Waltair Veerayya: మెగాస్టార్ సంచలన నిర్ణయం.. `సింహ`న్ని ఫాలో అవుతూ ఎంట్రీ!

Chiranjeevi Waltair Veerayya May Stepback From Sankranthi Race: టాలీవుడ్‌లో ఈ సంక్రాంతికి బాక్సాఫీస్ వార్ హీట్ ఎక్కుతోంది. ఇద్దరు పెద్ద హీరోలు చిరంజీవి వాల్తేరు వీరయ్య, బాలకృష్ణ వీర సింహారెడ్డి సినిమాలు ఫిక్స్ అయ్యాయి. పైగా ఈ రెండు సినిమాలు ఒకే బ్యానర్ పై తెరకెక్కినవే. ఇద్దరి సినిమాలు దశాబ్దాల నుంచి పోటీ పడుతున్నాయి. ఈ సారి కూడా చిరు, బాలయ్యలు బాక్సాఫీస్ ఫైట్ కు మరోసారి సిద్ధమయ్యారు. 

అయితే ఈ సంక్రాంతి వార్.. బాలకృష్ణ జనవరి 12న మొదలు పెడుతున్నట్లు ముందుగానే ప్రకటించారు. ఫ్యాక్షన్ జానర్లో రూపొందిన వీర సింహారెడ్డి జనవరి 12న, ఓవర్సీస్ లో జనవరి 11న విడుదల కానుంది. గోపీచంద్ మలినేని దర్శకత్వంలో రూపొందిన ఈ సినిమాలో శృతి హాసన్ హీరోయిన్ గా నటించింది. బాలయ్య ఈసారి కూడా సూపర్ హిట్ కొడతాడని నందమూరి ఫ్యాన్స్ జోష్ లో ఉన్నారు. ఇక చిరు ఆచార్య ఫ్లాప్ తర్వాత... మాస్ గెటప్ లో దర్శనమిస్తూ.. వాల్తేరు వీరయ్యగా రానున్నారు. బాబీ దర్శకత్వం వహించిన ఈ సినిమాలో శృతి హాసనే హీరోయిన్. ఈ మూవీ రిలీజ్ డేట్ ను మేకర్స్ ఇంకా అనౌన్స్ చేయలేదు. 

ఇక ఈ రెండు సినిమాల మధ్యలో కోలీవుడ్ స్టార్ హీరో విజయ్ నటిస్తున్న వారసుడు కూడా రిలీజ్ అవుతుంది. ఈ సినిమాను వంశీ పైడిపల్లి డైరెక్ట్ చేయగా.. నిర్మాత దిల్ రాజు నిర్మిస్తున్నారు. అయితే అందరూ ఈ సంక్రాంతికి ట్రయాంగిల్ ఫైట్ పక్కా అనుకున్నారు. అయితే ఇక్కడే కొత్త ట్విస్ట్ తెరమీదకు వచ్చింది. ఇదే సంక్రాంతికి యూవీ క్రియేషన్స్ సినిమా కళ్యాణం కమనీయం కూడా రానుందని తెలుస్తోంది. ఇక్కడే అసలు ట్విస్ట్ తెర మీదకు వచ్చింది. అదేమంటే ముందుగానే దిల్ రాజు వారసుడు కోసం పెద్ద ఎత్తున థియేటర్స్ బ్లాక్ చేసినట్లు తెలుస్తోంది.  మరోవైపు యూవీ క్రియేషన్స్ వద్ద కూడా థియేటర్లు భారీగానే ఉన్నాయని సమాచారం.

సంతోష్ శోభన్ నటించిన కళ్యాణం కమనీయం ఈ సంక్రాంతికి విడుదల చేయాలని చూస్తున్నారు. ఈ సినిమా తప్పుకునే ఛాన్స్ లేదు. ఎందుకంటే యూవీ క్రియేషన్స్ వారితో దిల్ రాజు, మైత్రి మూవీ మేకర్స్ తో మంచి సంబంధాలే ఉన్నాయి. ఎవరికి ఇచ్చినా... మరోకరు ఫీల్ అవుతారు. కాబట్టి యూవీ క్రియేషన్స్ ఈ సినిమాతో మేము కూడా సంక్రాంతికి వస్తున్నామని వంక పెట్టుకునే అవకాశం ఉందని తెలుస్తోంది.  ఇంత హడావుడిలో ఎందుకులే అని ఇక ఈ సంక్రాంతి రేసులో వాల్తేరు వీరయ్య తప్పుకున్నట్లు తెలుస్తోంది. ఎందుకంటే గుంపులుగా రావడం కంటే.. సింహం సోలోగా వచ్చి హిట్ కొట్టే ఆలోచనలో ఉన్నట్లు సమాచారం.

ఈ సినిమాను సంక్రాంతి త‌ర్వాత సోలోగా రిలీజ్ చేయాల‌ని మేక‌ర్స్ దాదాపు నిర్ణ‌యం తీసుకున్న‌ట్టే తెలుస్తోంది. చిరంజీవి కూడా అందుకు గ్రీన్ సిగ్నల్ ఇవ్వడంతో దీనిపై ఒక‌టి రెండు రోజుల్లో అధికారిక ప్ర‌క‌ట‌న రానుంది. అదే జ‌రిగితే మెగా ఫ్యాన్స్‌కు పెద్ద నిరాశ‌లాంటి న్యూసే అనుకోవాలి. బాబి ద‌ర్శ‌క‌త్వం వ‌హిస్తోన్న ఈ సినిమాలో శృతీహాస‌న్ హీరోయిన్ కాగా.. దేవిశ్రీ ప్ర‌సాద్ మ్యూజిక్ అందిస్తున్నారు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.