KA Collections: కిరణ్ అబ్బవరం క మొదటి రోజు కలెక్షన్స్ తెలిస్తే షాక్ అవ్వాల్సిందే..!
Kiran Abbavaram KA collections Day 1: రాజు వారు రాణి వారు.. చిత్రం ద్వారా తెలుగు ప్రేక్షకులకు పరిచయమైన హీరో కిరణ్ అబ్బవరం. ఇక తన మొదటి సినిమాలో చేసిన హీరోయిన్ ని ఈమధ్య పెళ్లి చేసుకున్నారు ఈ హీరో. కాగా పెళ్లయిన తరువాత కిరణ్ అమ్మవరం నటించిన మొదటి చిత్రం క. దీపావళి సందర్భంగా అక్టోబర్ 31న ప్రపంచవ్యాప్తంగా విడుదలైంది ఈ చిత్రం. మరి ఈ సినిమా కలెక్షన్స్ ఎలా ఉన్నాయో ఒకసారి చూద్దాం.
Kiran Abbavaram KA day 1 collections: కిరణ్ అబ్బవరం గురించి.. తెలుగు ప్రేక్షకులకు ప్రత్యేక పరిచయాలు అవసరం లేదు. హిట్లు..ఫ్లాపులతో సంబంధం లేకుండా వరుస సినిమాలు చేసుకుంటూ దూసుకుపోతున్నారు ఈ హీరో. ఇక ఈ మధ్యనే ఈ హీరో తన మొదటి సినిమా హీరోయిన్ ని పెళ్లి చేసుకున్న సంగతి తెలిసిందే. కాగా కిరణ్ అబ్బవరం పెళ్లి తర్వాత వచ్చిన మొదటి చిత్రం క. దీపావళి సందర్భంగా ఈ సినిమా అక్టోబర్ 31వ విడుదలైంది.
పీరియాడిక్ థ్రిల్లర్ మూవీ క.. డిఫరెంట్ కాన్సెప్ట్ తో వస్తోంది అని ఈ సినిమా విడుదల ముందు నుంచే ప్రచారం సాగింది. ఇక ఆ తర్వాత విడుదలైన ఈ చిత్రం ట్రైలర్ కూడా ప్రేక్షకులను ఆకట్టుకోవడంతో.. ఈ సినిమాపై అంచనాలు భారీగా పెరిగాయి. ఈ చిత్రంలో నయన్ సారిక, తన్వీ రామ్ హీరోయిన్స్‌గా నటించారు. దర్శక ద్వయం సుజీత్, సందీప్ ఈ మూవీని విలేజ్ బ్యాక్ డ్రాప్ తో.. ఆధ్యాంతం సస్పెన్స్ తో సాగే యాక్షన్ థ్రిల్లర్ మూవీగా తెరకెక్కించారు. శ్రీమతి చింతా వరలక్ష్మి సమర్పణలో శ్రీచక్రాస్ ఎంటర్‌టైన్‌మెంట్ బ్యానర్‌పై.. ఈ సినిమాని గోపాలకృష్ణ రెడ్డి నిర్మించారు.
ఈ సినిమా దుల్కర్ సల్మాన్ లక్కీ భాస్కర్, శివ కార్తికేయన్ అమరన్ సినిమాలతో పోటీపడింది. అయితే ఈ సినిమాకి ప్రీ బుకింగ్ తక్కువగా జరిగినప్పటికీ.. సినిమా విడుదలైన తరువాత మంచి టాక్ రావడంతో.. కలెక్షన్స్ పరంగా ప్రస్తుతం దూసుకుపోతోంది.
ఈ చిత్రం ఎవరూ ఊహించని విధంగా కలెక్షన్లు వసూల్ చేసింది. ముఖ్యంగా ఈ సినిమా కిరణ్ అబ్బవరం కెరియర్ లోనే.. బిగ్గెస్ట్ హిట్ అయ్యేలా కనిపిస్తోంది.
ఇక ఈ సినిమా ఆకుపెన్సి విషయానికి వస్తే.. మొదటిరోజు మార్నింగ్ షో 54%, మధ్యాహ్నం షో 75%, సాయంత్రం షో 62%, నైట్ షో 75% ఆక్యుపెన్సీ సాధించింది. మరో పక్క కలెక్షన్స్ పరంగా.. ఈ చిత్రం మొదటి రోజు రూ. 3.8 కోట్ల కలెక్షన్లు అందుకుంది అని తెలుస్తోంది. ఓ వైపు పండుగ, మరోవైపు.. వరుసగా హలీడేస్ ఉండటంతో.. ఇక రెండు మూడు రోజుల వరకు ఈ చిత్రం ఇలానే మంచి కలెక్షన్ సాధించేలా కనిపిస్తోంది.
స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.
ఆండ్రాయిడ్ లింక్ - https://bit.ly/3P3R74U
ఆపిల్ లింక్ - https://apple.co/3loQYe
Twitter, Facebook సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి.