Naga Shaurya Marriage: నాగశౌర్య పెళ్లి ఫిక్స్.. మరో పది రోజుల్లోనే... అమ్మాయి ఎవరంటే?

Nagashourya to Marry Anusha on December 20th: ఉమ్మడి ఆంధ్రప్రదేశ్లో ఏలూరులో జన్మించిన నాగశౌర్య తర్వాత విజయవాడలో పెరిగారు. సినిమాల మీద మక్కువతో హైదరాబాద్ వచ్చేసి సినీ పరిశ్రమలో అనేక ప్రయత్నాలు చేసి క్రికెట్ గర్ల్స్ అండ్ బీర్ అనే సినిమాతో హీరోగా పరిచయం అయ్యారు శౌర్య. ఆయనకు ఆ సినిమా పెద్దగా పేరు తీసుకురాలేదు కానీ చందమామ కథలు అనే సినిమా అవకాశం మాత్రం తీసుకువచ్చింది. ఆ సినిమా కూడా పరవాలేదనిపించింది.

ఇక ఊహలు గుసగుసలాడే అనే సినిమా మాత్రం శౌర్యకి మంచి బ్రేక్ ఇచ్చింది. తర్వాత దిక్కులు చూడకు రామయ్య, లక్ష్మీ రావే మా ఇంటికి, జాదు గాడు ఇలా వరుసగా అనేక సినిమాలు చేస్తూ వెళ్లిన ఆయనకు పెద్దగా కాలం కలిసి రాలేదు. అయితే చలో సినిమాలో హీరోగా నటించిన ఆయన ఆ సినిమాతో బ్లాక్ బస్టర్ అందుకున్నాడు. ఆ తర్వాత కణం అనే సినిమాతో కూడా ఒక మాదిరి హిట్ అందుకున్న నాగశౌర్య ఓ బేబీ సినిమాలో కూడా నటించి మంచి పేరు తెచ్చుకున్నారు.

నాగశౌర్య చివరిగా కృష్ణ బృందా విహారి అనే సినిమాతో తెలుగు ప్రేక్షకుల ముందుకు వచ్చి నిరాశ పరిచారు. నిజానికి కొంత స్థిరపడ్డాక శౌర్య సొంతంగా ప్రొడక్షన్ స్టార్ట్ చేసి తన తల్లిని నిర్మాతను చేశారు. ఇక స్తుతం ఆయన మరో మూడు సినిమాలను లైన్లో పెట్టారు. ఇటీవలే నాగశౌర్య 24వ సినిమా కూడా పట్టాలెక్కింది. ఇదిలా ఉండగా నాగశౌర్య అనూష అనే అమ్మాయిని వివాహం చేసుకోబోతున్నట్లు సినీ వర్గాలలో ప్రచారం జరుగుతోంది.  ఈ నెల 20వ తేదీన ఉదయం 11:25 నిమిషాలకు బెంగళూరులో నాగశౌర్య వివాహం జరగబోతోంది.

అయితే అనూష అనే పేరు బయటకు వచ్చింది కానీ సదరు యువతి ఎవరు అనే విషయం మీద మాత్రం క్లారిటీ లేదు. వాస్తవానికి ఈ ఏడాదిలోనే నాగశౌర్య సోదరుడు వివాహం కూడా ఘనంగా జరిగింది. అమెరికాలో ఆయన వివాహం జరగగా షూటింగ్ నిమిత్తం నాగశౌర్య ఇక్కడే ఉండి పెళ్లికి కూడా హాజరు కాలేదు. ఇక ఈనెల 19వ తేదీన మెహందీ ఫంక్షన్ ఘనంగా జరిపేందుకు ప్లాన్ చేస్తున్నారు నాగశౌర్య కుటుంబ సభ్యులు. ఇక ఈ వివాహానికి సంబంధించిన అధికారిక ప్రకటన మాత్రం వెలువడాల్సి ఉంది. అలాగే ఆ అమ్మాయి డీటెయిల్స్ బయటకు రావాల్సి ఉంది. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.