Rebels of Thupakulagudem : `రెబెల్స్ ఆఫ్ తుపాకులగూడెం` సెన్సార్ పూర్తి.. ఫిబ్రవరి ౩న విడుదల

Rebels of Thupakulagudem censor ప్రస్తుతం ఏ సినిమా ఆడుతుంది.. ఏ సినిమా ఆడదు అని చెప్పడం కష్టంగా మారింది. కొత్త కంటెంట్‌తో వచ్చే చిత్రాలను అయితే జనాలు చూసేందుకు ఎక్కువగా ఆసక్తి చూపిస్తున్నారు. కాన్సెప్ట్ ఓరియెంటెడ్ సినిమాలే జనాలు చూస్తున్నారు. ఈ క్రమంలోనే విభిన్న కాన్సెప్ట్‌తో రెబెల్స్ ఆఫ్ తుపాకుల గూడెం అనే చిత్రం రాబోతోంది. వారధి క్రియేషన్స్ ప్రై.లి. బ్యానర్ మీద ఈ సినిమాను జైదీప్ విష్ణు దర్శకుడిగా తెరకెక్కిస్తున్నాడు. దర్శకుడు జైదీప్ విష్ణు ఈ సినిమాకు ఎడిటర్‌గానూ పని చేశారు. ఈ సినిమాకు సంతోష్ మురారికర్ కథ అందించడమే కాకుండా కో డైరెక్టర్‌గానూ పని చేశారు.

ఈ మూవీలో ప్రవీణ్‌ కండెలా, శ్రీకాంత్ రాథోడ్, జాయెత్రి మకానా, శివరామ్ రెడ్డి ఇలా నలభై మంది కొత్త నటీనటులు కనిపించబోతోన్నారు. ఇలా టీం అంతా కూడా కొత్త వారే కావడం విశేషం. ఈ మధ్యే రెబెల్స్ ఆఫ్ తుపాకుల గూడెం టీజర్‌ను డైరెక్టర్ హను రాఘవపూడి రిలీజ్ చేయగా సోషల్ మీడియాలో వైరల్ అయింది.

టీజర్‌తో ఈ సినిమా మీద మంచి బజ్ ఏర్పడింది. ఎన్నో బ్లాక్ బస్టర్ చిత్రాలకు సంగీతాన్ని అందించిన మణిశర్మ ఈ సినిమాకు పని చేయడం ప్లస్ అయ్యేలా ఉంది. ఆయన మ్యూజిక్, ఆర్ఆర్ టీజర్‌లో స్పెషల్ అట్రాక్షన్‌గా నిలిచిన విషయం తెలిసిందే. ఇప్పుడు ఈ సినిమాకు సంబంధించిన అప్డేట్లు వచ్చాయి.

ఈ చిత్రానికి సంబంధించిన సెన్సార్ కార్యక్రమాలు తాజాగా పూర్తయ్యాయి. ఈ చిత్రానికి యూ/ఏ సర్టిఫికెట్ లభించింది. ఎంతో అద్భుతంగా ఈ చిత్రాన్ని తీశారని సెన్సార్ సభ్యులు ప్రశంసించారు. ఫిబ్రవరి 3న ఈ చిత్రం విడుదల కాబోతున్నట్టుగా మేకర్లు ప్రకటించారు. ఈ మేరకు రిలీజ్ చేసిన పోస్టర్‌లో అన్ని కారెక్టర్లను చూపించారు. పోస్టర్‌ ఎంతో ఇంటెన్స్ గా కనిపిస్తోంది.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.