిఫరెంట్ లుక్‌లో అదరగొట్టేశారు. ఒంటిపై టాటూలతో ఆటిట్యూడ్‌ చూపించేలా ఉన్నారు.

ఈ చిత్రానికి ‘ఎ రియల్ విలన్ ఈజ్ ఆల్వేస్ బెటర్ దేన్ ఎ ఫేక్ హీరో’ ట్యాగ్ లైన్ ఇవ్వగా.. కంప్లీట్ ఎంటర్‌టైనర్‌గా తెరకెక్కిస్తున్ారు. వివేక్ కూచిభొట్ల సహ నిర్మాతగా.. కృతి ప్రసాద్ క్రియేటివ్ ప్రొడ్యూసర్‌గా పనిచేస్తున్నారు. ఈ సినిమాకు సంబంధించిన ఇతర నటీనటులు, సాంకేతిక నిపుణుల వివరాలను త్వరలో వెల్లడించనున్నారు. పాన్ ఇండియా అనకుండా.. పాన్ మసాలా మూవీ డిఫరెంట్‌గా తెరకెక్కిస్తున్నారు. ఫస్ట్ లుక్ పోస్టర్‌తోనే ఆకట్టుకున్న ఈ మూవీ.. ఏ రేంజ్‌లో అలరిస్తుందో చూడాలి. తన తమ్ముడు డీజే టిల్లు తరహాలో చైతు కూడా యాక్టింగ్‌తో అదరగొట్టేలా కనిపిస్తున్నారు.