Ram Charan HCA : టాలీవుడ్‌ హీరోలకేమైంది?.. రామ్ చరణ్‌ను చూసి ఈర్ష్యనా?.. కదిలిన మెగా ఫ్యామిలీ

Ram Charan Gets Award At HCA రామ్ చరణ్ ప్రస్తుతం హాలీవుడ్ మెటీరియల్‌గా మారాడు. హాలీవుడ్ క్రిటిక్స్ అసోసియేషన్ అవార్డుల్లో ప్రజెంటర్‌గా పాల్గొనేందుకు ఆహ్వానం అందిన సంగతి తెలిసిందే. ఈ క్రమంలోనే లాస్ ఏంజిల్స్‌కు వెళ్లాడు. అక్కడి పాపులర్ మీడియా ఏబీసీ, గుడ్ మార్నింగ్ అమెరికా వంటి షోలో పాల్గొన్నాడు. ఈ కార్యక్రమంలో పాల్గొన్న తొలి ఇండియన్ హీరోగా రామ్ చరణ్ రికార్డులు క్రియేట్ చేశాడు. అయినా ఏ ఒక్క బాలీవుడ్ హీరో గానీ, సౌత్ హీరోగానీ ప్రశంసించేందుకు ముందుకు రాలేదు.

రామ్ చరణ్‌కు దక్కుతున్న ఈ క్రేజ్, గౌరవాన్ని ఏ ఒక్కరూ గుర్తించలేకపోతోన్నారు. ఇది జెలసీ వల్ల వచ్చిన మౌనమా? లేక మనకెందుకులే అని బాలీవుడ్ నిమ్మకు నీరెత్తినట్టు ఉందా? అన్నది తెలియడం లేదు. అయితే విచిత్రంగా మన తెలుగు హీరోల్లోంచి ఏ ఒక్కర కూడా రామ్ చరణ్‌కు కంగ్రాట్స్ ట్వీట్ వేయడం లేదు.

ఇప్పుడిప్పుడు మెగా హీరోలు స్పందిస్తున్నారు. సాయి ధరమ్ తేజ్, వరుణ్‌ తేజ్ రిప్లైలు ఇచ్చారు. రామ్ చరణ్, ఆర్ఆర్ఆర్, రాజమౌళి మీద ప్రశంసలు కురిపించారు. అయితే అల్లు వారి నుంచి గానీ, మహేష్‌ బాబు, ప్రభాస్ వంటి వారి నుంచి గానీ ఎలాంటి రిప్లైలు రావడం లేదు.

ఇక మహేష్ బాబు అయినా స్పందిస్తాడని అంతా అనుకున్నారు. రాజమౌళితో నెక్ట్స్ మహేష్‌ బాబు సినిమా చేస్తోన్న సంగతి తెలిసిందే. ఆ విధంగానైనా రామ్ చరణ్‌, ఆర్ఆర్ఆర్ మీద స్పందిస్తారని అంతా అనుకున్నారు. బెస్ట్ యాక్టర్స్ లిస్ట్‌లో బ్రాడ్ పిట్, టామ్ క్రూజ్ వంటి వారి పేర్ల సరసనా రామ్ చరణ్‌ ఎన్టీఆర్ పేర్లు కూడా నామినేషన్‌లో కనిపించాయి.

కనీసం ఆ విషయాన్ని అయినా గుర్తించడం లేదని, మన టాలీవుడ్ హీరోలు గానీ, సౌత్ నుంచి గానీ బాలీవుడ్ నుంచి గానీ ఏ ఒక్కరూ  కూడా స్పందించడం లేదు. ఇలా మౌనంగా ఎందుకున్నారు.. రామ్ చరణ్ క్రేజ్‌ను చూసి ఈర్ష్య పడుతున్నారా? అంటూ రామ్ చరణ్‌ ఫ్యాన్స్, మెగా ఫ్యాన్స్ కామెంట్లు పెడుతున్నారు. 

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.