NTR 30 Update : ఇలా ఒత్తిడి పెంచొద్దు.. మా భార్యల కంటే ముందే మీకు చెబుతాం.. వేడుకున్న ఎన్టీఆర్

NTR 30 Update at Amigos Pre Release Event ఎన్టీఆర్ 30వ సినిమా అప్డేట్ కావాలంటూ అభిమానులు చేస్తోన్న గొడవ గురించి అందరికీ తెలిసిందే. అయితే ఈ విషయం మీద అభిమానులను మందలిస్తూనే వచ్చాడు. కళ్యాణ్‌ రామ్ అమిగోస్ సినిమా ప్రీ రిలీజ్ ఈవెంట్‌ను ఆదివారం గ్రాండ్‌గా నిర్వహించారు. ఫిబ్రవరి 10న రాబోతోన్న ఈ సినిమా ప్రమోషన్స్ కోసం ఎన్టీఆర్ ముఖ్య అతిథిగా వచ్చాడు. ఎన్టీఆర్ మాట్లాడుతున్న సమయంలో అభిమానులు అప్డేట్ అంటూ గోల చేశారు.

సినిమాల అప్డేట్ కోసం మీ ఆరాటం, తాపత్రయం, ప్రేమ అన్నీ కూడా మాకు అర్థం అవుతున్నాయ్ కానీ అప్డేట్ అంటూ ఇలా దర్శక నిర్మాతల మీద ఒత్తిడి పెంచొద్దని, నా విషయంలోనే కాదు.. మిగతా నటీనటుల విషయంలోనూ ఇలా చేయొద్దు. మీరు ఇలా చేయడం వల్ల.. ఏదో ఒక అప్డేట్ ఇవ్వాలనే తొందరపడతారు.. వారి మీద ఒత్తిడి పెరుగుతుంది.. ఇచ్చిన అప్డేట్ బాగా లేకపోతే మళ్లీ మీరే తిడతారు.. 

ఓ మంచి సినిమాను తీయాలని అనుకుంటాం.. ఇప్పుడు మనం గ్లోబల్‌లో నెంబర్ వన్ స్థానంలో ఉన్నాం.. ఆ స్థాయికి తగ్గ సినిమాలు తీయాలని అనుకుంటాం.. ఏదైనా అప్డేట్ ఉంటే.. మా భార్యల కంటే ముందుగా మీకే చెబుతాం.. ఎందుకంటే మీరే మాకు ముఖ్యం.. అప్డేట్ ఉంటే.. అది ముఖ్యమైన అప్డేట్ అయితే మీకే ముందుగా చెబుతాం.. దయచేసి ఇలా అప్డేట్ అప్డేట్ అని అడగొద్దు.. ప్రతీ రోజూ ఏదో ఒక అప్డేట్ ఇవ్వలేం..

ఫిబ్రవరిలో సినిమాను ప్రారంభిస్తున్నాం.. మార్చి 20 లేదా.. అంతలోపే సినిమాను స్టార్ట్ చేస్తాం.. వచ్చే ఏడాది ఏప్రిల్‌ 5న రిలీజ్ చేస్తామని మొత్తానికి తన సినిమా అప్డేట్ ఇచ్చాడు ఎన్టీఆర్. కొరటాల శివతో చేయబోతోన్న ఈ సినిమా అప్డేట్ రావడంతో ఫ్యాన్స్ ఫుల్ ఖుషీ అవుతున్నారు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.