Rajesh Master died: సినీపరిశ్రమలో విషాదం.. కొరియోగ్రాఫర్ రాజేష్ మాస్టర్ సూసైడ్!

Choreographer Rajesh Master Death: సినీ పరిశ్రమను వరుస విషాదాలు వెంటాడుతున్నాయి. ఈ మధ్య కాలంలోనే సౌత్ సినీ పరిశ్రమలకు చెందిన అనేకమంది నటీనటులు ఇతర టెక్నీషియన్లు కన్నుమూయగా ఈరోజు మలయాళ సినీ పరిశ్రమలో ఒక తీవ్ర విషాద ఘటన చోటు చేసుకుంది. మలయాళ సినీ పరిశ్రమకు చెందిన ప్రముఖ కొరియోగ్రాఫర్ రాజేష్ మాస్టర్ ఆత్మహత్య చేసుకుని చనిపోయారు.

రాజేష్ మాస్టర్ ఆత్మహత్యకు గల కారణాలైతే ఇప్పటివరకు తెలియ రాలేదు. రాజేష్ మాస్టర్ ఆత్మహత్య గురించిన సమాచారం తెలుసుకున్న పోలీసులు కేసు నమోదు చేసి ప్రారంభించారు. కేవలం మలయాళ సినీ పరిశ్రమ మాత్రమే కాదు దక్షిణాది సినీ పరిశ్రమలో రాజేష్ మాస్టర్ కి మంచి గుర్తింపు ఉంది. ఆయన కొరియోగ్రఫీ చేసిన చాలా సాంగ్స్ సూపర్ హిట్ లుగా నిలిచాయి. సౌత్ సినీ పరిశ్రమలో కొరియోగ్రాఫర్ గా రాజేష్ మాస్టర్ అనేక సినిమాలకు పని చేశారని తెలుస్తోంది.

ఇక రాజేష్ మాస్టర్ మరణ వార్త తెరమీదకు రావడంతో పలువురు సినీ సెలబ్రిటీలు ఆయనకు సంతాపం తెలియజేస్తున్నారు. ముఖ్యంగా ఆయన ఎక్కువగా సేవలు అందించిన మలయాళ సినీ పరిశ్రమలోని పలువురు సినీ ప్రముఖులు రాజేష్ మాస్టర్ మంచితనాన్ని గుర్తు చేసుకుంటూ ఆయన ఆత్మహత్య ఎందుకు చేసుకున్నారో తెలియదు అంటూ సోషల్ మీడియాలో పోస్టులు పెడుతున్నారు. ఇక రాజేష్ మాస్టర్ ఆత్మహత్య చేసుకుని చనిపోవడంతో మలయాళ సినీ పరిశ్రమలో ఒక్కసారిగా విషాదం నెలకొంది అని చెప్పాలి. అసలు రాజేష్ మాస్టర్ ఆత్మహత్య చేసుకోవడానికి గల కారణాలేమిటి? ఆయన ఆత్మహత్యకు ఎందుకు పాల్పడ్డారు? అనే విషయాలు తేల్చేందుకు పోలీసులు ప్రయత్నిస్తున్నారు. త్వరలో ఈ కేసుకు సంబంధించిన పూర్తి వివరాలు వెల్లడిస్తామని పోలీసులు చెబుతున్నారు. ఆయన దక్షిణాది సినిమాల్లో ఎక్కువగా పనిచేసినా మిగతా బాషల కంటే మలయాళ సినిమాల్లోనే ఎక్కువగా పని చేసినట్లు చెబుతున్నారు. దీంతో ఆయనకు మలయాళ కొరియోగ్రాఫర్ గానే ఎక్కువగా గుర్తింపు లభించింది. ఆయనకు ఆర్థిక పరమైన సమస్యలు ఏమైనా ఉన్నాయా? లేక కుటుంబంతో ఏమైనా సమస్యలు ఉన్నాయా? అనే విషయం తెలుసుకునే పనిలో పడ్డారు పోలీసులు. చూడాలి మరి ఏం జరగబోతోంది అనేది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.