Ram Charan: అన్ స్టాపబుల్ సెట్ లో రామ్ చరణ్.. ప్రమోషన్స్ షురూ..!

Ram Charan - Balakrishna: నటసింహ నందమూరి బాలకృష్ణ హోస్ట్ గా వ్యవహరిస్తున్న అన్ స్టాపబుల్ షో ఇప్పటికే మూడు సీజన్లు దిగ్విజయంగా పూర్తి చేసుకుంది. ఇప్పుడు నాలుగవ సీజన్ కూడా మొదలు కాబోతోంది. అక్టోబర్ 25వ తేదీన చాలా గ్రాండ్ గా అన్ స్టాపబుల్ సీజన్ 4 మొదటి ఎపిసోడ్ ప్రారంభం కాబోతోంది. ఈ మొదటి రోజు కార్యక్రమానికి ఆంధ్రప్రదేశ్ ముఖ్యమంత్రి నారా చంద్రబాబు నాయుడు ముఖ్యఅతిథిగా రాబోతున్నారు. 

ఇకపోతే ఈరోజు రాత్రి మొదటి ఎపిసోడ్ కి సీఎం చంద్రబాబు నాయుడుతో స్ట్రీమింగ్ కానుంది. అటు నందమూరి అభిమానులు,  ఇటు టిడిపి కార్యకర్తలు కూడా ఈ ఎపిసోడ్ కోసం ఎంతో ఆతృతగా ఎదురుచూస్తున్నారు. ఇదిలా ఉండగా ఇప్పటికే ఈ అన్ స్టాపబుల్ షో పలు ఎపిసోడ్స్ కి  షూటింగ్ పూర్తి అయినట్లు సమాచారం. అల్లు అర్జున్, నాగార్జున,  సూర్య వంటి హీరోలకు సంబంధించి ఎపిసోడ్స్ కూడా పూర్తయినట్లు తెలుస్తోంది. 

ఇదిలా ఉండగా తాజాగా అందుతున్న సమాచారం ప్రకారం..  రామ్ చరణ్ కూడా ఈ అన్ స్టాపబుల్ షోకి రాబోతున్నట్లు వార్తలు వినిపిస్తున్నాయి. తాజాగా అందుతున్న సమాచారం ప్రకారం .. రామ్ చరణ్ కూడా ఈ అన్ స్టాపబుల్ షో కి హాజరు కాబోతున్నారట. గేమ్ ఛేంజర్ సినిమా ప్రమోషన్ లో భాగంగా రామ్ చరణ్,  నిర్మాత దిల్ రాజు ఈ షో కి వస్తున్నట్లు వార్తలు వినిపిస్తున్నాయి. 

డిసెంబర్ లో విడుదల కావలసిన ఈ సినిమా పోస్ట్ పోన్ అవ్వడంతో జనవరి 10వ తేదీన వచ్చే యేడాది సంక్రాంతి కానుకగా విడుదల కాబోతోంది. ఈ నేపథ్యంలోనే ప్రమోషన్స్ లో భాగంగా బాలయ్యతో రామ్ చరణ్ ఎపిసోడ్ షూటింగ్ పూర్తి చేసి విడుదలకు ముందు ఈ ఎపిసోడ్ ని వదులుతారని సమాచారం.  గతంలో కూడా ప్రభాస్ వచ్చినప్పుడు చరణ్ కి కాల్ చేసి బాలకృష్ణ మాట్లాడిన విషయం తెలిసిందే.  బయట కూడా రామ్ చరణ్ తో  బాలయ్య చాలా సన్నిహితంగా ఉంటారు

ఇక ఈ నేపథ్యంలోనే రామ్ చరణ్ అన్ స్టాపబుల్ ఎపిసోడ్ కోసం మెగా , నందమూరి అభిమానులు కూడా ఎదురు చూస్తున్నారు. ఏది ఏమైనా గేమ్ ఛేంజర్ ప్రమోషన్స్ అప్పుడే మొదలుపెట్టారని తెలిసి ఫ్యాన్స్ సంతోషం వ్యక్తం చేస్తున్నారు.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.