Ram Mandir: అయోధ్యకు చేరుకున్న పవర్ స్టార్, సూపర్ స్టార్.. వీడియో వైరల్

Ram Mandir Inaugration: జనవరి 22 కోసం భారతదేశంలోని హిందువులందరూ ‌ కోటి ఆశలతో ఎదురుచూస్తున్నారు. అందుకు ముఖ్య కారణం రామ మందిర ప్రారంభోత్సవం. ఉత్తరప్రదేశ్‌లోని అయోధ్యలో రామ మందిరం ప్రారంభోత్సవం రేపు జనవరి 22.. అనగా సోమవారం ఘనంగా జరగబోతుంది. అయోధ్యలోని రాముని ప్రాణప్రతిష్ఠని కళ్లారా చూసేందుకు దేశం నలుమూలల నుంచి రామ భక్తులు అక్కడికి బయలు దేరుతున్నారు. ఈ మహోత్సవానికి ఆహ్వానం అందిన సెలబ్రిటీలు కూడా ఒక్కొక్కరు ఈరోజు సాయంత్రం నుంచే అయోధ్య చేరుతున్నారు. సినీ, రాజకీయ రంగంలోని పలువురు ప్రముఖులకు ప్రత్యేక ఆహ్వానాలు అందాయి.

తెలుగు హీరోలలో చిరంజీవి, పవన్ కళ్యాణ్, రామ్ చరణ్ తదితరులకి ఆహ్వానం అందగా తమిళ హీరోలలో రజనీకాంత్ ధనుష్ కి ఆహ్వానం అన్నింది. ఈక్రమంలోనే పవర్ స్టార్ పవన్ కళ్యాణ్, సూపర్ స్టార్ రజినీకాంత్ కి  నేడు అయోధ్యకి చేరుకున్నారు. ప్రస్తుతం అందుకు సంబంధించిన వీడియోలు.. ఫోటోలు సోషల్ మీడియాలో వైరల్ గా మారాయి. 

అయోధ్యకు చేరుకున్న పవర్ స్టార్ ఈ రామ మందిరం ప్రారంభోత్సవం గురించి  మాట్లాడుతూ.. “ఇది ఎన్నో సంవత్సరాల కల. 500 సంవత్సరాల తరువాత ఇప్పుడు నిజం కాబోతుంది. అందుకే చాలా సంతోషంగా ఉంది” అని తెలియజేశారు.

సూపర్ స్టార్ రజినీకాంత్ కూడా అక్కడికి చేరుకున్న వీడియో ప్రస్తుతం అందరిని ఆకట్టుకుంటుంది. కాగా ఈ ప్రారంభోత్సవ కార్యక్రమానికి టాలీవుడ్ నుంచి  మెగాస్టార్ చిరంజీవి, మెగా పవర్ స్టార్ రామ్ చరణ్ దంపతులు సైతం హాజరుకాబోతున్నారు. ప్రస్తుతానికి టాలీవుడ్ నుంచి వెళ్తున్న వారి లిస్టులో వీరి పేర్లు మాత్రం బయటకి వచ్చాయి. ఇక వీరికి కాకుండా మరి ఎవరన్నా తెలుగు హీరోలకి ఆహ్వానం అందిందా లేదా అన్న విషయం తెలియాలి అంతే మాత్రం రేపటి వరకు వేచి చూడాలి.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.     

Android Link: https://play.google.com/store/apps/details?id=com.indiadotcom.zeetelugu 

Apple Link: https://apps.apple.com/in/app/zee-telugu-news/id1633190712

 Twitter , Facebookమా సోషల్ మీడియా పేజీలు సబ్‌స్క్రైబ్ చేసేందుకు క్లిక్ చేయండి