Salaar Movie Leaked: సలార్ టీమ్‌కు భారీ షాక్.. అప్పుడే ఆన్‌లైన్‌లోకి ఫుల్‌మూవీ

Salaar HD Available For Free:  ఎన్నో అంచనాల మధ్య ఘనంగా విడుదలయ్యింది ప్రభాస్ హీరోగా చేసిన సలార్ సినిమా. మొదటి షో నుంచి ఈ సినిమా సూపర్ హిట్ టాక్ సొంతం చేసుకుంటోంది. తమ అభిమాన హీరోకి ఎన్నో సంవత్సరాల తర్వాత సూపర్ హిట్ సినిమా వచ్చింది అని సంబరాలు చేసుకుంటూ ఉండగా ఇలాంటి టైం లో ఈ సినిమా టీమ్ కి పెద్ద షాక్ తగిలింది. అదేమిటి అంటే ఈ సినిమా విడుదలైన కొన్ని గంటలకి ఈ చిత్రం హెచ్ డి ప్రింట్ ఆన్లైన్ లో లీక్ అయిపోయింది. ఈ సినిమా దాదాపు  2 గంటల 45 నిమిషాల  రన్‍టైమ్ తో రాగా ఈ మొత్తం సినిమా ఆన్లైన్ లో ..టెలిగ్రామ్.. ఐ బొమ్మ లాంటి సైట్స్ లో లో పెట్టేయడంతో సినీ ప్రేక్షకులు షాక్ కి గురవుతున్నారు.

కాగా ఈ చిత్రం ప్రపంచవ్యాప్తంగా దాదాపు 345 కోట్ల ప్రీ రిలీజ్ బిజినెస్ చేయగా.. ఈ చిత్రం బ్రేక్ ఈవెన్ విషయానికి వస్తే.. ఈ సినిమా కనీసం 347 కోట్ల రేంజ్‌లో షేర్‌ని 650 కోట్ల గ్రాస్‌ను అందుకుంటేనే సూపర్ హిట్ గా నిలుస్తుంది. ఈ నేపథ్యంలో ఇలా ఈ చిత్రం పైరసీ ప్రింట్ అప్పుడే దాదాపు చాలా ఆన్లైన్ సైట్లో అప్లోడ్ అవ్వడం ప్రభాస్ అభిమానులను కలవరానికి గురిచేస్తోంది.

మరి పైరసీ నుంచి బయటపడి ఈ చిత్రం బాక్స్ ఆఫీస్ దగ్గర ఎలాంటి సెన్సేషన్ క్రియేట్ చేస్తుంటే వేచి చూడాలి. ఇక ఆలానే ఈ సినిమా టీం పైరసీ పైన ఎలాంటి చర్యలు తీసుకుంటుందో కూడా తెలియాల్సి ఉంది.

ఇక  ప్రశాంత్ నీల్ దర్శకత్వంలో వచ్చిన ఈ చిత్రాన్ని కూడా కేజీఎఫ్ సినిమాని నిర్మించిన హోంబళే ఫిల్మ్స్ నిర్మించారు. ఇక ఈ భారీ చిత్రానికి రవి బసృర్ సంగీతం అందించగ ఈ మూవీలో ప్రభాస్‌తో పాటు పృథ్వీరాజ్ సుకుమారన్, జగపతి బాబు, ఈశ్వరి రావు, మధు గురుస్వామి, శ్రీయా రెడ్డి తదితరులు కీలక పాత్రలో కనిపించారు. కాగా ఈ చిత్రానికి సంబంధించి అఫీషియల్ డిజిటల్ రైట్స్‌ను నెట్ ఫ్లిక్స్ సొంతం చేసుకోగా.. శాటిలైట్ హక్కులు భారీ మొత్తం చెల్లించి స్టార్ మా కొనుగోలు చేసినట్లు తెలుస్తోంది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.