Premaku Jai: ప్రేమకు జై టీజర్ లాంచ్.. రిలీజ్ చేసిన ప్రముఖ గేయ రచయిత శివశక్తి దత్త

Premaku Jai :ఈశ్వర పరమేశ్వర క్రియేషన్స్ బ్యానర్‌పై  అనసూర్య  నిర్మించిన చిత్రం 'ప్రేమకు జై'. నూతన నటి నటులతో వస్తున్న ఈ చిత్రం గ్రామీణ నేపథ్యంలో చోటు చేసుకున్న ఒక యదార్థ సంఘటన ఆధారంగా తెరకెక్కుతోంది. శ్రీనివాస్ మల్లం  దర్శకత్వంలో రూపొందిన ఈ సినిమాలో యంగ్ టాలెంటెడ్ అనిల్ బురగాని, ఆర్. జ్వలిత హీరోహీరోయిన్లుగా ..దుబ్బాక భాస్కర్ ప్రతినాయకునిగా నటించారు. పోస్ట్ ప్రోడక్షన్ పూర్తి చేసుకున్న ఈ చిత్రం వచ్చే సంవత్సరం జనవరిలో విడుదల కానుంది. తాజాగా ప్రఖ్యాత లిరిక్స్ రైటర్ శివశక్తి దత్త చేతుల మీదుగా ఈ చిత్రం పోస్టర్, టీజర్ రిలీజ్ చేయడం జరిగింది.

ఈ సినిమా టీజర్ చేసిన అనంతరం శివశక్తి దత్త గారు మాట్లాడుతూ....''యంగ్ టాలెంట్ అయినా అందరూ ఈ సినిమాలో చాలా బాగా చేశారు. నూతన న‌టీనటులు చాలా అద్భుతంగా నటించారు. డైరెక్షన్  చాలా బాగుంది. ఈ టీజర్ నాకు బాగా నచ్చింది. చిత్ర యూనిట్  శుభాకాంక్షలు'' అన్నారు.

కాగా ఈ చిత్రంలో అవకాశం ఇచ్చిన దర్శకనిర్మాతలకు.. హీరోహీరోయిన్లు కృతజ్ఞతలు తెలిపారు... 

ఇక ఈ సినిమా టీజర్ అందరినీ ఆకట్టుకునేలా ఉంది. ఈమధ్య కొత్త హీరోలు స్టార్ హీరోలు అనే సంబంధం లేకుండా తెలుగు ప్రేక్షకులు కథ బాగుంటే ఆ చిత్రాన్ని బ్లాక్ బస్టర్ చేస్తున్నారన్న సంగతి తెలిసిందే. మరి ఈ సినిమా కూడా అలానే తెరకెక్కి తెలుగు ప్రేక్షకుల దగ్గర జేజేలు అందుకుంటున్నమో తెలియాలి అంటే ఈ చిత్ర విడుదల వరకు వేచి చూడాలి.

స్థానికం నుంచి అంతర్జాతీయం వరకు.. క్రీడలు, వినోదం, రాజకీయాలు, విద్య, ఉద్యోగాలు, హెల్త్, లైఫ్‌స్టైల్ .. A to Z అన్నిరకాల వార్తలను తెలుగులో పొందడం కోసం ఇప్పుడే Zee తెలుగు న్యూస్ యాప్ డౌన్‌లోడ్ చేసుకోండి.