jr ntr and allu arjun: జూనియర్ ఎన్టీఆర్,అల్లు అర్జున్ కు కొత్త సమస్య, ఆ పార్టీ అభిమానులతో ఈ ఇద్దరు హీరోలు ఇబ్బంది పడుతున్నారా..?

jr ntr and allu arjun:  నియర్ ఎన్టీఆర్..టాలీవుడ్ లో తన కంటూ ఓ ప్ర్యతేక ఇమేజ్ సొంతం చేసుకున్న యంగ్ హీరో. సీనియర్ ఎన్టీఆర్ నట వారసత్వంగా తెలుగు చిత్ర పరిశ్రమలోకి అడుగుపెట్టిన ఎన్టీఆర్ అతి తక్కువ కాలంలోనే టాలీవుడ్ తో పాటు ఇండియా వైడ్ గా తన కంటూ ఓ గుర్తింపును తెచ్చుకున్నాడు.నినుచూడాలని సినిమాతో తెలుగు చిత్ర పరిశ్రమలో ఎంట్రీ ఇచ్చిన జూనియర్ ఎన్టీఆర్ ఆ తర్వాత సినిమా సినిమాకు తన నటనతో, డ్యాన్స్ తో ప్రేక్షకులకు అలరించాడు. ప్రస్తుతం చిత్ర పరిశ్రమలో ఉన్న హీరోల్లో నవరసాలు పండించ గల అతి కొద్ది మంది నటుల్లో జూనియర్ ఎన్టీఆర్ ఒకరు.ఇటీవల విడుదలైన దేవర సినిమాతో దాదాపు 500 కోట్ల వసూళ్లు సాధించి రికార్డ్ సృష్టించారు. 

ఇక టాలీవుడ్ లో మరో యంగ్ హీరో అల్లు అర్జున్.  మొదట్లో అందరూ స్టైలిష్ స్టార్ గా పిలుచుకునే అల్లు అర్జున్ ప్రస్తుతం అభిమానులకు ఐకాన్ స్టార్ గా మారాడు. తాత అల్లు రామలింగయ్య నటవారసత్వం, మామ మెగస్టార్ అందండలు కలిసి టాలీవుడ్ లోనే టాప్ హీరోగా మారాడు. గంగోత్రి సినిమాతో చిత్రి పరిశ్రమకు పరిచయం ఐన అల్లు అర్జున్ క్రమక్రమంగా తన నటతో పెద్ద ఫ్యాన్ ఫాలోయింగ్ ను సృష్టించుకున్నారు.రీసెంట్ గా వచ్చిన పుష్ప సినిమాతో అల్లు అర్జున్ పాన్ ఇండియా స్టార్ అయ్యారు. అంతే కాదు పుష్ప సినిమాతో  నేషనల్ అవార్డును గెలుచుకున్న అల్లు అర్జున్ తెలుగు చిత్ర పరిశ్రమలో అరుదైన గుర్తింపు పొందిన యువ హీరోగా రికార్డు కూడా సృష్టించారు.తాజాగా పుష్ప 2 సినిమా విడుదలకు సిద్దంగా ఉంది. ఇప్పటికే ట్రైలర్ తో దేశ వ్యాప్తంగా సంచలనం సృష్టిస్తున్నాడు.

ఇలా ఇద్దరు యువ హీరోలు తెలుగు చిత్ర పరిశ్రమలో తమకంటూ ఓ ఇమేజ్ ను క్రియేట్ చేసుకున్నారు. అలాంటి ఈ ఇద్దరి హీరోలకు ఇప్పుడు ఒకే తరహా సమస్య వచ్చి పడింది. తమ బ్యాక్ గ్రౌండ్ గా చెప్పుకునే ఫ్యామిలీసే ఈ ఇద్దరిని  దూరం పెట్టిందనే గుసగుసలు చిత్ర పరిశ్రమలో ఇప్పటికే జోరందుకున్నాయి. ఇదే సందర్భంలో ఒక పార్టీ అభిమానులు వీరికి అండగా నిలబడుతుండడం సంచలనంగా మారింది.ఇటీవల జూనియర్ ఎన్టీఆర్ సినిమా దేవర విడుదలైంది. దీనిపై కొందరు వ్యతిరేకంగా సోషల్ మీడియాలో పెద్ద ఎత్తున ప్రచారం చేశారు.సినిమా రిలీజ్ ఐన మరుక్షణం నుంచే వ్యతిరేకంగా పోస్టులు పెట్టడం షురూ చేశారు .ఐతే దీనికి కౌంటర్ గా జూనియర్ ఫ్యాన్స్ తో పాటు వైసీపీ పార్టీ సానుభూతిపరులు కూడా సోషల్ మీడియాలో పోస్టులు పెట్టారు.ఇప్పుడు ఇదే జూనియర్ కు కొంత  ఇబ్బందిగా మారిందని ప్రచారం జరుగుతుంది.వైసీపీకీ చెందిన సానుభూతిపరుల మద్దతు తెలుపుతుండడంతో తనపైన ఎలాంటి ముద్ర పడుతుందో అని ఫీలవుతున్నారు.వైసీపీ వాళ్లు ఇన్వాల్స్ ఐతే నందమూరి కుంటుంబానికి మరింత ఆగ్రహం వస్తుందేమో అని అనుకుంటున్నారు. 

