Nayanthara Character : నయనతార అలాంటిదా?.. అసలు కారెక్టర్ బయటపెట్టేసిన మమతా మోహన్ దాస్

Mamta Mohandas Comment on Nayanthara మమతా మోహన్ దాస్ క్యాన్సర్‌ను జయించిన సంగతి తెలిసిందే. కేడీ సినిమా షూటింగ్‌ సమయంలో క్యాన్సర్ బారిన పడినా కూడా హెల్త్ సహకరించకపోయినా కూడా షూటింగ్‌ చేయమని మనో ధైర్యాన్ని నింపాడంటూ నాగార్జున గురించి ఎంతో గొప్పగా చెప్పింది మమతా మోహన్ దాస్. ఆ క్లిష్ట సమయంలో నాగ్ ఎంతో అండగా ఉన్నాడని చెప్పుకొచ్చింది.

అలాంటి మమతా మోహన్ దాస్ తాజాగా కొన్ని సంఘటనలు చెప్పుకొచ్చింది. గతంలో ఓ సారి నయనతార చేసిన విషయాన్ని ఇప్పుడు బయటపెట్టేసింది. రజనీకాంత్‌తో ఓ సారి సాంగ్ షూటింగ్ చేయాలని మేకర్లు అడిగారట. ఆ పాట కోసం మమతా మోహన్ దాస్‌ను అడిగారట. అయితే ముందుగా చెప్పినట్టు కాకుండా.. అసలు తాను కనిపించకుండా కత్తిరించి పాడేశారట. ఆ పాటలో అసలు తాను లేకుండానే చేశారట.

దానికి కారణం నయనతార అని, వేరే హీరోయిన్ సెట్ మీదుంటే తాను రానని నయనతార మొండికేసిందట. ఆ విషయాలన్నీ తనకు తరువాత తెలిశాయని మమతా మోహన్ దాస్ చెప్పుకొచ్చింది. ఆ పాట కోసం నాలుగు రోజులు షూట్ చేశామని, అది నాకు చాలా బాధగా అనిపించిందంటూ మమతా మోహన్ దాస్ నాటి సంగతులు గుర్తు చేసుకుని బాధపడింది.

ఇక అరుంధతి సినిమాను మిస్ చేసుకున్న తీరు గురించి ఇది వరకే చెప్పి ఎంతగానో బాధపడింది. అంత మంచి చాన్స్‌ను మిస్ చేసుకున్నావ్ అంటూ రాజమౌళి సైతం అన్నాడట. అలా కెరీర్ స్టార్టింగ్‌లోనే ఎంతో ఎత్తుకు ఎదగాల్సిన మమతా మోహన్ దాస్ ఇలా మిగిలిపోయింది.

డ్యాన్సర్‌, సింగర్‌, నటిగా ఇలా మమతా మోహన్ దాస్ పలు రకాలుగా తన ప్రతిభను చాటుకున్న సంగతి తెలిసిందే. ఇప్పుడు కొన్ని సినిమాలతో ఆమె బిజీగా ఉంది. ఆమె నటించిన రుద్రాంగి సినిమా ప్రేక్షకుల ముందుకు వచ్చేందుకు రెడీగా ఉన్న సంగతి తెలిసిందే.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.