ఇక అల్లు అర్జున్ ది కూడా ఇదే తరహా సమస్య వెంటాడుతుంది. ఇప్పటికే అల్లు అర్జున్ కు  మెగా ఫ్యాన్స్ కు కూడా కొంత గ్యాప్ ఏర్పడింది.ఇది రోజు రోజుకు ముదురుతుంది. ఇదే సమయంలో అల్లు అర్జున్ కు వైసీపీ శ్రేణులు మద్దతుగా ఉంటున్నారు.తాజాగా విడుదలైన పుష్ప 2 ట్రైలర్ కు విపరీతమైన స్పందన వస్తుంది. ట్రైలర్ బాగుందని అంతా ప్రశంసలు వస్తున్నాయి.అల్లు అర్జున్ ఫ్యాన్స్ ట్రైలర్ తర్వాత పండగ చేసుకుంటున్నారు.ఐకాన్ స్టార్ ఫ్యాన్స్ తో సమానంగా వైసీపీ అభిమానులు కూడా సోషల్ మీడియాలో సందడి చేస్తున్నారు. ఇప్పుడు ఇదే అల్లు అర్జున్ కు ఇబ్బందిగా మారుతుందని అనుకుంటున్నారు. ఈ వైసీపీ ఇన్వాల్వ్ మెంట్ తో మెగా ఫ్యాన్స్ ను మరింత రెచ్చగొట్టినట్లు అవుతుందేమో అని ఐకాన్ స్టార్ ఫ్యాన్స్ ఆందోళన చెందుతున్నారు. 

ఐతే సంబంధం లేకుండానే తమ హీరోలను రాజకీయాల్లోకి లాగుతుండడంపై ఈ ఇద్దరి హీరోల ఫ్యాన్స్ ఫైర్ అవుతున్నారు.  తమ హీరోలను కొందరు కావాల్సుకునే సోషల్ మీడియాలోటార్గెట్ చేస్తున్నారని మండిపడుతున్నారు. తమ హీరోల జోలికీ ఎవరూ రాకుంటేనే మంచిందని అలా కాదని ఇష్టానుసారంగా పోస్టులు పెడితే మాత్రం చూస్తూ కూర్చోమని కూడా వారు వార్నింగ్ ఇస్తున్నారు. ఇదే సమయంలో తమ హీరోలకు మద్దతు ఇస్తున్న వైసీపీ క్యాడర్ ను కూడా సున్నితంగా హెచ్చరిస్తున్నారు. నిజంగా మద్దతు ఇస్తే సరే కానీ అనవరంగా రాజకీయాలు చేయకండి అని అంటున్నారు.

దేవర సినిమా విడుదల ఐన తర్వాత సోషల్ మీడియాలో నెగటివ్ రివ్యూస్ తో కొందరు పని గట్టుకొని దుష్ప్రచారం చేశారనేది ఎన్టీఆర్ ఫ్యాన్స్ ఆరోపణ. తమ హీరో సినిమా బాగున్నా ఇలా నెగటివ్ ప్రచారం చేయడం ఎంత వరకు సమంజసమని వారు మండిపడుతున్నారు.ఇక త్వరలో విడుదల కాబోతున్న అల్లు అర్జున్ పుష్ప 2 కూడా ఇదే తరహా ప్రచారం కొనసాగవచ్చని అల్లు అర్జున్ ఫ్యాన్స్ సందేహిస్తున్నారు. సినిమాను సినిమాలా చూడండి తప్పా రాజకీయాలను జోడించకండి ఈ ఇద్దరు అభిమానుల హీరోలు కోరుకుంటున్నారు. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.